ISAIAH 1:19 - Cho Bible Common Language 2016

¹⁹ Nangmi naw kei bäng nami na ngaih ah a kyak ung, khaw ung m’thawk ciah akni gui cu nami ei khai nei.

ISAIAH 1:19 Referans Kwoze

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

JOEL 2:26

Tuhbäi nangmi cu nami ei vai da sei, nami phü ci. Nangmi naw Bawipa nami Khanpughi cu nami m’taam khai, ani naw nangmi ah khan ah cäicat vai gui bi pyi ci. Ka chang gui cu a u naw kä päipih ba gui khai nei.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

THULÄÄN NAK 28:1

“Bawipa nami Khanpughi cu läk u ne, Tuhngawi kei naw ka ning pek gui ah ang thumkhän avan cu nami k’pan na a kyak ung ani naw m’dek khan ung a i pakhui ah phi nami däm pi khai ah ning pyang gui khai.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

ISAIAH 65:13

Cun ah kyasei kei naw ka ning m’thein gui cu, kei na khawihnah ne ka ng’thu ngai ciah chang cu a ei a awk vai da khai, cun ung nang mi cu ei ah cawi ne, tui ah nami gha khai. Ngami cu yei khai gui, cun ung phi nangmi cu nami thüi khai.

JEREMIAH 7:5

“Nami ghin nak cu nami m’thawng vai, nami bilawh ah amawng gui cu nami m’düm vai. Tumat la tumat nami khawt sheng nak ung nami didang vai.

JEREMIAH 21:8

Cun kawn ah chang gui am ka m’thein gui vai ah Bawipa naw na pyen nak ci, “Ngai vä! Kei, Bawipa naw, ghin nak ah lam la sih nak ah lam nami ghü vai ah ka ning pe gui ci nei.

HAKKAI 1:12

Zerubabel la Joshua ni, Babilonia ah ka dawng nak ah kaa law ba ciah chang avan naw Bawipa ami Khanpughi naw bi vai ah a pyen cu bik ci gui. Ngami cu kyi u neta Bawipa ah ng’shä tüih prophet Hakkai ah ng’thu cu ngai ci gui.

TAIGÜTHUM 25:19

Khaw ng’lei naw geit gui m’thawk sak khai, nami ei hlü phung avan nangmi ung om khai, nangmi cu phyawng ne nami om khai.

TAIGÜTHUM 26:3

“Nangmi cu kei ah thukhän ah mäih om u ne, ka thumkhän nami läk ah a kyak ung,

TAIGÜTHUM 26:5

Nami geit cu da aih sei, sing theih akni k’bih vai güt ung htang nami khäm khai, m’shi shaw vai güt ung sing theih akni nami bit khai. Nami ei hlü phung avan nangmi ung om khai, nangmi cu nami khaw ung phyawng gai ne nami om khai.

ISAIAH 58:14

Kei ah bi nami bi nak ung ka gawk lawk ciah yeikyai nak cu nami hmuk khai. Khaw avan ung chang ah m’tam khah vai ah ka ning pyang gui khai. Kei naw nami a Jakob am ka pek ah khaw ung nangmi cu nami yeikyai khai. Kei, Bawipa naw ka pyen nei.”

JEREMIAH 7:7

Nangmi nami ng’thawng ah a kyak ung, kei naw shin ah khi ung ka ning om sak gui khai. Shin cu nami pupa gui am khongläu ung ami kaa nak vai ah ka pek gui ah kyak ci.