HOSEA 9:8 - Cho Bible Common Language 2016

⁸ Khanpughi naw kei cu prophet ah na tha ne a chang Israel gui phi nangmi naw kha ah mäih ah nami na pha vai ah nami k’thu prophet gui ah ga ah kyak ci gui nei.

HOSEA 9:8 Referans Kwoze

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,

EZEKIEL 3:17

Ani naw pyen ci, “Hnicim Chang kei naw nang cu Israel pakhui khaw na ngäng khai ah ka ning pyang ci nei kei naw ka ning pekah thuk bäi gui cu ngami am na pyen nak ba gui vai.

MIKHAH 7:4

Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.

ISAIAH 62:6

Jerusalem, na ng’vongpang ung ngäng ci gi cu tha gui nei; Ngami cu amü a hnüüp kä om düt khai gui nei. Ngami naw Bawipa am a shaitak cu m’thein tu ba ci gui, Ngami kä a m’hnih gui vai ah shüm sak gui khai.

HEBRU 13:17

Nami ng’vaihta gui ah ng’thu cu ngai u ne ami pyein ah nami om vai nei. Ngami naw ami bi lawh cu Khanpughi-am m’thein ba khai gui kiasei, kä ng’düm phung ne nangmi cu ning m’htei gui ci gui nei. Nangmi mi naw ami ng’thu cu nami ngaih ah a kyak ung ngahmi cu yeikyai ne bilo khai gui nei, Kä nami ngaih ah a kyak ung ngahmi cu thüisei u sei, nangmi ah hmawk ah a i phi a bä nak kä om khai nei.

JOHAN 15:24

Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

EZEKIEL 33:7

“Tuhbäi hnicim chang, kei naw nang cu Israel pakhui ah gawkngäng ah ka ning pyang ci nei. Kei naw ka ning pek ah thukbäi gui cu nang naw na pek tuba gui vai.

NG’ÄI KYAH 4:13

Cun ung phi cun cu kya tukcang ci, a i ah kyasei ci ung, ani ah prophet gui cu shekha u ne, ataigü gui cu cheishoh u ne, chang k’ni gui ah sih nak vai ah mawng ah kyak ci gui.

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

JEREMIAH 31:6

Ngäng ciah Chang gui naw Ephraim m’htung ung om ne, “BAWIPA, mi khanpughi ah, Zion m’htung ah mi hang kai nei” cine ng’khü khai gui nei.”

JEREMIAH 14:13

Cun kawn ah kei naw, “Uk ciah Bawipa, nang naw na hmat ah mäih ah prophet gui naw chang gui ami m’thein gui cu, ei cawi nak la ng’tuk nak kä om khai, a i ah kyasei ci ung nang naw shai na tak pyi ah kyak ci, mi khaw dimdeeih nak bäng om khai, cik ci gui.”

JEREMIAH 6:17

Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.

JEREMIAH 6:14

Ngami naw ami khei khan ng’khawk düt khai ah bo; p ci gui. Ngami naw “Avan bä ci nei” ci u sei avan kä bä ci!

SOLOMON NG’Ä~ 3:3

Mang gaw ngäng gui ng’hleh ci gui naw kei cu na hmuk ci gui. Kei naw, “Kei ah ka m’hni ah chang cu nami hmu ne ang?” cine ka ng’shi gui ci.

2 GHANGPUGHANG GUI 13:21

Hnü ät ung gook ami htüm phuh yah ung chang gui naw Moabit gakap bum ät cu hmu u neta, gook cu Elisha ah phuh hmun kyong ah yuk ghawt neta dawng ci gui. Gook cu Elisha ah guh awn ani hli vai am, cun ah chang cu ghing law ba ne, tho ne ng’düi ci.

2 GHANGPUGHANG GUI 7:19

cun cu bawi naw m’shang ne, “Cun cu kä kya hning khai — Bawipa amät naw ang ghit ah ei kho a yuk aa sak ung phi kä kyak khai!” cik ci. Elisha naw pyen ba ne, “Nang naw cun cu na hmuk khai, cun ung phi api ah phi ei cu kä na ei tuk khai.”

2 GHANGPUGHANG GUI 7:2

Ghangpughang m’täh ciah chang naw Elisha am, “Bawipa amät naw ang ghit ah ei kho a yuk aa sak ung phi, cun ah kä kya hning khai nei!” ci nak ci. Elisha naw, “A cun ah a kyak cu nang naw na hmuk khai, cun ung phi api phi nang naw kä na ei tuk khai” ci nak ci.

2 GHANGPUGHANG GUI 5:27

Tuhbäi Naaman ah gaw nak cu nang ah khan ah gawk sä, nang la nang ah hta ng’shon cu ngawi yä a cun ung gaw vä!” cik ci. Kehazi cu a hteh ba vai am, ani ung gaw nak gawk sei ani ah vun cu khüi toi ah mäih ah bawk ci.

2 GHANGPUGHANG GUI 5:14

Cun ah kyasei Naaman cu Jordan tuinu ah hteit ne chih vei tui ung ng’hnim ci, Elisha naw a pyen ah mäih ah bik ci, ani cu akni ah gai ci. A sa cu a hmawhta ah mäih ah theek ne gai ci.

2 GHANGPUGHANG GUI 4:43

Cun ung phi ani naw, “Chang phia ah phäh ah shin cu ng’büh khai ah na ngai ne ma?” cik ci. Elisha naw, “Ami ei vai ah pe gui ä, a i ah kyasei ci ung ngami naw ei khai gui, cun kawn ah phi k’pawih ba khai cine, Bawipa naw pyen ci nei” cik ci.

2 GHANGPUGHANG GUI 4:41

Elisha naw m’htut den api k’thäh gui neta, k’am ah khui ah yuk shum neta, pyen ci, ngami ah phäh ah antui lawh pe gui vä,” cik ci. Cun kawn ah a i chei ci kä om ba ci.

2 GHANGPUGHANG GUI 2:21

Ani naw tui hta lawng ah hteit neta, m’shi cu tui ung lawn neta a pyen cu, “Shin cu Bawipa ah ng’thu pyen nei: Kei naw shin ah tui cu ka ng’ciim sak ci nei, cun kawn ah shin naw a u kä sih sak khai, a u ah m’gai phi kä yawih sak khai nei.”

2 GHANGPUGHANG GUI 2:14

Ani naw Elijah ah suinu awn tui that neta a pyen cu, “Bawipa, Elijah ah Khanpughi cu a hawi ang?” Ani naw tui cu that ba mä ci.

1 GHANGPUGHANG GUI 22:28

Mikaiah naw pyen ne, “Nang phyawng ne na law ba ah a kyak ung, kei ung Bawipa naw ng’thu kä pyen ciah kyak khai!” Ani naw m’khah ba ne, “Chang päng naw kei ah ng’thu cu ngai vä!” cik ci.

1 GHANGPUGHANG GUI 22:22

Bawipa naw, “A i hawcha ah ang?” ci sei; Mümcha naw m’shang ne, “Kei naw hteit ne, Ahab ah prophet gui avan cu hleei ne ka m’thein gui khai nei” cik ci. Bawipa naw “Hteit ne ani m’hleei ä, na näng khai nei” cik ci.

ROMAN 3:7

A vaisü ah kei ah kä ng’düng nak naw, Khanpughi ah ng’düng nak cu dang sak pi ne, hlüngtai sak pi ciah a kyak ung, a i ah kya sei kei cu shekat ciah chang ah kya ne, hma m’kat nak cu ka gah ang!

1 GHANGPUGHANG GUI 22:11

Ngami ungka tumat, Chenaanah ah hta Zedekiah naw m’si puuk pyang neta Ahab cu pyen nak ci, “Shin cu Bawipa pyen nei; “Shin awn nang naw Sirian gui na tuk ah a kyak ung na hnim gui yawp khai nei.”

1 GHANGPUGHANG GUI 22:6

Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”

1 GHANGPUGHANG GUI 18:19

Tuhbäi Israel chang gui avan Karmela M’htung ah law ne ami na hmuh law vai ah k’thäh gui ä. Baala ah prophet 450 la Asherah khanpughinu ah prophet 400, Ghangpughangnu Jezebela ah akbäi gui cu nami law püi gui vai nei.

1 GHANGPUGHANG GUI 18:1

Shou hta khäta, khokäu a kum thum nak ung Bawipa naw Elijah a pyen nak cu, “Nang cu ghangpughang Ahab ah ma ah hteit ä, kei naw kho ka aa sak khai nei,” ci sei,

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

SAM 124:7

Kha cuung ciah cuun ungka phyawng ciah kha ah mäih ah, mikmi cu mi phyawng ci nei. Cuun cu hnget sei, mikmi cu mi lawt ci nei!

THUSHÄUTU 9:12

Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.

JEREMIAH 23:13

Samaria prophet gui ah katnak cu kei naw ka hmuk ci nei; ngami cu Baal ah ming ung ng’thu pyen ci gui, ka chang gui cu lam hma sak ci gui.

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

JEREMIAH 11:19

Kei cu ngawn vai ami hteh püi ah htome hta ah mäih ah ngaih gep nak om ci, ngami naw kei na hnungtuk püi ne akshe gui bi vai ami pawng püi cu kei naw kä ka hmat ci. Ngami naw pyen ci gui, “Sing ghing cu a gai sangung mi chuk khai nei; ani cu mi ngawn khai nei, cun ung ani cu a u naw phi kä shüm ba khai.”