ISAIAH 1:15 - Cho Bible Common Language 2016

¹⁵ “Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

ISAIAH 1:15 Referans Kwoze

MIKHAH 3:4

Bawipa ah nami ng’paa nak vai ah a khin gawk lawk ci, cun ung phi ani naw kä ning m’shang gui khai. Akshe nami bik ci kyasei nami taigü cu kä ngai khai.

NG'THU K'THUUK~ 1:28

Cun ung nangmi naw cüivai nak cu nami khü khai, cun ung phi kä ka ning m’shang gui khai, nangmi naw khaw nü ung nami na shui khai, cun ung phi kä nami na hmuk khai.

ZEKHARIAH 7:13

A i ah kyasei ci ung ka ng’thu cu ngami naw kä ngai ci gui, ngami ah taigü phi kei naw kä ka m’shang gui ci.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

SAM 66:18

Kei naw ka katnak gui cu ka nawng lä ah a kyak ung, Bawipa naw kä na ngai khai nei.

1 GHANGPUGHANG GUI 8:22

Solomon cu chang gui ah om nak ung sonkiang ah ma ah hteit ne ng’düi neta, a kut gui shäng ne,

ISAIAH 58:7

Ei cawi ciam nami ei nami k’pai tu vai, a i m kä om sei dukhaih ci am, nami im kawt nami hmawn pek vai. A sui vai kä om ci am suisak nami pek vai, nami mätyah m’htei htang vai ah kä nami ma en vai.

SAM 55:1

O Khanpughi, ka taigü na ng’yak pe ä; ka ng’hawh sangung kä na ng’hlah ta ä!

JOB 27:20

A kyihshe naw tui k’law ah mäih ah ak ten ah tu gui khai. Mü ah khi ciah khokhi naw yon gui khai.

1 GHANGPUGHANG GUI 8:54

Solomon cu Bawipa ah taigü nak ng’pyi khäta, m’khuuk dong ne a kut shäng ne a ngoh ah sonkiang ah ma ungka ng’düi lawk ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MATTHE 6:7

‘Nami taigü ung Khanpughi kä yum ci gui ah taigü ah mäih ah lawmkaam düt ne kä nami taigü vai. Ngami cu aksho ang sau ah taigü ung gah vai ah ngai ci gui.

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

ISAIAH 8:17

Bawipa naw akchang gui ung ka, amät naw amät cu ng’thuh sak ci, cun ung phi kei naw ani ngaih u ne, ka ngaih u nak cu ani ung ka tha ci.

SAM 134:2

Pum Im theing ung nami kut shäng ne, taigü ne, Bawipa cu m’taam vä!

EZRA 9:5

Mühun täng khawihnah nak akhin gawk law khäta, thüi ne ka ngoh nak ungka tho law ne, sui teek sui ne, m’khukdong ne, taigü ne Bawipa kakhanpughi ah ka kut ka shäng ci.

JOHAN 9:31

Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

PHYAWN NAK 9:29

Moses naw ani am, “Kei shin ah mang gaw ungka ka luh law vai am, kei cu ka kut shäng ne Bawipa ah ka taigü khai nei. Khaw hmumkyeek ng’düm ne gääi phi kä kya law ba khai. Cun ung nangmi naw khomdek cu Bawipa ah khäm ah kyak ciah nami hmat khai.

JOB 35:13

Ngami kyap ne ami m’lau cu a kholä ah kyak ci, M’gäi ciah Khanpughi naw kä hmu ng’ya gui ci.

ISAIAH 4:4

A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

ISAIAH 45:15

A Chang gui hun gui ciah Israel khanpughi cu, amät naw amät thup ciah khanpughi ah kyak ci nei.

ISAIAH 58:4

Ei nami hlawi naw ning kiawipang sak gui ci, nangmi ng’vaw u ne, nami ng’tuk ci. Shinah mäih ah ei nami hlawi nak naw, nangmi ah taigü ka nng ngaih pe gui khai ah, na ci hning khai ah nami ngai ne ma?

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

JEREMIAH 11:11

Cun ah kyasei thubäi, kei Bawipa naw thu ka k’bäi gui cu, kei naw di nak cu ami khan ah ka law püi khai, ngami cu kä phyawng khai gui. Ngami naw kei naw ka m’htei gui vai ah ami k’thäh ah a kyak ung kei naw kä ka ngai gui khai.

EZEKIEL 11:6

Nangmi naw shin ah mang gaw ung chang akda aih name ngawn ci, cun ah kya ne lam gui cu gook awn be ci.

EZEKIEL 14:3

“Ani n aw pyen ne, “Hnicim Chang, shin ah chang gui naw ami m’lung cu agup gui am ap u sei, a gup gui naw katnak ung hteh püi gui ci nei. Ngami naw, kei naw m’shan nak ka pe gui khai an ngai u ne ang?

EZEKIEL 39:23

Israel gui omktu ah ami hteh cu kei na hnungtuk ne katnak ami bi ah phäh ah kyak ci, cicu chang pakhui gui naw hmat khai gui. Kei naw ngami cu ka ng’hlah ta gui ci, ami ga gui am hnim sak gui ne ng’tuk nak ung ka ngawn sak gui ci.

HOSEA 5:6

Ngami naw ami htome gui la ami vantang gui la u ne, Bawipa cu khawihnah nak ci gui. Cun ung phi cun naw ngami kä ni sak gui ci. Ani naw ahteh tak gui ah kia ne ngami naw kä hmu hlawt ci gui.