ISAIAH 10:20 - Cho Bible Common Language 2016

²⁰ K’pawih ba ciah Israel chang gui naw, ngami m’di gui ciah chang pakhui gui kä ami yii hnei nak ba vai ah a khin gawk law ci nei. Bawipa, Israel gui ah theingciim ciah Khanpughi cu akcang ah yum ne ngaih u khai gui nei.

ISAIAH 10:20 Referans Kwoze

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

2 SHONTÄP NAK 28:20

Assiria uktubawi naw Ahaz a bawm nak vai sü ung, hnungtuk püi ne yaica sak ci.

2 GHANGPUGHANG GUI 16:7

Ahaz naw Assirian uktu Tiklath Pileser am chang tüi ne a pyen cu: “Kei cu na ngaih gep ah changshäm ah ka kyak ci. Siria la Israel ghangpughang gui naw kei law ne na tu lawk ci gui nei, law ne na gung law ä.”

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

ISAIAH 37:4

Assirian ghangpughang naw abawi ng’vaipu cu ghing ciah khanpughi gheettaap khai ah tüi ci. Bawipa nami khanpughi naw shin ah gheet nak su ng’ya neta, cun ah ng’thu ci gui cu m’kyuk sä. Cun ah kya sei, cun ah k’pawih ba ciah mi chang gui ah phäh ah khanpughi ah k’taigü vä.”

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

ISAIAH 6:13

Shin ah khaw ung chang gha ung ka tumat akpawih ba ung phi, ani cu m’di vai; ani cu chuk pyi ah oak sing ghing ah ak hmui ah mäih ah kyak khai.” (Sing hmui cicu khanpughi ah chang gui ami ng’tün nak ba thai ah kyak ci.)

EZRA 9:14

Cun kawn ah a i hawkcha ah na thumkhän cu, kami hnu nak ba mä vai ang? A i hawkcha ah shin ah chang omshe gui awn kami ng’chungla vai ang? Cun ah kami kyak ba ung, nang cu ang htei ah m’lungshe neta, na na m’di gui yawp khai nei, a u phi kä na k’pawih nak khai nei.

2 GHANGPUGHANG GUI 19:31

Jerusalem la Zion ung k’pawih ba ciah chang gui cu om khai gui, a i ah kyasei ci ung a cun ah kyak khai ah Bawipa naw ak bäi pyi ah kyak ci.

2 SHONTÄP NAK 14:11

Asa cu Bawipa a Khanpughi ah taigü ci,” O Bawipa nang naw huham mah ciah gakap na m’htei ah mäih ah yoken ci phi na m’htei hning ci nei. O Bawipa kami Khanpughi, tuhbäi na m’htei gui ä, keimi cu nang ung kami ng’khüih ci nei, nang ah ming awn lut law ne shin ah däm aih ciah gakap cu kami tuk ci nei. Bawipa, nang kami Khanpughi; nang cu a u naw kä ning tu hnim hlawt ci nei.”

ISAIAH 11:16

Assiria ah akping ung tamu om kahi, cun cu a cu ah k’pawih ci gui ah a chang gui, Israel ah phäh ah kiah ci cun cu ngami naw Egypt khaw ami hteh tak yah ung ami pupa gni ah hmawk ah mäih ah kyak ci.

ISAIAH 46:3

Na ngai vä, Jakob ah hta ng’shon gui, k’pawih ciah kei ah ka chang gui. Nangmi nami hmi law ung tün ne kei naw ka ning m’htei htang gui ci nei.

JEREMIAH 44:14

Judah chang gui Egypt ah hteit ne om khai ah lawk ci phung cu a u kä k’pawih khai, kä phyawng khain. Chang tumat phi ami om nak ba vai ah Judah khaw ah kä law ba khai. Geinvai ci gui api ah kawn ah a u phi kä law ba khai” cik ci.

MIKHAH 5:3

A nau poi m’neh ciah hnumi kä a hta pha ah chuih, Bawipa naw a chang gui cu ga ah kut ung nawng gui khai. Cun kawn ah omktu ah kyak ci gui ah khochang gui cu ami mät ah pakhui ah ng’bum ba khai gui.

ZEPHANIAH 3:13

Pawih ba ciah Israel chang gui cu, chang ah khan ah kä cheishoh khai gui, ami hleei kä pyen khai gui, kä thuvi khai gui, ngami cu bämang m’lung üp khai gui, a u phi kä kyih khai gui.”

2 SHONTÄP NAK 28:16

Edomit gui naw Judah cu tu law ba mä u ne, chang gui akda pha ne hteh püi u sei, ghangpughang Ahaz naw Assiria uktubawi Tiklath Pileser ah a bawm tu vai ah chang tüi ne k’thäh ci.

JEREMIAH 3:23

Khomhtung khan ah khungzo kami khawihnah ah phäh ah keimi a i naw kä na m’htei gui ci nei. Israel gui m’htei gui cicu Bawipa kami khanpughi bäng ung ka lawk ci nei.