ISAIAH 1:10 - Cho Bible Common Language 2016

¹⁰ Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.

ISAIAH 1:10 Referans Kwoze

THU PHLAAN 11:8

Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

EZEKIEL 16:49

Ani la a hta hnumi gui cu Chang ah ng’shei ci gui, ai ah kyasei ci ung ngami cu ami ei vai da ci, ding gei sei adüm ah om ci gui, cun ung phi ngami naw dukhaih ci gui la zawken ci gui cu kä m’htei htang ci gui.

AMOS 9:7

Bawipa naw, “Israel chang gui, nangmi ah khan ah ka ngaih ah mäih ah Sudan chang gui phi ka ngai gui ci nei. Nangmi Egypt khaw ah kaa ka ning law püi ba gui ah mäih ah, Krete ah kaa Philistin gui, Kira ah kaa Sirian gui ka law püi ba gui ci.

EZEKIEL 16:46

“Nang ah na pai ang vaipi cu Samaria ah kyak ci, a siiptäng ah a gaw hta gui awn om ci. Nang ah na be ak hmaw ba cu, Sodom ah kyak ci, a htumtäng ah a gawhta gui awn om ci.

JEREMIAH 23:14

Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

THULÄÄN NAK 32:32

Ami ga gui naw Sodom la Komorrah ah mäih ah m’shet gui ci. Ngami cu akha la am äm mah ah m’theih ciah sapyit ah mäih kyak ci gui.

ROMAN 9:29

Cun kawn ah Isaiah naw, “Hlüngtai pi k’bäih ciah Khanpughi naw, mi pakhui kä a maih vai ah mi hta ng’shon gui cu kä a nam gein gui vaisü ung, mikmi cu Sodom la Komorrah ah mäih ah mi kyak khai süte,” cine a pyein ah mäih ah kyak ci.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

AMOS 3:1

Israel chang gui, shin ah ng’thu cui ngai vä, nangmi ah mawng Bawipa ah thu pyen nei. Khih pawn nak ungka k’phian ah pakhui, Egypt khaw ah kaa a ning law püi ba gui ah kyak ci nei.

ISAIAH 28:14

Tuhbäi Jerusalem ung shin ah chang gui, m’gäimäk ne uk ci gui, Bawipa ah thu pyen cu ngai vä.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

ISAIAH 30:9

Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

EZEKIEL 13:2

ani naw pyen ci, “Hnicim Chang, ami mät ah ngaih ah ng’cäng bang ciah Israel prophet gui cu m’shuk cha gui vä. Bawipa ah ng’thu ami ngaih vai ah m’thein gui vä” cik ci.

MIKHAH 3:1

Ngai vä, nangmi Israel Uktu gui! Nangmi cu taga ciah bi nak nami hmat ciah kya lang ne,

EZEKIEL 16:35

Tuhbäi, Jerusalem, nang Chang plet!