ISAIAH 10:21 - Cho Bible Common Language 2016

²¹ Israel chang gui apihta bäng cu m’gäi ciah ami Khanpughi ah law ba khai gui nei.

ISAIAH 10:21 Referans Kwoze

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

HOSEA 7:10

Israel chang gui ah chang ah ami ng’shei nak awn gami cu m’lau ne hnungtuk püi gui ci. Ngami ung shin gui nü kia law sei phi ngami cu ami Khanpughi Bawipa kei ah kä ng’hlat law ba ci gui.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

ISAIAH 19:22

Bawipa naw Egypt gui cu m’kyuk gui kahi, cun ung phi gai sak ba gui khai. Ngami cu ani ng’hlat lawk khai gui, ani naw taigü cu ng’yak pe gui hlat lawk khai.

ISAIAH 9:13

Israel chang gui cu kä ng’yu ba ci gui; m’gäi ciah Bawipa naw m’kyuk gui sei phi ngami cu ani ah kä law ba ci gui.

ISAIAH 7:3

Bawipa naw Isaiah am, “Na hta Shear Jashub cu hteh püi ne Ghangpughang Ahaz cu va hmu ä. Ani cu akhan tui büm ung ka tui laknak ah mawngah khütnak, tah tah ci gui ah bi nak ah lam ung na hmuk khai nei.

ISAIAH 46:3

Na ngai vä, Jakob ah hta ng’shon gui, k’pawih ciah kei ah ka chang gui. Nangmi nami hmi law ung tün ne kei naw ka ning m’htei htang gui ci nei.

EZRA 1:4

Omktu khaw ah om tuk ciah a chang tumat mat cu a law ba vai ah bawm vai a hlü ah a kyak ung, a pei ung om ci gui naw bawm nak ami pek vai ah kyak ci. Ngami cu ngui ghui ei awk gui vai la phuih taih sela gui awn bawm gui vai. Jerusalem ah Khanpughi ah Taigüim ung douthak vai phi pek gui vai.”

ISAIAH 37:31

Cun ung phi Judah ung k’pawih ci gui läi cu m’dek ung thauk sei ng’yung pya ne, m’theih pai ciah mäih ah kyak khai gui nei.

ISAIAH 59:20

Bawipa naw a chang gui pyen ah gui ci, “Kei cu Jerusalem ah ka lawk khai, ning shungvong gui ne, katnak ung n’hlat ci gui nami van ka ning hun gui khai.

JEREMIAH 50:20

Cun ah khin a gawk law ung Israel ah katnak kä hmuh ba vai, Judah ung cheishoh nak kä om ba khai, a i ah kyasei ci ung kei naw phiawn ngäsei ghing ci gui cu kei naw ka m’geinsei gui khai. Kei Bawipa naw ka pyen nei.”