ISAIAH 1:28 - Cho Bible Common Language 2016

²⁸ Cun ung phi shekak ci la ani hnu ng’tuk püi ciah chang phung cu ani naw güüt khai. Ani nawng ciah chaung päng cu, ani naw ngawn khai.

ISAIAH 1:28 Referans Kwoze

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

ISAIAH 30:13

Nangmi cu namishekak ci nei. Nangmi cu teek ne ng’bou ciah k’paang hlüng ah mäih ah nami kyak ci; nangmi cu ang ghit ah nami piawn khai nei.

JOB 31:3

Katnak bi ci gui ah leigai la nat nak tüih gui ci.

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

ISAIAH 65:11

Cun ung phi kei na nawng ne, kei ah theing ciah m’htung Zion nawng ne, ma hmat nak, ma m’khin nak ah khanpughi ah kyak ciah kad la meni khawihnak ciah nangmi ah phäh ah a kahnga ah kyak khai.

ISAIAH 50:11

Chang m’zih ne m’di ci gui nami van, nami mät ah m’zih naw ning m’di ba gui khai nei. Bawipa amät naw shin gui cu kyak khai ah bik khai nei; nangmi cu shin ah ginvai nak awn nami yaica khai nei.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 104:35

Khomdek khan ung chang kaa gui cu m’di gui sä, changshe gui cu kä om ba u sä. Bawipa m’taam ä, ka mumcha! Bawipa m’taam ä!

SAM 92:9

Na ga gui ami van cu si u sei, changshe gui ami van cu tuh ne na k’täm gui khai cicu kami hmat ci nei.

SAM 73:27

Nang ung ng’shawng ne om ci gui cu nang naw na m’di gui khai; nang ung kä bekhüt ci gui cu nang naw na m’di gui khai.

SAM 37:38

Cun ung phi changshe gui cu avan di yawp ci gui, ami hta ng’shon gui phi ng’pyi ci gui.

SAM 9:5

Nang naw chang khuihei gui m’kyuk gui ne Changshe gui na m’di gui ci, ngami cu a ngawi ah phi a u naw kä shüm gui khai.

SAM 5:6

Hleei cicu na m’di ci, Chang ngawn ci la thuvi cicu na päipih ci.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 SAMUEL 12:25

Cun ung phi katnak nami bi lä ah a kyak ung, nangmi la nami ghangpughang cu ning m’di gui khai,” cik ci.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

ISAIAH 24:20

Khomdek amät cu awktat ciah chang ah mäih ah kyu shüi shüi khai, puikho khi ung phung hta ah mäih ah ng’khän shüi shüi khai. Khomdek cu a katnak naw geih khüp ci, cun cu yung kyak khai, a i sang ung phi kä tho law ba khai.

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

ISAIAH 66:17

Bawipa naw pyen ci, “Khongzo khawihnah vai ah ami mät thing thap sak ci gui, hing ciah dum ah ng’tän ne htit ci gui, vawksa, k’puish la a hei shemshai ci ei ci gui ah ami ng’pyi nak vai ah akhin cu gawk lawk ci nei.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

JEREMIAH 44:12

Judah khaw ung pawih shüt ciah chang gui la Egypt ah hteit ne om khai ah ling ciah chang gui cu ami van ka dishum sak gui khai nei. Ngami ami van, ak zaw akdäm cu ng’tuk nak ung käwng ei ah cawi ne Egypt ah sik khai gui. Ngami cu chang ah ma ah kyih shek khai gui; chang gui naw gaih tu gui ne, ami ming cu plah taam nak ah mang khai gui.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

2 SHONTÄP NAK 21:10

Edom cu Judah khaw ungka naw ng’päiye ciah khaw ah kya lä ci. Acun sangung Kibeah mang gaw naw phi hnungtuk ci, a i ah kyasei ci ung Jehoram naw a pupa gui ah Khanpughi, Bawipa a nawng ah phäh ah kyak ci.

2 SHONTÄP NAK 28:23

Ani naw amät hnim ci gui ah Sirian gui ah khanpughi gui cu khawihnah ne douthak ci. Ani naw, “Sirian khanpughi gui naw Sirian ghangpughang cu m’htei ci gui. Kei naw ka khawihnah gui ung kei phi na m’htei khai gui” cik ci. Acun naw amät la a pakhui ah khan ah leigai gawk law sak ci.

JOB 34:26

Katnak bik cigui cu avan naw a hmuh nak vai ung m’kyuk gui ci.

JOB 34:27

A i ah kyasei ci ung ngami naw ani ami läl nak cu m’düm ci gui, Ani ah thumkhän gui cu a i ah kä sui ci gui.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.