ISAIAH 1:27 - Cho Bible Common Language 2016

²⁷ A i ah kyasei ci ung Bawipa cu düng ci, Jerusalem la a cun ung om ciah ng’zuba ciah chaung päng cu ani naw hun khai.

ISAIAH 1:27 Referans Kwoze

ISAIAH 63:4

Kei ah ka chang gui hun nak gui vai ah akhin cu gawk lawk ci nei, ciah kei naw ka k’bäi ci: cun cu ami ga gui m’kyuk nak gui vai ah akhin ah kyak ci —

ISAIAH 62:12

Nangmi cu “Khanpughi ah Theigcim ciah chang”, “Bawipa naw a hun ah chang” cine ning khü gui khai gui nei. Jerusalem cu, “Khanpughi naw a m’hni ah mang gaw.” “Khanpughi naw kä a nawng phung ah mang gaw” cine khü khai gui nei.

ISAIAH 5:16

Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

ISAIAH 35:9

A i phongkawng phi cun ung kä om khai; a i sa nget naw phi cun ah lam kä kan khai. Bawipa naw a gun gui ah chang bäng cun ah lam ung hteit ne, ami un ah hteit ba khai gui.

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

ISAIAH 51:4

“Na ngai vä, ka chang gui aw, kei naw a i ka pyen ah ngai vä; kei naw ka m’theithang gui cu chang pakhui gui am ka pek ci; kei ah ka thukhän gui naw akdei pe gui khai.

ISAIAH 52:3

Uktu Bawipa naw a chang gui pyen ah gui ci Nangmi khlei htein ah nami kyak yah ung nangmi ah phäh ah ngui a u naw kä m’hnüt ci; a cun ah mäih ah nami phyawn nak vai ah phi a i kä pek vai.

ISAIAH 54:14

Taga nak la düng nak naw nang cu ning khüi ghaat sak khai. Shedam nak la kyihkyawk nak ung nang cu na phyawng khai.

HOSEA 2:19

Israel, nang cu ka chu ah ka ning pyang khai; Cun cu düng khai, bekhüt khai; kei naw ng’täi ciah m’hni nak la chimgein nak ka ning m’dang khai. Ngawi yä ka chang ah ka ning pyang khai.

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.