ISAIAH 1:3 - Cho Bible Common Language 2016

³ Seipat gui naw a u naw aka nak gui cu hmat ci gui, ng’sela gui naw ami mah naw a vuh gui mawng hmat ci gui. Cun gui cu ka chang Israel gui ah ta hmat pi ci gui nei. Ngami cu a i phi kä hmat ling ci gui” cik ci.

ISAIAH 1:3 Referans Kwoze

JEREMIAH 8:7

Zong ciah khaw gui naw phi ami law ba nak vai ah akhin hmat ci gui. Müm gui, va m’chawng gui la ngamzawk gui naw phi ami lum nak vai ah akhin cu hmat ci gui. Cun ung phi ka chang gui, nangmi naw kei naw ka ning uknak gui ah thukhän cu kä nami hmat ci.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

ISAIAH 44:18

Cun ah chang gui cu aang aih u ne a i ami bi cu kä hmat ci gui. Düng nak kä ami hmuh vai ah ami mik m’shing ne, ami m’lung khai ci gui.

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

SAM 94:8

Ka chang gui aw, a i hlawk ah shin ah nami gu-ang ang? A i sangung nami theithang lawk khai ang?

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

2 PETER 3:5

Khanpughi naw khan mawpi la khomdek cu ang thu küi awn atüi pian la khomdek cu tui ungka tui awn apian ah mawng,

NG'THU K'THUUK~ 6:6

Chang dam, m’ling ah hteit ne, ghin nak ah mawng na ng’thei vai,

JEREMIAH 10:14

Ashin ami hmuh nak awn chang gui cu awng aang u ne, a i kä hmat ci gui; agup gui pyang ci gui naw kä ng’ya hlü ba ci gui, a i ah kyasei ci ung ami pyan ah khanpughi gui cu kä bä ci la kä ghing ciah a kyak ah phäh ah kyak ci.

JEREMIAH 10:8

Ngami ami van cu awng ang gu k’taak ci gui nei. Sing ami pyan ah agup gui ung ami ng’thei thang vai a i om khai ang?

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

ISAIAH 5:13

Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

EZEKIEL 16:30

Shin cu uktu Bawipa ah pyen ah kyak ci: “Nang naw shin gui avan cu kä ng’aca ciah pletbeng Chang ah mäih ah na bik ci.

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

HOSEA 2:8

Ani naw Baala khawihnah nak ung amang ah htang ni, sapyit tui ni, olive situi ni, ngui la ghui ni avan cu kei ka pek ah kä pyen phung ci nei.

NG'THU K'THUUK~ 28:5

Changshe gui naw taga nak ah mawng kä hmat ci gui, Cun ung phi Bawipa kawihnah ci gui naw, akni ah hmat ci gui.

ISAIAH 42:20

Israel gui, nangmi naw akda nami hmuk ci, cun ung phi nangmi ah hwawk ah abä nak a i om ne ang? Nangmi nami ng’yak nak vai nami hnga om ci, Cun ung phi nangmi naw akcang ah nami ng’yak cu a i ang?”

JEREMIAH 35:16

Jonadabah htangshon gui naw ami pupa ah pek ah thumkhän cu läk ci guim cun ung phi nangmi naw kei kä na nami na ngai ci.

JEREMIAH 50:6

“Kei ah chang gui cu Khomhtung khanah htoshäm naw a maih sak gui ah htome ah mäih ah kyak ci gui. Ngami cu khomhtung tumat ungka naw tumat un glum ciah htome ah mäih ah kyak ci gui, ngami naw ami im a hawi om cicu m’hnin ci gui.