ISAIAH 10:13 - Cho Bible Common Language 2016

¹³ Assiria ghangpughang naw khähghah ne a pyen cu, “Shin gui avan cu ka mät naw ka ci nei. Kei cu ka gaigawng ci, ka cüivai ci, ka lunglang ci. Kei naw chang pakhui gui ah ng’lak ung khawgi gui cu phye ne, ami gim ah eiawk gui cu ka lak ci nei. A cun ung om ciah chang gui ah khan ah kei naw vantang ah mäih ah ka kai na gui ci nei.

ISAIAH 10:13 Referans Kwoze

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

THULÄÄN NAK 8:17

Cun ah kyasei nami mät ah thagui la huham awn nami mät naw bämang nak nami bik ciah kä nami ngaih en vai.

HABAKKUK 1:16

Ngami naw ami ng’vai cu khawihnah u ne, vawihpeh ci gui, a i ah kyasei ci ung a cun naw akni pi apäng a gah sak gui ah hmawk ah kyak ci.

AMOS 6:13

Nangmi naw Lodebar gawnu näng neta nami längtang ci. “Karnaim gawnu khäm vai ah kami khüighat ci nei,” cine nami khäh ghah ci.

AMOS 5:27

Kei naw omktu khaw, Damaskas ah hnun täng khaw ung ka ning hteh püi gui yah ung” cine m’gäi ciah Khanpughi ming nak ciah Bawipa naw pyen ci.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

EZEKIEL 26:2

Ani naw pyen ci, “Hnicim chang, “Shin cu Tire mang gaw ung chang gui naw yei ne ami m’lau ah kyak ci. Ngami cu m’lau u ne, “Jerusalem cu ng’phye pyi ci nei! Ani ah sumlei nak a huham cu ng’pyi ci nei! Ani cu keimi ah ng’längna püi vai ah kä kya ba ci nei!

EZEKIEL 25:3

Kei uktu Bawipa naw ka pyen ah ng’thu cu ami ngaih vai ah m’thein gui ä: Nangmi cu ka Taigüim alelawi law ung, Israel khaw ashetkat law ung, Judah chang gui omktu ah ami hteh law nami hmuh ung, nangmi cu nami yeikyai ci.

ISAIAH 10:8

Ani naw khähghah ne, “Kei ah ka gabawi päng cu ghangpughang ah kyak ci nei!

1 SHONTÄP NAK 5:26

Cun ah kyasei Khanpughi naw Assiria Uktubawi Pul (Tiklath Pileser) am ami khaw cu tuk sak ci. Ani naw Reuben, Kad, la ak kyang Manasseh pakhui gui cu k’täm gui neta, Habor, la Hara la Kozan Tuinu pei ah angtäi sei om sak gui ci.

2 GHANGPUGHANG GUI 18:32

Uktubawi nami mät ah khaw ah mäih ah khaw, sapyit gui ah om nak, m’htut vai püm gui ah om nak; oliv ah om nak khaw, oliv-tui ah om nak, khoitui ah om nak ung ning om sak gui khai. Nang naw ani ah thumkhän ah mäih ah na bi ah a kyak ung, nang cu kä na sik khai, na ghing khai. Bawipa naw na ghung gui khai ci nei, Hezekiah naw a ning m’hleei gui cu kä nami ngaih en vai nei.

2 GHANGPUGHANG GUI 18:15

Hezekiah naw Taigüim la mang im m’küm ungka, ngui avan la;

2 GHANGPUGHANG GUI 18:11

Assiria uktubawi naw Israel gui cu Assiria ah pha ne hteh püi gui ne, amshah cu Halah mang gaw ung, amshah cu kozan khopäng Habor tuinu pei ung, amshah cu Media ah mang gaw gui ung tha gui ci.

2 GHANGPUGHANG GUI 17:24

Assirian uktubawi naw Babilon, Cuth, Ivvah, Hamath la Sepharvaim mang gaw gui ungka chang gui cu la gui neta, omktu ah om ci gui ah ami hnün, Samaria mang gaw gui ung ami om nak vai pe gui ci. Ngami naw cun ah mang gaw gui cu ka na u ne, a cun ung om ci gui.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

2 GHANGPUGHANG GUI 16:8

Ahaz naw Taigüim ungka ngui la ghui gui, mang im ungka m’küm khawh gui la ne uktubawi am m’khäh ci.

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

JEREMIAH 46:8

Nile tuinu ah mäih ah let ne, Tuikam be sei long ciah tuinu ah mäih ah kyak ci. Egypt naw pyen ci, “Kei cu tholet ne khomdek khan ka küm khai; kei naw mang gaw gui la acun ung om ciah chang gui cu ka m’di khai.

JEREMIAH 48:14

“Moab chang gui, a i ah kyasei nami mät cu chang m’gäi gui, ng’tuk näng pyi ciah gakap gui ah nami pyen ang?

EZEKIEL 35:13

Nangmi naw m’ghämce ne, khäh ghah ne, kei na hnungtuk püi ne nami ng’thu cu kei naw ka ng’yak ci.”

HABAKKUK 2:6

Ami näng gui naw näng ci gui cu gaih tuk ci gui, shemshai ci gui, shemshai ci gui. Ngami naw, “Kä nami kaa nami lak ci, nangmi cu ng’yiin ciah chang ah nami kyak ci, Nangmi cu a i güt aphu nami gah vai ang’ceet ah shang ba ne, ng’bühmang ne nami om khai ang?”

SUKI GUI 7:2

Bawipa naw Kideon am, “Midianit gui ah khan ah kei naw näng nak ka pek gui vai ah kei ah phäh ah nang ah na chang gui cu da aih ci gui. Ngami naw ami mät näng hning ci gui ah ngai khai gui, kei ah bä nak cu kä hmat khai gui.

NG'THU K'THUUK~ 28:11

Bühmang ciah chang gui naw angtäi sei ami mät cüivai ci gui ah ngai ci gui.

ISAIAH 5:21

Nami khaw mü ci nei! Nangmi naw nami mät cu cüivai ciah, lunglang aih ciah nami ngai ci.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

HABAKKUK 1:11

Ngami cu khokhi ah mäih ah maih ne ng’kawn ci gui. Ami mät ah huham cu ami Khanpughi ah kyak ci nei.”