ISAIAH 1:8 - Cho Bible Common Language 2016

⁸ Ami kai ah mang gaw Jerusalem bäng k’pawih ba ci — ani cu ngäng ci yä om ciah ah sapyit la k’pyu ah mäih ah kyak ci, pacüh lo ung phung ah mäih ah kyak ci.

ISAIAH 1:8 Referans Kwoze

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

JOHAN 12:15

Nami Ghangpughang cu ng’se nong ung cun ne gawk lawk ci nei” ciah om ci.

ZEKHARIAH 2:10

Bawipa naw, “Jerusalem chang gui aw, yei ne ng’äi m’cu vä! Kei cu nami ng’lung ah ka om khai ah ka lawk ci ne!” cik ci.

ISAIAH 62:11

Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”

ISAIAH 10:32

Tuhngawi ga gui cu Nob gawnu ung om ci gui. A cun ung ngami naw Zion M’htung, Jerusalem mang gaw ung ami kut m’hnüm ne k’thüng ci gui.

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.

NG’ÄI KYAH 2:1

Bawipa ah am lungshe nak naw mü hnüp awn Zion cu küm ci. Acun ung khan kho bämcam nak cu a ni naw dishum nak ah lat ci. Am lungshe nak ah hnüüp ung ani naw ak taigü im phi kei sak ci.

ISAIAH 37:22

Bawipa naw pyen ci, “Sennacherib aw, Jerusalem mang gaw naw ning gaih tuk ci nei, ning päipih ci nei.

ISAIAH 4:4

A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

SAM 9:14

Cun ung kei cu Jerusalem chang gui ah ma ah ng’düi ne, Nang ka ning zeinak ah mawng avan cu ngami am ka m’thein gui khai nei. Nang naw na na hun ah hmawk ah ka yei kyai khai nei.

JOB 27:18

Chang shekha gui naw bangkaga ah ng’gan ah mäih ah im co khai gui, changshäm gui naw lo ami ngäng nak vai ah k’pyu phi co khai gui.

JEREMIAH 4:17

Chang gui naw lo ami ngäng ah mäih ah ngami naw Jerusalem cu koi khai gui, a i ah kyasei ci ung Bawipa cu a chang gui naw hnungtuk püi ci gui nei. Bawipa naw pyen ci nei.

ISAIAH 8:8

Ngami naw Judah khaw avan cu kui ne küm u ne, phleing ung khüt sei k’plüm ne apäng avan küm khai gui” cik ci. Khanpughi naw na om püi gui ci! Ak phyaat ah ang phya naw mi khaw cu shungvong ci.

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

ISAIAH 49:21

Cun ung na mät naw na mät na pyen khai, “Kei ah hmawk ah shin ah ah hmaw gui avan a u naw a hta nak gui ang? Kei ah hmaw gui si yawp pyi ci kya sei, kei ung ak hmaw kä om ba ci. Kei cu omk’tu khaw ah ami na k’täm nei. Shin ah ak hmaw gui a u naw a law püi ba gui ang? Kei ka mät bäng ami na nawng shüt nei. Shin ah a hmaw gui a hawi ka ang ami law ba?’ ”

JEREMIAH 6:2

Zion mang gaw cu kyom ci nei, cun ung phi cun cu m’di khai gui nei;

ISAIAH 29:3

Khanpughi naw cun ah mang gaw cu tuk khai, Veing ne khaai khai.

ISAIAH 30:17

Nang gagui gakap tumat nami hmuh ung, nangmi phia khak nami dawng khai nei, nangmi avan nami dawng vai ah ga kap hma cu bä khai nei. M’htung lai ung alantäng bäng pawih khai, cun kawn ah a u gakap phi kä k’pawih khai nei!

ISAIAH 37:4

Assirian ghangpughang naw abawi ng’vaipu cu ghing ciah khanpughi gheettaap khai ah tüi ci. Bawipa nami khanpughi naw shin ah gheet nak su ng’ya neta, cun ah ng’thu ci gui cu m’kyuk sä. Cun ah kya sei, cun ah k’pawih ba ciah mi chang gui ah phäh ah khanpughi ah k’taigü vä.”