ISAIAH 10:12 - Cho Bible Common Language 2016

¹² Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

ISAIAH 10:12 Referans Kwoze

2 GHANGPUGHANG GUI 19:31

Jerusalem la Zion ung k’pawih ba ciah chang gui cu om khai gui, a i ah kyasei ci ung a cun ah kyak khai ah Bawipa naw ak bäi pyi ah kyak ci.

JEREMIAH 50:18

Acun ah phäh ah kei, m’gäi ciah Bawipa, Israel khanpughi naw ghangpughang Nebukhadnezzar la a khopäng cu Assirian uktu bawi ka m’kyuk ah mäih ah ka m’kyuk khai.

ISAIAH 65:7

ami katnak la ami pupa gui ah katnak ah phu cu thung khai gui nei. Ngami naw khongyo khawihnah nak m’htung khan phung ung tui ng’ui m’khi u ne, kei cu akshe ah na pyen ci gui-cun ah kya sei, yanä ami om ih ah ciah kei naw ka m’kyuk gui khai.”

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

MATTHE 12:33

‘Ak theih ak ni ng’yak hlü ung a ghing ak ni geit vai, a ghing shek cicu ak she ah m’theih ci, ak theih awn a ghing ah mawng cu hmat vai kyak ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

EZEKIEL 31:14

Cun ah kyasei tuhbäi ung tün ne, a i sing ghing a i hlawk ah tui gah ci phi cun ah sing ghing güt ah kä ng’ng’shäi ba khai, acun ah hlüng ne khongmei pha ne ng’ng’shäi ne tho cicu kä om ba khai. Cun gui avan cu hnicim chang ah mäih ah ng’ziin ne sik khai gui, sih nak ah khaw ah hteik ci gui ung ng’ziin ne ng’dawn tuk khai gui.

EZEKIEL 31:10

“Cun kawn ah kei uktu Bawipa naw, khongmei hanpha ne ng’ng’shäi ciah cun ah sing ghing ung a i ah kya lawk khai cicu ka ning m’thein gui khai nei. Cun cu ng’ng’shäi law pi ne chang ah ng’shei law pi ci nei.

ISAIAH 50:11

Chang m’zih ne m’di ci gui nami van, nami mät ah m’zih naw ning m’di ba gui khai nei. Bawipa amät naw shin gui cu kyak khai ah bik khai nei; nangmi cu shin ah ginvai nak awn nami yaica khai nei.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

ISAIAH 9:9

Israel chang gui avan, Samaria mang gaw ung om ciah chang nü naw ani naw shin ah abi cu hmat ci gui nei. Tuhbäi ngami cu chang ah ng’shei ne m’lung m’dän ci gui nei.

ISAIAH 5:15

Chang nü cu thui hwai khai gui, chang k’om ci gui ami van cu yuk buh gui khai.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

NG'THU K'THUUK~ 30:13

Mi mät naw ami mät ni aih ciah ngai ciah chang gui om ci — a i hlawk ah kami nik ci ang? cine ami mät naw ngai ci gui.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

SAM 21:10

Ami hta ng’shon tumat phi ka om ba khai, Ghangpughang naw ngawn gui yawp khai.

SAM 18:27

M’lung neim ci gui cu na hun gui ci, m’ghänce ci gui cu na ng’neim sak ci.

SAM 76:5

M’gäi ciah ga kap gui ami van naw ami kawh chah yawp u ne, sih thagui la ami m’khüt nak avan cu a kholä ah kyak ci nei.

ISAIAH 24:21

Akhan ung huham gui la khomdek uktu gui Bawipa naw am kyuk nak gui vai ah akhin cu gawk lawk ci nei.

ISAIAH 27:7

Israel gui cu ami ga gui ah mäih ah akda vei Bawipa naw kä m’kyuk gui khai, ngami chü phi kä simaih khai gui.

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

ISAIAH 37:29

Nangmi ah m’lungshe nak la nami ng’shei nak ah mawng cu kei naw ka gah pyi ci nei, kei naw nang cu na lua ung pyüm awn vüt ne, na m’gawng ng’hling tha neta, na law nak ah lam ung ka ning hlah ba sak khai.”

JEREMIAH 25:29

Kei naw m’dimshum nak ah bii cu ka mät ah mang gaw ung ka tün khai. Ngami naw kä m’kyuk gui vai ah ngai u ne ang? Kaa nei, khomdek khan ung chang avan am ng’tuk nak ka tüih lawk khai, cun ah kyasei ngami cu m’kyuk gui vai nei kei, m’gäi ciah Bawipa naw ka pyen nei.

JEREMIAH 50:32

Khäh ghah ciah na pakhui khaw cu ng’lat ne kiuk ci nei, a u naw ka ning m’tho tuba ci nei. Nang ah mang gaw gui cu mei awn m’khih ne, a pei yung ah om ci ng’nü cu ka m’di khai nei.”

KHEI NAK 24:24

Ng’tuk sou ci gui cu Cyprus ah ka hleikaw awn lawk khai gui nei. Ngami naw Assiria la Eber cu tu ne näng khai gui nei. Cun ung phi ngami cu ng’hlah shi ba gui ne ang tä sei m’di gui khai nei.”

THULÄÄN NAK 32:27

Kei naw ami ga gui cu kä ka khähghah sak gui khai. Ka chang gui cu ngami naw hniim khai gui. Kei ka mät naw ka cigep gui khai.

NG'THU K'THUUK~ 21:4

Chang shekha gui cu chang om nak la yoshe nak naw k’pang gui ci. Cun cu katnak ah kyak ci.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

DANIEL 11:45

Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.