ISAIAH 10:16 - Cho Bible Common Language 2016

¹⁶ M’gäi ciah Bawipa naw tuhbäi phü khai ah ami m’bei gui ah khan ah m’kyuk nak vai ah gawpai nak gui tüi lawk ge khai nei. Ami pumsa kyong ah mei naw ui ne ui gui khai nei.

ISAIAH 10:16 Referans Kwoze

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

SAM 106:15

Cun ah kyasei ani naw ami ng’zoih cu pe gui ci, cun ung phi geinvai ne gaw pai nak cu tüih gui ci.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 37:29

Nangmi ah m’lungshe nak la nami ng’shei nak ah mawng cu kei naw ka gah pyi ci nei, kei naw nang cu na lua ung pyüm awn vüt ne, na m’gawng ng’hling tha neta, na law nak ah lam ung ka ning hlah ba sak khai.”

ISAIAH 17:4

Bawipa naw pyen ci, “Israel gui ah däinduh nak ang pyi nak vai ah hnüüp cu gawk lawk ci nei. Ani ah bühmang nak ah hnün ung du khaih nak gawk lawk khai nei.

ISAIAH 10:18

Bäimang ciah khaw bung gui la laima gui cu avan di yawp khai, a cun ah mäih ah sih nak hning ah gaw nak naw chang gui cu m’di khai.

ISAIAH 9:5

Tu law gui ciah gakap gui ah phahnak gui la si kawp ciah suisak gui avan cu mei awn m’khih vai.

ISAIAH 5:17

Di pyi ciah mang gaw gui ung htome hta gui naw khu ei u ne, me hta gui naw khu li nak cu hmuk khai gui.

ISAIAH 8:7

kei, Bawipa naw, Assiria ghangpughang la a gakap avan cu Judah tuk khai ah ka law püi gui khai. Ngami cu tuikam avan ung ng’güt ne lawk ciah Euphratis tuinu ah mäih ah gawk kawk khai gui.

SAM 78:31

Khanpughi cu ami khan ah m’lung she neta, Israel gui ah ak gai pi gui la ak phet pi hmaw chang gui cu ngawn gui ci.

ISAIAH 31:9

Ami mangbawi cu kyi ne dawng khai, ami bawi gui cu kyih aih u’ne, ami ng’tuk nakung alan gui cu nawng shüt khai gui.” Bawipa naw ng’thu pyen ci — Bawipa, Jerusalem ung ami khawihnah, ani ah mei cu khawihnah m’khih nak vai ah di ci nei.

JEREMIAH 21:14

Cun ung phi nami bi ah phäh ah kei naw ka ning m’kyuk gui khai. Na mang im cu kei naw mei awn ka m’khih khai, cun ah mei naw a pei leng avan ui yawp khai. Kei, Bawipa naw ka pyen nei.”

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

NAHUM 1:12

Bawipa naw a chang gui, Israel gui cu, Shik cha ah ng’thu püi gui ci nei; “Assirian chang gui Cu k’thamah u ne, ami da pang ung phi, Ngami cu di ne maih khai gui nei. Ka chang gui aw ka ning yaica sak gui ci nei, Cun ung phi cän ah mäih ah kä ka bi ba khai nei.

ZEPHANIAH 2:13

Bawipa naw a huham cu mang ne Assiria cu m’di khai. Ani naw Nineveh mang gaw phi khaw she ne tui maih khai ah cik khai.

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

JEREMIAH 48:14

“Moab chang gui, a i ah kyasei nami mät cu chang m’gäi gui, ng’tuk näng pyi ciah gakap gui ah nami pyen ang?

ZEKHARIAH 7:4

Shin cu Bawipa ungka kei ah gawk lawk ciah ng’thu ah kyak ci.