HOSEA 9:15 - Cho Bible Common Language 2016

¹⁵ Bawipa naw pyen ci, “Ngami naw akshe ami bi nak avan cu Kikal ung ng’tün ci, Acu ah tün ne kei naw ngami cu ka thüi na gui ci. Ngami naw shetkat nak ami bi ah phäh ah kyak ci. Kei naw ka khaw ungka naw ka k’täm gui khai, kei naw kä ka m’hni ba gui khai. Ami ng’vai gui ami van naw na hnungtuk püi ci gui.

HOSEA 9:15 Referans Kwoze

HOSEA 12:11

Cun ung phi Kilead ung a gup khawihnah ci gui, Cun ah khawihnah ci gui cu sik khai gui. Kilead ung vantang gui awn khawihnah ne bik ci gui, A cun ung sonkyang gui cu khongpyäu ung lung pum ah kya lawk khai gui.”

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

AMOS 5:5

Beersheba khawihnah vai ah kä nami hteh vai, Bethela ung kei nami na hmuh vai ah kä nami tha nak vai, Bethela cu akholä ah kia lawk khai. Kikal ah kä nami hteh vai — ani ah chang gui cu omktu ah ng’yiin khai gui.”

1 SAMUEL 7:16

Akum tä sei Bethela, Gilgal la Mizpah gui cu m’hleh ci, cun ah hmun gui ung ng’cuh can nak avan cu dim sak ci.

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

AMOS 5:27

Kei naw omktu khaw, Damaskas ah hnun täng khaw ung ka ning hteh püi gui yah ung” cine m’gäi ciah Khanpughi ming nak ciah Bawipa naw pyen ci.

AMOS 4:4

Uktu BAWIPA naw, “Israel chang gui, Bethela khaw theingciim ciah hmun ah hteit ne, shetkat nak bi vä! Kikal ah hteit ne shetkat nak bi pi k’hteh vä! Ma ne hteit ne khawihnah nak vai ah seime cu a ngawi tä sei law püi vä, a hnüüp thum päng ung nami bum gha bum ät cu law püi vä.

HOSEA 9:17

Kei naw abii ka bi ah Khanpughi naw a chang gui cu hnungtuk gui khai. A i ah kyasei ci ung ngami naw kä ami ngaih ah phäh ah kyak ci. Ngami cu changpakhui gui ah ng’lung ah ng’vaak shüi ci gui ah kyak khai gui.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

HOSEA 4:9

Nangmi phi chang gui ah mäih ah m’kyuk nak ung nami yaica khai. Kei naw ning m’kyuk gui ne kat nak nami bi nami thung vai ah ka ning ci gui khai.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

HOSEA 1:9

Bawipa naw Hosea pyen nak ci, “Aming cu kei ah kä chang — ciah sui ä, a i ah kyasei ci ung Israel chang gui cu kei ah kä chang gui, kei cu ngami ah kä Khanpughi nei” cik ci.

HOSEA 1:6

Komer cu ak hnih nak ah hta ba ci-cun cu hnumi hta ah kyak ci. Bawipa naw Hosea a pyen nak cu, “Ang ming cu ‘kä m’hni’ ah sui ä, A i ah kyasei ci ung kei naw Israel chang gui ka m’hni nak cu kä ka m’dang law ba khai, kä ka m’geinsei gui khai.

EZEKIEL 23:18

Ani cu Chang hli ah ng’ung ah kä suisa ne om ci, Chang nü naw ani cu p awm zau ciah hmat ci. Kei cu ani naw apai naw ana shemshai ah mäih ah na m’shemshai ci.

EZEKIEL 22:27

Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.

JEREMIAH 11:15

Bawipa naw pyen ci, “Kei naw ka m’hni ah chang gui naw akshekha cu bik ci gui nei. Kei ah Taigüim ung ngami ami Om nak hning vai ngami ung a i om khai aw? Ngami naw shaitak nak la seime awn khawihnah douthak nak awn leigai cu shung shet hlawt vai ah ngai u ne ang? A cun naw zeikia sak gui khai ang?

JEREMIAH 5:5

Kei naw huham mah ciah chang gui ah a i ak thäh, ami Bawipa naw a i ami bi vai angyak hlü cu, akcang ah hmat khai gui.” Cun ung phi ngami ami avan naw Bawipa ah huham cu hnungtuk püi u ne, ani ah ng’thu ngaih vai cu mak ci gui.

JEREMIAH 3:8

Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,

SAM 78:60

Ani naw Shilon ah a phung cu nawng shüt ci, cun cu a om nak püi gui te ah im ah kyak ci.

JOSHUA 10:43

Cun kawn ah Joshua la a gakap gui cu Kilkal phung ah law ba ci gui.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

LAMKTU 5:21

Ang düihpüi gui cu khankho chang ah ng’thu ngai u ne, ai khawn htük ung Taigüim ah hteit ne m’thei thang ci gui. Taigü tung la apaw gui ni, kawngsi gui ni ng’ge nak vai cine Zudah ng’vai gui cu khü gui ci gui. Cun kawn ah gakap gui tüi gui ne, ang düihpüi gui cu khü sak gui ci gui.

JEREMIAH 12:8

Kei ah ka ghü ah chang gui naw na hnu na ne na ng’hlah tak ci gui nei; khopya ah om ciah kawng ah mäih ah kei cu na m’ngawng ci gui, cun ah kyasei kei naw ka thüi na gui ci.

HOSEA 12:2

Bawipa naw Judah chang gui cu hnungtuk ne k’bün phei gui ci, Ani naw Israel gui cun phi ami hnün thawh ah ciah m’kyuk gui khai. Ngami naw ami bi lawh ah phäh ah ani naw pe gui khai.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.