ISAIAH 1:13 - Cho Bible Common Language 2016

¹³ Deuthak nak nami law püi cu a khaw lä nei. Nangmi naw nami m’khih ah ang ui aha khu cu kei naw ka m’shem shai ci nei. Nami chathai pawi, kyinnak hnüüp la yum nak nami ng’bum nak ung kei kä ka om hning kahi; cun gui avan ca nami katuak naw m’di yawp ci.

ISAIAH 1:13 Referans Kwoze

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

MATTHE 15:9

Ngami naw kei ami na khawihnah cu akholä ah kyak ci, A i ah kyasei ci ung, ngami naw chang ah pyan ah thukhän gui cu, Khanpughi ah thukhän ah mäih ah, m’theithang ci gui!” cine kyak na gui ci.

EZEKIEL 20:39

Uktu Bawipa naw pyen ci, “Tuhbäi, Israel gui nami van, nami mät! Hteit u ne nami a gup gui cu khawihnah vä! Cun ung phi kei naw ka ning k’bäi gui cu, cun kawn ah nangmi naw kei nami na ngaih vai, nami agup gui am m’cümhnah nak douthak ne, kei ah ming theing ah thang nami m’shet nak cu nami ng’düm vai.

LUKA 11:42

“Pharisee gui aw, nangmi ung shetkat nak om ci, nangmi cu thuilim, am-hnah avan ung bum ghaa bum ät, Khanpughi-am nami peit ung phi, m’tara nak la Khanpughi yum hni nak cu nangmi naw kä nami yuk ngai lawk ci nei. Peit taak nak phi nami bi vai, ahei bilawh vai gui phi kä nami nawng vai ah kyak ci nei.

JOEL 2:15

Zion m’htung khan ah phyungheng tum vä; Ei hlawi vai ah ng’thu bäi vä, chang hli khü vä!

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.

EPHESIAN 4:30

Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.

1 KORIN 11:17

Shin ah m’shümthein nak ka ning peit nak gui ung, ka ning pyein nak gui vai tumat om ci. Cun cu, nangmi cu khawihnah ne nami pum nak ung, akni ah mä akshe dapi ci.

JOEL 1:14

Ei hlawi taigü vai ah k’bäi vä; chang van ng’bum vä! Ang vai gui la Judah chang gui avan Bawipa nami Khanpughi ah Taigü kyong ah bum u ne, ani ah kyap lau vä!

NG'THU K'THUUK~ 21:27

Chang shekha gui naw khawihnah nak ami dou thak cu, Bawipa naw thüi nak ci. Aktung pi ah akshe ah m’lung ngaih cu thüi nak ci.

SAM 78:40

Ngami naw ani cu bungpuk ah ashäng shäng hnu ng’tuk püi ci gui; akda vei m’thüi ci gui!

1 SHONTÄP NAK 23:31

A i yah ung phi kyin hnüüp ung Bawipa am douthak ami m’khih nak, Cha Thai Luum Pawi la a hei pawi gui. Amät ah a khin päng ung Levit chang a u chü naw bik khai ciah ami k’bäi om ci. Levit gui cu Bawipa khawihnah nak ah akhin avan ung bii bik khai gui ah awi k’bäi gui ah kyak ci.

PHYAWN NAK 12:16

A hnüüp ät hnüüp la a hnüüp chih hnüüp ung kei awn ng’hmuh vai ah nami na khawihnah vai. Cun ah hnüüp gui ung a i phi kä nami bi vai, ei vai bäng nami pyan tham vai.

PHILIPPIAN 1:15

Chang amshah gui naw m’thüikhang nak ah m’lung ng’tukvook nak hlü ah m’lung awn Bawi Khrit ah mawng cu pyeinsak ci gui, cun ung phi chang amshah naw m’lung ngaih k’ni awn pyeinsak ci gui.

KHEI NAK 10:2

“Ngui tawn awn phyungheng hnih nami pyan vai, cun cu chang gui naw shaum pigaw phyek khai gui ah khü nak ung nami mang vai.

ISAIAH 66:23

Cha thai pawi püng la kyih nak hnüüp päng ung, pakhui päng ung ka chang gui cu shinung Jerusalem ah law ne, na khawihnah lawk khai gui,” cine Bawipa naw pyen ci!

HOSEA 2:11

Ani ah pawi gui avan ka ng’pyi sak khai — akum tä pawi gui, ak cha tä pawi gui la kyin nak pawi gui — yum nak täng ah ng’hmuh nak gui, avan ka ng’pyi sak khai.

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

2 GHANGPUGHANG GUI 4:23

A cei naw, “A i ah kyasei tuhngawi na hteh vai ang? Tuhngawi cu kyin hnüüp käcung cha thei pawi hnüüp ah kä kyak ci nei” cik ci. Hnumi naw, “Bäi khai nei” cik ci.

NG'THU K'THUUK~ 7:14

“Kei naw tuh ngawi pektak nak ka bi pyi ci, khawihnah nak ah meh phi om ci,