ISAIAH 1:1 - Cho Bible Common Language 2016

¹ Shin ah ca-uk ung Judah la Jerusalem ah mawng Khanpughi naw Amoz ah hta Isaiah am ng’thu am than cu guk ah kyak ci, cun cu Judah ghangpughang Uzziah, Jotham, Ahaz la Hezekiah gui ah khin ah kyak ci.

ISAIAH 1:1 Referans Kwoze

2 SHONTÄP NAK 26:1

Judah chang gui ami van naw Amaziah ah hta, a khokum gha lei chuk lawk ciah Uzziah cu apa ah hnün ung ghangpughang ah ghü ci gui.

2 GHANGPUGHANG GUI 18:1

Elah ah hta Hoshea Israel ghangpughang ah a kyak nak a kum thum nak ung, Ahaz ah hta Hezekiah cu Judah ghangpughang ah kya lawk ci,

ISAIAH 7:1

Ghangpughang Ahaz, Jotham ah hta, Uzziah tu naw Judah khaw a uk yah ung ng’tuk nak om ci. Siria ghangpughang Rezin la Israel ghangpughang Remaliah ah hta pekah naw Jerusalem cu tuk ci goi, cun ung phi kä khäm hlawt ci gai.

ISAIAH 6:1

Ghangpughang Uzziah asih kum ung, kei naw Bawipa ka hmuk ci. Ani cu hlüngtai ciah amang kiang ung ngok ci. Ani ah suinu naw Taigüim avan be sak ci.

ISAIAH 2:1

Shin cu khawpughi naw Amoz ah hta Isaiah am a pek at Judah la Jerusalem ah a mawng ng’thu ah kyak ci:

SAM 89:19

Caupui bekhüt ciah na chang gui am muimang ung nang naw na m’thein gui cu, “Ming thang ciah gakap cu kei naw m’theithang nak ka pek ci; ka chang gui ung ka, ka ghü tumat-am mangkiang cu ka pek ci.

KHEI NAK 24:16

Khanpughi naw a i a pyen ng’ya hning ciah chang, a hlüngtai säih ungka lawk ciah hmuhmat nak gah ciah chang naw ng’ciim ciah mik awn yeikyai nak ka hmuk ci. A hlüngtai säih Khanpughi ah muimang ungka,

AMOS 1:1

Shin cu Amos ah thu ah kyak ci, ani cu Tekoa gawnu ah ka htoshäm ah kyak ci. Shihpi kä a thüng pha kum goi yah ung Uzziah cu Judah ghangpughang ah kya ne, Jehoash ah hta Jeroboam cu Israel ghangpughang ah a kyak yah ung, Israel gui ah mawng shin gui avan cu, Khanpughi naw Amos ung a thumkhän ah kyak ci.

JEREMIAH 23:16

M’gäi ciah Bawipa naw Jerusalem chang gui pyen ah gui ci, “prophet gui ah pyen cu kä nami ngaih vai; ngami naw akholä ning ngaih u sak gui ci gui. Ngami naw ami mät ah ngaih ning m’thein gui ci gui, cun cu kei ah pyen ah kä kyak ci.

ISAIAH 40:9

Jerusalem, m’htung hlüng ah hang kai ne, thuni cu ng’shäu ä! Zion, ak’aw ng’shan awn ng’khü ä; thuni cu ng’shäu ä! Ng’thu ä, kä kyi en ä. Judah khaw ung ami gawnu gui m’thein gui vä, ami khanpughi law sang ci nei!

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

2 GHANGPUGHANG GUI 15:32

Israel ghangpughang Remaliah hta Pekah ah uknak a kum goi nak ung Uzziah ah hta Jotham cu Judah ghangpughang ah kya lawk ci,

2 GHANGPUGHANG GUI 15:7

Uzziah cu si sei David ah mang gaw mang gui ah phuh hmun ung phuh ci gui, a hta Jotham cu ghangpughang ah kya ba ci.

2 GHANGPUGHANG GUI 15:1

Israel ghangpughang Jeroboam II naw a uknak a kum m’ku lei chih nak ung Amaziah ah hta Uzziah cu Judah ghangpughang ah kya lawk ci.

LAMKTU 26:19

“Akrippa Ghangpughang mang! Kei naw khankho ah kaa ka hmuh cu kä pyein ah kä ka hlawt ci nei.

LAMKTU 10:17

Peter naw cun ah amik hmuh ah mawng cu ak tung ah ngaih-tüh ne om ci. Cun yah ung Konelius ah tüih law ah chang gui cu, Simon ah im k’tä ne shui u ne, m’kawt law pei ah gawk law ne ak düi ci gui.

MATTHE 17:9

Cun kawn ah Bawipa Jesuh la ang düihpüi gui cu, khomhtung ah kaa kyum law ba ci gui. Ami kyum law ba yah ung Bawipa Jesuh naw, “Tuhbäi nami hmuh gui cu, chang ah Htapa sih nak ungka a thawh law ba ung khüt sei, a u-am kä nami m’thein vai,” cine ang düihpüi gui-am m’yih sak gui ci.

HABAKKUK 2:2

Bawipa naw shin ah na m’shang ci: “Chang naw akni ah a phat hning vai ah ka ng’thu m’than cu lung ng’htei khai ah na guk vai nei.

NAHUM 1:1

Shin cu Nineveh ah mawng ng’thu m’khäh, Elkosh ah ka Nahum naw a hmuh ah muimang m’cut gui ah kyak ci.

MIKHAH 1:1

Judah khaw ung Jotham, Ahaz la Hezekiah ni cu ghangpughang ah ami kyak yah ung, Moresheth gawnu ungka Mikhah am Bawipa naw ng’thu pek ci. Samaria La Jerusalem ah amawng gui avan cu Khanpughi naw Mikhah ung thu am than ah kyak ci.

HOSEA 1:1

Shin cu Beeri ah hta Hosea am Bawipa naw a pek ah ng’thu ah kyak ci. Cun sangung Judah ung Uzziah, Jotham, Ahaz la Hezekiah gui cu ghangpughang ah kyak ci gui. Israel ung Jehoash ah hta Jeroboam cu ghangpughang ah kyak ci.

KHEI NAK 24:4

Khanpughi ah ng’thu pyen ng’ya hning ciah chang ah kyak ciah mik awn yeikyai nak ka hmuk ci. A hlüngtai säih Khanpughi ungka muimang ah kyak ci.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

2 KORIN 12:1

Khäghah cu kä a ni ung phi, kei ka khäghah vai om ci. Cun ah kyasei Bawipa naw ana peit ah muimang la Thuphlaan ah mawng cu m’dang ne ka pyein khai.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

2 GHANGPUGHANG GUI 15:13

Judah ung Uzziah ghangpughang naw a uknak akum thumkip lei kaw ung, Jebesh ah hta Shallum cu Israel ghangpughang ah kya lawk ci, ani naw Samaria ung cha ät uk ci.

2 GHANGPUGHANG GUI 19:2

Ani naw Eliakim, mang im ung ami ng’vai bawi; Shebna, yung bawi la taigü ng’vai gui cu Amaz ah hta prophet Isaiah ah tüi gui ci. Ngami ami van phi suishe sui ci gui.

2 SHONTÄP NAK 26:22

Ghangpughang Uzziah naw a uk yah ung a bilawh gui avan cu Amoz ah hta prophet Isaiah naw gu ne tha ci.

2 SHONTÄP NAK 27:1

Jotham cu a khokum m’ku lei hma ung ghangpughang ah kya law ne, Jerusalem ung om ne kum gha lei chuk ung uk ci. Anu cu Zadok ah hta Jerushah ah kyak ci.

2 SHONTÄP NAK 28:1

Ahaz cu a khokum kum m’ku ung ghangpughang ah kya lawk ci, Jerusalem ung om ne kum gha lei chuk ung uk ci. Ani naw a pupa David ghangpughang naw akni abi gui cu kä läk ci; cun nak vaisü ung Bawipa naw kä am hni gui cu bik ci,

2 SHONTÄP NAK 29:33

ngami naw vantang phia chuk, la htome phia thumkip cu chang gui ah ei vai ah khawihnah nak ah law püi ci gui.

ISAIAH 20:2

Ng’pyi pyi ciah kum thum ung Bawipa naw Amoz ah hta Isaiah am, aphahnak la athüisui asuh vai ah pyen nak ci. Ani naw awn ngai ne akplui ah phahnak kä ng’cum ne hteit hton ci.

ISAIAH 37:2

Ani naw mang im ung angvaipi bawi Eliakim, mang im secretary shebna la taigü aghamhta gui cu Amoz ah hta prophet Isaiah ah tüi gui ci. Ngami cun phi thüisui sui ci gui.

ISAIAH 38:1

Cun ah akhin ung Ghangpughang Hezekiah cu gaw ne si ghep ghep ci. Prophet Isaiah, Amoz ah hta naw hteit ne teng neta a pyen nak cu, “Bawipa naw na m’thein ci, nang naw a päng nü cu kyäp ge khaiah ne ci vai, nang cu kä na gai ba khai na si ge khai ah na om vai nei.”

EZEKIEL 1:1

Akum thumkip nak a cha phli nak ah a hnüüp hma hnüüp ung, kei, taigü Ezekiela, Buzi ah hta cu, Jew chang omtu gui awm atäng ah Babilonia khaw, Chebma Tuinu pei ah ka om ci. Khankhomik ng’hmawng khäta muimang ung khanpughi cu ka hmuk ci.

AMOS 4:5

Hteit ma u ne nami m’htut cu Khanpughi am yeikyai nak ah nami douthak vai nei. Akdäm nami law püi ah khawihnah nak ah mawng cu nami shäu vai. Cun cu nangmi naw m’hni ne nami bi hlü ah kyak ci.