HOSEA 9:16 - Cho Bible Common Language 2016

¹⁶ Israel chang gui cu a pya chawng sei kä m’thein ciah a ghing ah mäih ah kyak ci gui. Ngami cu ami hta nau kä om khai, A om ung phi ngami naw ami m’hni ah ami hta nau guu cu kei naw ka ngawn gui khai.”

HOSEA 9:16 Referans Kwoze

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

HOSEA 5:11

Israel cu shedam nak gah ci. Aini naw amät ah ka tu k’cang ah a khaw cu chah ci. A i ah kyasei ci ung ani naw ani am kä pe hning khai ah om nak ah hteit ne m’hteihtang nak cu k’thäh ci.

ISAIAH 40:24

Ngami cu geit thai, pya thai ciah geit awn täng ci gui. Bawipa naw kho akhi law sak ung ngami cu chawng u sei, kou ah mäih ah zon gui ci.

JOB 18:16

Ani ah apya gui la ang ban gui cu ng’yai ne chawng ci gui.

ATÜNNAK 41:23

Cun kawn ah khokhi aa sei pim ne ng’shi ciah htang vui chih cu lut lawk ci.

THULÄÄN NAK 32:25

Lam ng’kiung ung ng’tuk nak naw sih nak law püi khai, Kyih vai gui naw im kyong ung shudeng gui khai. Pami nong, hnumi nong gui sik khai gui, m’düm gui khai. Hmaw hta gui la a ghi ng’vai ci gui phi sik khai.