ISAIAH 1:25 - Cho Bible Common Language 2016

²⁵ Nangmi ah khan ah hnu ng’tuk ne bi ka bik khai. M’si ng’eek ngeet ah mäih ah kaning ngeet gui khai, kä nami theingthap nak avan ka nawt heng yawp khai.

ISAIAH 1:25 Referans Kwoze

MALAKHI 3:3

Ani naw ngui ng’ciim khai ah m’cim ah mäih ah m’khoichak khai nei. M’si shep naw ghui la ngui am cim ah mäih ah Bawipa ah ng’shä tüih naw taigü gui cu theing sak gui khai nei, cun ah kyasei ngami naw Bawipa am, ng’düng cicu pe lawk khai gui nei.

JEREMIAH 9:7

A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?

ISAIAH 4:4

A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

ISAIAH 1:22

Jerusalem, nang cu ngui ah mäih ah na kya man ci cun ung phi tuhbäi a khaw lä ah na kyak ci; nang cu sapyit tui k’ni ah na kya mante ci. Cun ung phi tuhbäi tui düt ah na kyak ci.

ZEPHANIAH 3:11

Cun sangung nang ka chang gui cu kei nami na hnungtuk püi ah phäh ah kä nami ng’aa ba khai. Chang ah ng’shei ne m’ghämce ci phung cu ka k’täm khai. Nangmi naw Ka m’htung theing ung kä nami na hnungtuk ba püi khai.

EZEKIEL 22:22

Ngui cu meibum ung m’shiüi ah mäih ah ngami cu Jerusalem ung ng’phiüi sak gui vai nei. Cun kawn ah ngami naw Bawipa ah m’lungshe nak khan ci gui cu hmat khai gui.”

EZEKIEL 20:38

Ng’küknet ne katnak bik ci gui cu nami ng’lung ungka ka heng gui khai. Ngami tuhbäi ami om nak ah khaw ungka a hei ah ka la gui khai, cun ung phi Israel khaw ah kä ka law ba sak gui khai. Cun ung kei cu Bawipa ah nangmi naw nami na hmat khai.

JEREMIAH 6:29

Meibum cu cang ne ng’ling aih pang sei phi m’si cu tui ne kä long hlawt ci. Kei ah ka chang gui m’cimm hlam gui cu akholä ah kyak ci, a i ah kyasei ci ung shekhak ciah chang gui cu kä k’täm gui hlawt ah phäh ah kyak ci.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

EZEKIEL 22:20

kä shon pha ah nguilung ung ngui, kyei, m’si, khee la m’si bawk gui cu shon nak ah meibum ung atäng ah tha ah mäih ah ka law püi gui khai. Mei nak nguilung ang phiüi sak ah mäih ah ka m’lungshe nak la ka nget nak naw ng’phiüi sak gui khai

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

SAM 119:119

Nang naw changshe avan cu ng’awt ah mäih ah na ngai ci, cun ah kyasei kei naw na m’shüm thein nak cu ka m’hni ci.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

EZEKIEL 22:19

Cun ah kyasei, tuhbäi kei uktu Bawipa naw ka m’thein gui cu, ngami cu acun ah mäih ah mang vai ah kä kyak ci gui. Kei naw ngami ami van atäng ah Jerusalem ah