ISAIAH 10:2 - Cho Bible Common Language 2016

² Shin cu dukhaih ci gui naw ami chaw kä ami gah vai la taga nak kä ami gah vai ah nami shung nak ah kya ci.

ISAIAH 10:2 Referans Kwoze

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ISAIAH 3:14

Bawipa naw a chang gui ah ami ng’vaihta gui la a ghi gham gui cu ng’thumcha nak ah law püi ci. Ani naw shin ah k’bün nak bik ci: “Nangmi naw sapyitlo gui cu nami guttep ci, nami im cu dukhaih ciah ka, nami guh pek ah khawh awn be ci nei.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

ISAIAH 29:21

M’thüi ciah chang, ngawnphak ci m’kyuk nak vai shungvong ciah cang, düng ciah chang naw taga nak kä gah khai ah hleei hlak ne pyen ciah chang gui cu khanpughi naw m’di gui khai.

ISAIAH 5:23

Cun ung phi nangmi naw ng’mü khawk dou u ne, chang she m’hlawt ne, kä hma ciah chang cu taga khai ah kä nami bi pek ci.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.

NG’ÄI KYAH 3:35

Ani ah na pek gui ah mi k’chaw ami na maa nak gui yah ung, ani naw hmat ci.

JEREMIAH 7:6

Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

SAM 94:6

Ngami naw hmeinu, hmeihta gui cu ngawn gui u ne, kami kho ungka khin chang gui cu ngawn ci gui nei.

ISAIAH 3:15

Nangmi ung ka chang nami dep nak vai la dukhaih ciah khan ah nami eiawk nak vai ah amawng kä om ci. Kei, Avan Uk ne M’gäi ciah Bawipa naw ka pyen nei.”

ISAIAH 32:6

Chang guktaak cu akguktaak ah ng’thu ne, akshe bäng bi vai ah ngaih-tüh ci. Ani abi abi la ang thu naw Bawipa cu ghetaap ci, ani naw ei cawi ci kä m’bei ci, tui gha ci gui am api phi ami awk vai kä pe gui ci.

ISAIAH 59:15

A cun ung düng nakcu aphihta bäng om ci kya sei, akshe bi nak nawng ci gui amät naw amät cheishoh ciah hmuk ci. Bawipa naw shin cu hmu neta, cung cu kä taga ciah kyasei ani cu kä yei ci.

PHYAWN NAK 23:6

“Dukhaih ciah chang yung ah a gawk law ah a kyak ung, kä taga ciah kä na ng’thumcha en vai.

JOB 31:16

Dukhaih ci m’hteihtang vai ah kä ka ma phung man ci, Yaica ciah hmeinu gui phi kä ka nawng düt man ci.

NG'THU K'THUUK~ 22:22

Dukhaih ciah chang ah hawh cu na bi nak hning awn kä na lak pek vai. Am gein kaa ah yung ah m’kawt ung düi ciah khawh kä na lak pek vai.

NG'THU K'THUUK~ 30:14

Dukhaih ci la pyamtham ciah chang ah kaa m’ghämce ne guh pek ciah chang gui om ci, cun cu ngami naw ami hnun ami m’ghin nak ah lam ah kyak ci.

ISAIAH 1:17

Ak ni bi vai ah ng’thei vä. Taga ciah bi cu nami teng vai — ami shedam nak cu nami m’hteihtang vai, hmei hta guiam ak chaw nami pek vai, hmeinu gui nami shungvong vai.”

AMOS 2:6

Bawipa naw, “Israel chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami pu kä thung hlawt ciah changnigui la ami phahnak phu phi kä thung hlawt ciah dukhaih ci gui cu, khleihtein vai ah yoi gui ci gui.

AMOS 5:19

Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.

MIKHAH 3:1

Ngai vä, nangmi Israel Uktu gui! Nangmi cu taga ciah bi nak nami hmat ciah kya lang ne,