ISAIAH 1:21 - Cho Bible Common Language 2016

²¹ Bekhüt mante ciah mang gaw u chaung pletah mäih ah kyak ci nei! Chang düng gui ah be nak man ung tuhbäi Chang ngawn ci gui bäng ah kyak ci nei.

ISAIAH 1:21 Referans Kwoze

THU PHLAAN 11:8

Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.

HOSEA 11:12

Bawipa naw pyen ci, “Israel chang gui naw na veing u ne, hleeihlak ne na theileh nak ci gui. Judah chang gui naw bekhüt theingcim ciah Khanpughi cu tu ä na hnungtuk püi ci gui.

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

ISAIAH 48:2

Nangmi naw nami mät cu theing cim ciah mang gaw chang gui ah nami pyen ci, m’gäi ciah Bawipa ming nak ciah Israel khanpughi nami ngaih u ciah pyen ne nami khäh ghah ci.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

SAM 48:8

Khanpughi ah bi cu mi ng’ya man ci, m’gäi ciah Bawipa, mi Khanpughi ah mang gaw ung tuhbäi mi hmuk ci; Ani naw mang gaw cu angtäi sei phyawn khai nei.

SAM 48:1

Bawipa cu küikyang ci kyasei, a khomhtung theing, mi Khanpughi mang gaw ung ak hlüng tai ah m’taam khah vai nei.

SAM 46:4

Tuinu tumat om ba ci, Cun ah tuinu naw Khanpughi ah mang gaw, a hlüngtai säih ah im theing ung yeikyai nak law püi ci.

NEHEMIAH 11:1

Angvai gui cu Jerusalem ung om tuk ci gui, k’pawih ba ciah chang gui cu im tung gha ung ka tung ät ci, theingcim mang gaw Jerusalem ung om tuk khai ah m’shüih tawk ci gui, apawih ba gui cu a hei mang gaw gui la gawnu gui ung om tuk ci gui.

2 SHONTÄP NAK 19:9

Ani naw shin ah m’shümthei nak cu pe gui ci: “Nangmi naw Bawipa kyih aa ne, nami bii cu nami bi vai, nami bi nak päng ung nekhüt ne ani, nami ngaih vai.

2 SAMUEL 8:15

David naw Israel khaw avan uk ci, ak chang gui cu ng’cim htaih ne taga khai ah ng’htei ne bik ci.

THU PHLAAN 17:1

Khankho chang pachih ungka eikbei chih kawt ciah khankho chang tumat cu kei ah law netah, “Lawä! Tuinu gui ah pei ah ami sak ah mang gaw ah kyak ciah pletbeng ciah hnumi ami m’shetkat law cu ka ning hmuh sak khai nei.

ISAIAH 1:22

Jerusalem, nang cu ngui ah mäih ah na kya man ci cun ung phi tuhbäi a khaw lä ah na kyak ci; nang cu sapyit tui k’ni ah na kya mante ci. Cun ung phi tuhbäi tui düt ah na kyak ci.

ISAIAH 59:3

Nangmi cu nami hleei hlak nak, nami kiawi pang nak, nami ngawn pha nak awn nami cheishoh ciah kyak ci.

ISAIAH 59:14

Taga nak cu k’täm pyi ah kyak ci, düng nak cu kä ng’et law hlant ci. Chang gui ah mawng ng’thumcha nak ung düng nak kä om ci changah lung ang düng nak kä om ci, ba nak cu a cun ah hmun ung kä hmuh nei.

ISAIAH 59:15

A cun ung düng nakcu aphihta bäng om ci kya sei, akshe bi nak nawng ci gui amät naw amät cheishoh ciah hmuk ci. Bawipa naw shin cu hmu neta, cung cu kä taga ciah kyasei ani cu kä yei ci.

HABAKKUK 1:4

Thukhän cu ng’yom ci, a i ah kä mawng ci, taga ciah m’khoicha nak kä om ci, changshe gui naw changnigui ah ni nak cu la u sei, taga nak cu ng’lat yawp ci.

ISAIAH 26:10

Nang naw changshe gui cu na m’gein gui ung phi, Ngami naw düng ci bi vai cu kä ng’thei phung ci gui nei. Shin ah chaung düng gui ah khaw ung phi ngami naw a cheishoh bi lä ci gui nei; Nang ah dämduh nak k’püüi tu vai ah mak ci gui nei.