ISAIAH 1:17 - Cho Bible Common Language 2016

¹⁷ Ak ni bi vai ah ng’thei vä. Taga ciah bi cu nami teng vai — ami shedam nak cu nami m’hteihtang vai, hmei hta guiam ak chaw nami pek vai, hmeinu gui nami shungvong vai.”

ISAIAH 1:17 Referans Kwoze

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

NG'THU K'THUUK~ 31:9

Ngami ah phäh ah ng’thu pyen ne, ng’düng khai ah ng’thumcha ne dukhaih ci la ng’ya hlük ciah chaw cu nami shungvong pek vai.”

ZEKHARIAH 8:16

Nangmi naw nami bi gui vai cu: tumat la tumat k’cang nak ng’thu nami pyen vai. Yung ah m’kawt ung phi düng ciah nami bi vai, acun naw dimdeeih nak law püi ci.

ZEPHANIAH 2:3

Am lung neim ciah khaw chang gui ah ng’thu läk ciah chang avan Bawipa ah ng’hlat law vä. Düng ci bi ne Bawipa ah ma ah nami m’lung neim sak vä. Bawipa ah am lungshe nak ah khaw hnüüp ung nami phyawn nak vai om ei hman khai nei.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

THULÄÄN NAK 14:29

Cun cu Levit gui ah hmawk ah kyak ci. Ngami khaw kä tak ci gui, khaw hei chang gui, hmeinu gui, hmeihta gui, nami gawnu ung om ci gui ah phäh ah phi kyak ci. Ngami cu law u ne ami ng’yak hlü cu gah khai gui. Cun ah nami bi vai, cun ung Bawipa nami Khanpughi naw, nami bi nak päng ung hriham ning pe gui khai.

SAM 34:14

Akshe nawng ne, akni nami bi vai; Na m’lung kyong avan nawn tha na ne dim deeih nak na bi vai.

ISAIAH 56:1

Bawipa naw a chang gi pyen ah gui ci, “Düng ci la hman cicu bi vä, kei naw ka ning hun gui ge khai.

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

PHYAWN NAK 22:21

“A khohei chang cu akshe ah kä nami shedam nak vai, Egypt khaw ah khawhei chang ah nami kyak man cu nami shüm ba vai.

NG'THU K'THUUK~ 15:25

Bawipa naw chang shekha ah im cu m’di khai, cun ung phi hmeinu ah khawh cu ngang pek khai.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

ISAIAH 10:2

Shin cu dukhaih ci gui naw ami chaw kä ami gah vai la taga nak kä ami gah vai ah nami shung nak ah kya ci.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

EZEKIEL 45:9

Uktu Bawipa naw pyen ci, “Nangmi Israel uktu gui, katnak nami bi cu shou law aih ci nei! Nami cawi m’sa nak la nami yawshe nak cu ng’düm vä. Hman ci la taga cicu bi vä. Nangmi naw kei ah ka chang gui cu ami khaw ungka kä nami k’täm ba gui ah hlawt khai. Kei, uktu Bawipa naw, shin ah ka ning m’thein nei.