HOSEA 9:9 - Cho Bible Common Language 2016

⁹ Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 9:9 Referans Kwoze

HOSEA 10:9

Bawipa naw pyen ci, “Israel chang gui naw kei na hnungtuk püi u ne, ami kat nak cu kibeah ung tün ne ami kat nak cu kä ng’düm ci. Cun ah kyasei ngami cu ami ng’tuk nak naw pha law gui khai.

SUKI GUI 19:16

Ngami cun ung ami ngoh yah ung, lo ah bi bik ciah a ghipa nu lawk ci. Ani cu Ephraim khaw-gui ung om te ciah kyak ci, cun ung phi tuhbäi Kibeah ung om ci. (Cun ung om ciah a hei chang gui cu Benjamin pakhui ah kyak ci gui.)

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

ISAIAH 31:6

Bawipa naw pyen ci, “Israel chang gui, nangmi katnak bi ne, nami na hnung’tuk püi ci. Nami na hna nak ci cung ung phi tuh bäi, kei ah law ba vä!

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

SUKI GUI 19:12

Cun ung phi a bawi naw, “Israel chang gui ah kä om nak ah mang gaw ung mikmi kä mi ng’düm khai nei. Mikmi naw shin cu phlän ne, api mi hteit ban eta, Kibeah käcung Ramah ung mi ip khai nei” cik ci.

SUKI GUI 20:43

Israel gui naw ga gui cu khaai gui u neta, kä ng’düm phung ne Kibeah akiang ung khüt ne gawt täm gui ci gui, ami m’hni ah ngawn gui ci gui.

JEREMIAH 14:10

Bawipa naw shin ah chang gui ah amawng pyen ci, “Ngami cu kei ungka dawng vai m’hni ci gui, ami mät naw ami mät kä m’htei hlawt khai gui. Cun ah kyasei kei naw ngami kä ka yei na gui ci. Kei naw ngami ah cheishoh nak cu shüm ba ne, ami katnak ah phäh ah ka m’kyuk gui khai.”

HOSEA 4:9

Nangmi phi chang gui ah mäih ah m’kyuk nak ung nami yaica khai. Kei naw ning m’kyuk gui ne kat nak nami bi nami thung vai ah ka ning ci gui khai.

HOSEA 5:8

Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

HOSEA 9:8

Khanpughi naw kei cu prophet ah na tha ne a chang Israel gui phi nangmi naw kha ah mäih ah nami na pha vai ah nami k’thu prophet gui ah ga ah kyak ci gui nei.

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

PHYAWN NAK 32:7

Bawipa naw Moses am, “Ang ghit ah yu kyum ba ä. Na chang gui Egypt khaw ah ka na law püi ba gui cu sheka u ne na hnungtuk püi ci gui nei.

SUKI GUI 19:22

Ngami cu ami lüilawi tu yah ung cun ah gawnu ung htukhtik ciah chang gui cu, im veing u ne, shoh kauh ci gui. Ngami naw a ghipa nu am, “Na khah law püi ah chang cä, na pek gui ä! Ani awn kami ng’yaw hlük ci nei!” cik ci gui.

EZEKIEL 21:28

“Hnicim chang, cängbang ä, kei, uktu Bawipa naw, Israel gui shedam na gui ciah Ammonit gui ka pyen nak gui cu ng’shäu ä. Na pyen nak gui vai cu: Khimsem cu m’di ge khai ah om ci nei: cun cu ngawn nak vai la lailäp ne vai khai ah m’tui pyi nei.