ISAIAH 1:29 - Cho Bible Common Language 2016

²⁹ Nangmi cu sing ging gui nami khawihnah ah phäh la khawihnah nak vai ah dum gui nami geitkaw ah phäh ah nami thüisei khai.

ISAIAH 1:29 Referans Kwoze

ISAIAH 66:17

Bawipa naw pyen ci, “Khongzo khawihnah vai ah ami mät thing thap sak ci gui, hing ciah dum ah ng’tän ne htit ci gui, vawksa, k’puish la a hei shemshai ci ei ci gui ah ami ng’pyi nak vai ah akhin cu gawk lawk ci nei.

ISAIAH 65:3

Ngami naw kä lü ng’aa ne ka m’lungshe vai ah bik ci gui nei Ngami naw theing ciah dum ung hongzo khawihnah nak cu douthak ci gui, khongyo sonkiang ung tui ng’ui phi m’khih ci gui.

ISAIAH 57:5

Theingeim ciah nami sing ghing gui ah ka ah ng’yaw ng’pawm u ne m’dekni pyan ah khanpughi cu nami khawihnah ci nei. Nangmi naw tui hta pei ah lungkhui ung nami htanau gui cu khawihnah nak ah nami douthak ci nei.

HOSEA 4:13

M’htung lai ah atheing nak ah hmun gui ung, khawihnah nak douthak u ne, khomhtung gui ung sing ghing ang shäi gui, akdäm gui ang hnim nik ci gui ah kaa ah ngami naw tui ng’ui m’khih ci gui. Ai ah kyasei ci ung ang hnim gui cu yei nak vai kyak ci. “Ak hnu ah nami hta hnumi gui naw, pawmyau ciah bii bi u ne, nami hta gui ah chu gui cu pletbeng ci gui.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

ROMAN 6:21

Cun yah ung nami bi lawh gui naw a i ah phi kä ning khüi ng’vong gui ci, cun naw tuk bäi ning lü ng’aa sak gui ne, ak hnu ah sih nak ung ning gawk sak gui ci.

HOSEA 14:8

Israel chang gui naw a i a gup phi kä bilo ba khai gui. Kei naw ami taigü m’shang gui ne ka m’hteihtang gui khai. Angtäi sei ching ciah sing ah mäih ah kei naw ka ng’hniim gui khai. Kei cu ngami phyuhtheh nak ah aphung ah ka kyak ci.”

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

EZEKIEL 36:31

Nangmi naw akshekha nami bilawh la chei ci gui. Nami bilawh cu nami shümba khai, nami katnak gui la nami chei nak gui ah phäh ah nami mät naw nami mät ning shemshai gui khai.

EZEKIEL 6:13

Gook gui cu agup gui ah ng’lung, sonkiang gui ah ng’veing ung ng’zaih khai gui, khomhtung hlüng pang, m’htung lai päng, m’kim ciah sing ghing ka päng, he sing ng’ghaw gui ah ka pang, agup gui am m’khih ne ami khawihnah nak ah hmun pän gung ng’zaih ci. Cung kawn ah chang nü naw kei cu Bawipa ah na hmat khai.

JEREMIAH 3:6

Josiah ghangpughang ah a kyak sangung Bawipa naw kei cu na pyen nak ci, “kä bekhüt ciah hnumi Israel ah bi cu nang naw na hmuk ci ang? Ani naw kei cu na ng’hlah ta ne, khimhtung hlüngpäng la sung ghing ka päng ung ani cu pawm za ciah mäih ah hnüntho ci nei.

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

ISAIAH 45:16

A gup pyang ci gui ami van cu lü ng’aa khai gui; ngami ami van cu thüi hmai khai gui nei.

ISAIAH 31:7

Ghui la ngui awn nami pyan ah katnak ah a gup gui, nami van naw nami ghawk nak vai ah akhin cu gawk lawk ci nei.

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

ISAIAH 42:17

A gup gui ngaih u ci gui avan lah, a gup am ami khanpughi ah pyen ci gui cu yuk buh gui vai, thüi ng’aa khai gui.”

HOSEA 4:19

Ngami cu khokhi ah yon ah mäih ah kyak khai gui, khogam ami khawihnah ah phäh ah thui ng’aa khai gui.