Biblia Todo Logo
Bib sou entènèt

- Piblisite -




ISAIAH 1:18 - Cho Bible Common Language 2016

18 Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

Gade chapit la Kopi




ISAIAH 1:18
23 Referans Kwoze  

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”


Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.


Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.


Bawipa, Israel gui ah ghangpughang naw shin ah pyen ci: “Nangmi, chang pakhui gui ah khanpughi gui, nami mawngmaw cu m’dang law vä. Akbä pikbäih nami pyen nak hlü cu law püi vä!


Khanpughi naw pyen ci, “Düm ah, kei cu na ngai vä, nangmi kho asho khaw ah ka gui! Nami mawngma cu yung ah m’kai vai ah pawng püi ge vä; Nangmi nami ng’thu nak hning vai om khai nei.


Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.


Ani cu pum im ah pum hnüüp päng, ung Judah chang gui la Krik chang gui naw ami yum law tu vai ah ng’thu m’thein gui ci.


Tuhbäi nami om nak ung nami ng’düih vai, nami pupa gui la nangmi ning hun gui khai ah Bawipa ah küika ciah hnün thawh nak avan ka ning m’shüm thein nak ba gui ah Bawipa ah ma ah kei naw ka ning chah gui khai.


Paul cu abi man ah mäih ah pum im ah hteit ne, pum hnüüp thum vei ung, cacim cu m’hlan ne tän ne pyein ne chang gui awn ng’cecäk ci gui.


Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.


Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.


Nangmi khomhtung gui, nangmi m’dek ah khongtäi ciah a phung gui, Bawipa ah thushai cu ngai vä! Bawipa naw a chang gui hnungtuk püi ne thushai ci nei. Ani naw Israel gui hnungtuk ne m’kyuk nak gui vai law püi ci nei.


Cun ung phi ka ning laat ung ng’düi khai a u kä om ci — a u naw kei la Khanpughi cu thu kä na m’chak khai.


a i ah kyasei ci ung, khanpughi naw na k’et ci, ani naw chang k’ni ah na k’bäi khai. Kei cu na hnung’tuk püi ne, nak bün dat ci, a om ah a kyak ung, Yung ah m’kawt ung atäng ah mi hteit khai nei! Ani ah nakbün nak ah mawng cu mi law püi sak khai nei!


Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.


Changshe naw akshe a bi cu nawng ne, hman ci la nik cicu a bi ah a kyak ung ani naw aghin nak cu hun ci.


Ani naw a cheishoh nak ah katnak cu kei naw ka m’geinsei khai, ani cu ghing khai, a i ah kyasei ci ung ani naw düng ci la nik cicu bik ci nei.


Ka cheishoh nak gui cu kä na teng pe ne, ka shet nak gui cu na lim pe ä.


Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.


Bawipa naw amät ah mawngma cu m’dang ge khai ah om ci, ani naw a chang gui ng’thumcha ge khai ah pawng ci.


Swiv nou:

Piblisite


Piblisite