HOSEA 9:6 - Cho Bible Common Language 2016

⁶ Leigai agawk law ung chang gui cu püi piang lawk khai gui. Egypt chang gui naw k’bum ba gui khai gui — bum gui u ne memphis ung k’phuh gui khai gui. Ami ngui m’küm gui la ami im gui ah om nak man ah hmun cu m’ghaw gui la ng’hlingcam naw uk khai.

HOSEA 9:6 Referans Kwoze

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

ISAIAH 7:23

“Cun ah khin a gawk law ung, sapyit la akni gui ung phi agha ciah phung ghing ne ngui phya gha ci phu nak ciah sapyit gui cu ng’hling k’cam gui la ng’hling gui naw li shi khai gui.

HOSEA 11:11

Ngami cu kha ah mäih ah yong u ne, Egypt khaw ah kaa mümcha ah mäih ah Assiria khaw ah ka law ba khai gui. Kei naw ami im ah ka hteh ba püi gui khai. Bawipa naw ka pyen nei.

HOSEA 7:13

“Ngami cu ng’yiin ci gui. Kei cu na hteh ta u ne na hnungtuk püi ci gui. Ngami cu m’di gui vai. Kei naw ka hun gui hlük ci, cun ung phi ngami naw kei ami na khawihnah cu chei ci.

ISAIAH 34:13

Mang im kyong gui avan la gawnu k’pang gui ung hlingbung, hlingcam gui tho khai, cun gui ah ng’lung ah

ISAIAH 32:13

ng’hling-cam gui la ng’hling gui cu ka chang gui ah khaw ung tho pyi ci nei. Chang gui naw ami yeikyai nak ah cin gui avan la ami ng’häh leh nak ah mang gaw ah phäh ah thüi kyap vä.

ISAIAH 27:12

Cun ah hnüüp ung, chang tumat naw htang ang shii ng’tak am chaa ah mäih ah, Euphratis tuinu ung ka naw Egypt khogii ung khüt khai ah Bawipa naw a chang gui cu tumat täi ah m’cut gui khai.

ISAIAH 19:13

Zoah la Memphis ah ami ng’vai gui cu ang laan ci gui nei. Ngami cu pakhui kmshüm khai gui ah kyak ci, cun ung phi ngami naw km hma a gui nei.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

NG'THU K'THUUK~ 24:31

Cun cu ng’hling plum awn be ci, m’ghaw bäng ah kyak ci. Lung paang cu piawn ne kya lawk ci.

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

2 GHANGPUGHANG GUI 13:7

Jehoahaz ung ng’se cum ci hmakip, yatha gha, khaw awn ng’tuk ciah gakap phia phia bäng om ba ci, cun kawn ungka gui cu Siria ghangpughang naw m’di gui ne m’vut ah khui ah a ci gui ah kyak ci.

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

JEREMIAH 2:16

Memphis la Tahpanhes chang gui naw ani ah lukoi cu teek sak ci gui.

JEREMIAH 42:22

Cun ah kyasei shin cu shüm ba vä; nangmi hteit ne nami om nak hlü ah khaw päng ung ng’tuk nak, ei cawi nak la gawpyan nak awn nami sik khai” cik ci.

JEREMIAH 44:1

Egypt khaw ah om ciah Israel chang gui avan ah mawng, Bawipa naw kei ung thu pyen ci, cun gui cü mikdola, Tahphanhes, Memphis mang gaw gui la khopäng ah a htumtäng ung om ci gui ah kyak ci.

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!

JEREMIAH 46:19

Thawng kium ah nami kiak khai ah om ge vä, nangmi Egypt chang gui! Memphis cu khong gau ah kyak sak ne di ne a u ah kä om nak ah kyak khai nei.

EZEKIEL 30:13

Uktu Bawipa naw pyen ci, “Kei naw Memphis ung a gup gui la Khanpughishe gui cu ka m’di khai. A cu ah Egypt uk khai a u kä om ba khai, kei naw chang gui avan ka kyihkyawk sak khai.

EZEKIEL 30:16

Kei naw Egypt cu mei awn ka m’khih khai, Pelusium cu ka natsak khai. Thebes ah mang gaw k’paang gui cu ng’gäi khai, mang gaw cu tui naw lin khai.

HOSEA 2:6

Kei naw ani cu ng’hling awn ng’vong ne a lam shung ne ka paang khai.

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

ZEPHANIAH 1:11

Kyah m’lau ah k’aw gui cu nami mang gaw ah akhodou täng ah om ci naw nami ng’yak khai, a i ah kyasei ci ung sumlei ci gui ami van cu si yawp khai nei.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

JEREMIAH 44:12

Judah khaw ung pawih shüt ciah chang gui la Egypt ah hteit ne om khai ah ling ciah chang gui cu ami van ka dishum sak gui khai nei. Ngami ami van, ak zaw akdäm cu ng’tuk nak ung käwng ei ah cawi ne Egypt ah sik khai gui. Ngami cu chang ah ma ah kyih shek khai gui; chang gui naw gaih tu gui ne, ami ming cu plah taam nak ah mang khai gui.

JEREMIAH 44:13

Kei naw Jerusalem ka m’kyuk ah mäih ah Egypt ung om ci gui cu ka m’kyuk gui khai-Cun cu ng’tuk nak, ei cawi nak la gawpyam nak awn ah kyak khai.