ISAIAH 1:4 - Cho Bible Common Language 2016

⁴ Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

ISAIAH 1:4 Referans Kwoze

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

JEREMIAH 2:17

Israel, nang naw shin cu na mät ah khan ah na law püi ci! Kei naw lam anglät ung lam ka ning m’shüm gui yah ung na Khanpughi Bawipa, kei cu na na nawng ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

JEREMIAH 7:19

Cun ung phi akcang ah ami natsak cu kei ah kä kya ne ang? Ka nei! Ngami naw ami mät naw ami mät natsak u ne, ami mät ah khan ah lü ng’aa nak law püi ci gui nei.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

ISAIAH 5:19

Nangmi naw, “Bawipa naw, ani naw abi vai a pyan cu ang ghit ah bi sä, cun ung mikmi naw mi hmu hning khai nei. Theingcüm ciah Israel khanpughi naw a pawng püi gui cu bi sä; ani ah am lung ngaih cu mikmi naw mi hmuk khai nei.”

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

1 KORIN 10:22

Mikmi naw Bawipa cu mi m’thüi m’ khang nak khai ang? Mikmi cu Bawipa ah mä mi khüighaat pi ciah mi ngai ne ang?

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

EZEKIEL 16:33

Pletbeng ciam ngui pek ci gui, cun ung phi nang naw na m’hni gui am letsawng mükhawh pe gui ne akhaw päng ungka law ne nang awn ami ih vai ah na bik ci.

JEREMIAH 51:5

Kei, Bawipa m’gäi ciah Khanpughi naw Israel la Judah gui cu, Israel ah Theingcim ciah Tumat ah ka kyak ciah kei cu na hnungfuk püi ne ami hma ung phi kei naw kä nawng gui khai.

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.

JEREMIAH 7:26

Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

JEREMIAH 2:33

Nangmi naw mät ah m’hni cu a i hawkcha gawt vai cicu nami hmat ci nei. Ak ghawi pikbäih ah hnumi gui naw phi nangmi ah ng’thei lawk khai gui nei.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

JEREMIAH 2:5

Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.

ISAIAH 65:3

Ngami naw kä lü ng’aa ne ka m’lungshe vai ah bik ci gui nei Ngami naw theing ciah dum ung hongzo khawihnah nak cu douthak ci gui, khongyo sonkiang ung tui ng’ui phi m’khih ci gui.

ISAIAH 41:20

Kei, Bawipa naw, cun ah ka bi cu, chang gui naw hmuk khai gui, hmat khai gui. Israel gui ah theingcim ciah khanpughi naw shin ah kya lawk khai ah apian cu ngami naw hmat lawk khai gui. Khanpughi ah Ng’shei ci gui cu Bawipa naw ng’längna püi gui ci.

ISAIAH 41:16

Nangmi naw khokhi ung nami m’shon gui khai; khokhi naw zon gui khai, khokhinu naw k’püipawng gui khai. Cun kawn ah nangmi cu nami yeikyai khai, a i ah kyasei ci ung kei cu nami na khanpughi ah kyak ci; Israel gui ah theingcim ciah khanpughi, kei cu nami na m’tam khah khai.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

ISAIAH 30:15

Uktu Bawipa, Theingcim ciah Israel khanpughi naw chang gui pyen na gui ci, “Law ba vä, adüm hta ah kei ung ng’ap ba vä. Nangmi cu gaigawng ne nami phyawng khai.” Cun ung phi nangmi naw cun ah bi vai cu nami mak ci.

ISAIAH 30:9

Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.

ISAIAH 29:19

Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.

ISAIAH 14:20

A i ah kyasei ci ung nang naw na khaw m’di ne, namätah chang na ngawn ci, nang cu a hei ghangpughang gui ah mäih ah kä ning phuh vai. Na kyong chang she gui tumat phi kä k’pawih khai.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

ISAIAH 3:8

Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

SAM 89:18

O Bawipa, nang naw kami ng’shung nak na na ghü pe gui ci; Nang, Theingcim ciah Israel Khanpughi naw kami ghangpughang na na pe gui ci.

SAM 78:40

Ngami naw ani cu bungpuk ah ashäng shäng hnu ng’tuk püi ci gui; akda vei m’thüi ci gui!

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

SAM 58:3

Changshe gui cu ami ghin ah chuih hma kat ci gui; ami ng’tüi law ge ung ami hleei pyen ci gui.

SUKI GUI 10:10

Cun kawn ah Israel gui naw kyap m’lau u ne, Bawipa ung thu ami pyen cu, “Keimi naw nang ning hnung’tuk püine kami shekak ci nei, Kami Khanpughi nang ning nawng ne, Baala kami khawihnah ci nei” cik ci gui.

THULÄÄN NAK 32:19

“Cun cu Bawipa naw hmu neta, ani cu m’lungshe ci, A htapa gui la a hta hnumi gui cu hnungtuk püi gui ci.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

THULÄÄN NAK 29:25

M’shan nak cu, “a i ah kia seici ung Bawipa ah chang gui naw ani awn ami bi ah thukhän cu ami m’shet ah phäh ah kyak ci nei. Cun cu ami pupa gui ah Khanpughi, Ani naw Egypt khaw ah ka alaw püi ba gui yah ung ah kyak ci.

KHEI NAK 32:14

Tuhbäi nangmi cu nami pa gui ah hnün ung nami ngaw ba ci, kak ciah chang ah ng’shon thai ah kya u ne, Israel gui ah khan ah Bawipa ah m’lung she nak pi, nami la pyi ci nei.

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

THU PHLAAN 18:5

A i ah kyasei ci ung ani ah katnak cu khanmawpi k’phaa ne hlüng ne, Ani ah cheishoh nak ah lam cu, Khanpughi naw a shüm hmat yawp pyi ah hmawk ah kyak ci.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

NEHEMIAH 1:7

Keimi naw nang ning hnungtuk püi ne hnüntho u ne, nang ah thumkhän phi kä kami bik ci nei. Na changshäm Moses ung na na pek gui ah thukhän gui phi kä kami k’pang ci nei.

SAM 71:22

Kei naw akcang ah tingtäng tum ne ka ning m’taam khai; ka Khanpughi, na bekhüt nak ka m’taam khai. Israel gui ah a theing pi, tingtäng tum ne, ng’äi m’cu ne ka ning m’taam khai.

ISAIAH 1:28

Cun ung phi shekak ci la ani hnu ng’tuk püi ciah chang phung cu ani naw güüt khai. Ani nawng ciah chaung päng cu, ani naw ngawn khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

ISAIAH 31:2

Ani naw a i abi cu hmat ci! Ani naw leigai tüi lawk ci. Ani naw changshekha gui la ami shungvong ah chang gui m’kyuk nak gui vai ah, ang huut taap nak law püi ci.

ISAIAH 57:17

Ami katnak la ami ng’yak hlüaih nak ah phäh ah ka m’lungshe na gui ci, cun ah kyasei kei naw m’lyuk gui ne, ka nawng gui ci. Cun ung phi ngami cu m’lung ling u ne, ami mät ah m’hni ah om lä ci gui nei.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

ISAIAH 65:11

Cun ung phi kei na nawng ne, kei ah theing ciah m’htung Zion nawng ne, ma hmat nak, ma m’khin nak ah khanpughi ah kyak ciah kad la meni khawihnak ciah nangmi ah phäh ah a kahnga ah kyak khai.

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

JEREMIAH 32:32

ciah kyasei ci ung Judah la Jerusalem chang gui, ami ghangpughang gui la ami ng’vai gui, ami taigü gui la prophet gui naw ami bi ah shetkat nak gui avan ah phäh ah kyak ci.

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.

EZEKIEL 16:45

Nangmi cu akcang ah name nu ah ning hta hnumi gui ah name kyak ci. Ani naw a cei la a hta gui cu gen ci. Nangmi cu a cei gen ne a hta gen ciah name pui gui ah mäih ah name kyak ci. Nanglah na be Nomi gaw gui ah nu cu Hittit chang ah kyak ci, ami pa cu Amorit Chang ah kyak ci.

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

PHYAWN NAK 32:7

Bawipa naw Moses am, “Ang ghit ah yu kyum ba ä. Na chang gui Egypt khaw ah ka na law püi ba gui cu sheka u ne na hnungtuk püi ci gui nei.

THULÄÄN NAK 32:5

Cun ung phi nang cu kä na bekhüt ci, ani ah chang ah kä na khin kha ci. Katnak la thuvi nak awn be ciah pakhui ah na kyak ci.

2 GHANGPUGHANG GUI 21:22

Ani naw a pupa gui ah Khanpughi Bawipa hnungtuk püi ne, Bawipa ah thumkhän gui cu kä läk ci.

2 SHONTÄP NAK 12:1

Rehoboam cu ghangpughang ah kya ne, a huham mah vai am, amät la a chang gui avan naw Bawipa ah thukhän cu nawng ci gui.

2 SHONTÄP NAK 27:2

Ani naw apa ah bi ah mäih ah Bawipa naw am hni vai ah bik ci; cun ung phi apa ah mäih ah Taigüim kyong ah ang ui m’khih nak cu kä bik ci. Chang gui läi cu hma nak bi lä ci gui.

SAM 78:41

Ngami naw leng ba ba ne Khanpughi cu m’nüm u ne, Israel ah Paciim Khanpughi cu nat sak ci gui.

SAM 78:57

ami pupa gui ah mäih ah ng’lih ng’lak u ne, kä bekhüt ci gui, Ng’hleek ne zong ciah m’la ah mäih ah ngaih u vai kä kyak ci.

ISAIAH 30:1

Bawipa naw ng’thu pyen ci, “Judah khaw uk ci gui cu ng’ziin ci gui, a i ah kyasei ci ung ngami naw kei cu na hnu ng’tuk püi ci gui. Kei ah kä pyan ah m’hnüt bäi nak cu läk ci gui, kei ah ka ng’yak hlü awn hnung’tuk ciah yum ät nak bik u ne, katnak tumat ah khan ah tumat m’taih ci gui.