HOSEA 9:4 - Cho Bible Common Language 2016

⁴ Cun ah akhohei khaw ah ngami naw Bawipa am, sapyit tui kä thak ba hlawt khai gui. Ami khawihnah nak phi ani ah kä law püi ba hlawt khai gui. Ngami ah ei cu gook ei ah mäih ah ei ciah chang nü lelawi sak khai. Cun cu ami cawi amik phyei nak bäng ah kyak khai. A i phi Bawipa ah tigü im ah douthak vai kä kyak khai.

HOSEA 9:4 Referans Kwoze

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

THULÄÄN NAK 26:14

Kei ka thüi kyah yah ung cun gui api phi kä ka ei ci, kei kä ka theingthap yah ung cun gui api phi ka im ah k’pung ah kä ka hteh püi ci. Cun gui ungka api hta phi aksi ah hmawk ah kä ka douthak ci. Ka ning läk ci nei Bawipa, Bum gha bum ät ah mawng ung nang naw nang thumkhän a päng cu ka bi pyi ci nei.

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

EZEKIEL 24:17

Na hngääk cu a u naw kä ning za en sä. Thüi kyap ciah mäih ah lukä pawng ne phahnak kä ng’leh ne, kä na hteh hton vai. Na hmai kä na shung vai, thüikyap ciah ei ah mäih ah ei kä na ei vai.”

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

MALAKHI 2:13

Shin ung ahei nami bi om ba ci, Nangmi naw Bawipa ah mang kyang cu ng’phlitui la thüikyah nak awn nami lin ci. Cun ah kyasei nami law püi ah pek tak cu ani naw kä dou ba ci.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

EZEKIEL 24:22

Cun kawn ah kei naw ka bi cu nangmi naw nami bik khai. Nangmi naw nami hmai kä nami shung khai, thüikyap ci gui ah ei kä nami ei khai.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

ISAIAH 57:6

Nangmi naw ng’mi ciah lung gui cu a cun ung ka la neta, khanpughi cine nami khawihnah ci. Nangmi naw sapyit tui cu k’phyuh ne nami douthak ci, htang-douthak phi nami lawpüi ci. Shin gui avan cu kei naw ka yei nak ciah nami ngai ne ang?

KHEI NAK 28:2

Khanpughi naw a yeikyai nak vai ah ak thäh ah ei-douthak cu k’bäi nak ah a khin ung, Khanpughi am ami pek vai ah Israel gui am shümthein gui vai ah kyak ci.

TAIGÜTHUM 21:21

Aaron ah htangshon taigü cu, a pumsa ung kä küm ci a om ah a kyak ung, acun naw ei-douthak nak cu kei am kä ana douthak en law vai.

TAIGÜTHUM 21:17

Aaron am a pyen nak cu, “Nang ah na htangshon ungka a pumsa kä küm ci phung naw ei-douthak nak cu kei am kä ana douthak en law vai. Cun cu ngawi yä a cun ah kyak khai.

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

TAIGÜTHUM 21:6

Ani cu a theingcim vai, kei ah ka ming ung kä a thüisei vai. Ani naw ei-douthak nak cu kei ung ana douthak vai, ani cu a theingcim vai.

TAIGÜTHUM 17:11

Akghing nü ah ghin nak cu si ung om ci, cun ah kyasei Bawipa ah thumkhän cu, si avan cu chang gui ah katnak nawt heng nak ah sonkiang khan ah lawn vai. Si cu ghin nak ah kyak ci, katnak nawt heng ci.

PHYAWN NAK 40:23

Bawipa ah thumkhän ah mäih ah ak khan ah Bawipa am douthak ah m’htut cu taih ci.

KHEI NAK 19:11

Gook tawk ciah chang phung khaw hnüüp chih ung kä theingthap ci.

KHEI NAK 4:7

Ngami naw sui m’kim cu la u ne tawnglang ah khan ah ami phah vai. Cun cu Bawipa am douthak vai ah m’htut la m’htut tha nak ah k’bei gui, tui ng’ui khawk gui, douthak nak ah khawk gui, sapyit tui douthak than nak ah um gui cu ami uk vai. Cun ah tawnglang ah khan ung angtäi sei m’htut tha vai.

PHYAWN NAK 29:40

A htük ah htome awn a täng ah htang k’den pawng goi cu olive situi khap cawih awn k’caw ne, thak vai. Sapyit tui khap cawih phi shawi ne douthak vai.

JEREMIAH 16:7

Am hni ah chang sik ci a om ung k’büi nak ah a u naw phi kä ei awk püi khai. A u naw phi m’gein nak kä m’dang khai, a nu, apa chük ciah phäh ah phi a u naw kä m’gein khai.

DANIEL 1:8

Mang im ungka ei ei ne sapyit tui awk nak awn kä theingthap nak ung kä gawk vai ah Daniela naw amlung pyang pyi ci. Cun ah kyasei ani naw, Ashpenaz naw am thei thang tu vai ah k’thäh ci.

JOEL 1:9

Taigüim ah douthak vai htang la sapyit tui kä om ci nei, Bawipa am ami douthak vai kä om sei, taigü gui thüikyap ci gui.

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”