HOSEA 9:12 - Cho Bible Common Language 2016

¹² Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

HOSEA 9:12 Referans Kwoze

HOSEA 7:13

“Ngami cu ng’yiin ci gui. Kei cu na hteh ta u ne na hnungtuk püi ci gui. Ngami cu m’di gui vai. Kei naw ka hun gui hlük ci, cun ung phi ngami naw kei ami na khawihnah cu chei ci.

HOSEA 9:16

Israel chang gui cu a pya chawng sei kä m’thein ciah a ghing ah mäih ah kyak ci gui. Ngami cu ami hta nau kä om khai, A om ung phi ngami naw ami m’hni ah ami hta nau guu cu kei naw ka ngawn gui khai.”

THULÄÄN NAK 32:25

Lam ng’kiung ung ng’tuk nak naw sih nak law püi khai, Kyih vai gui naw im kyong ung shudeng gui khai. Pami nong, hnumi nong gui sik khai gui, m’düm gui khai. Hmaw hta gui la a ghi ng’vai ci gui phi sik khai.

THULÄÄN NAK 31:17

Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.

HOSEA 9:13

Bawipa aw ami hta nau gui yäi gui u ne, ami ngawn gui cu keinaw ka hmu gui hning ci nei.

NG’ÄI KYAH 2:20

Teng ä, Bawipa, a i ah kyasei shin ah mäih ah na na m’kyuk gui ang? Hnumi gui naw ami m’hni gui ah ami hta gui ah pumsa gui cu ei ci gui nei. Taigü la prophet gui cu taigü im mät ung ngawn gui ci gui nei.

JEREMIAH 15:7

A gawnu päng kho avan ung kei naw nangmi cu ko ah mäih ah khokhi ung ka ning ghawt gui khai. Ka chang gui, kei naw ka ning m’di gui khai, Nami htanau gui cu kei naw ka ngawn gui khai, a i ah kyasei ci ung nangmi naw akshe ah nami om cu kä nami ng’düm sak ci.

JOB 27:14

Ngami ung ami hta akda om khai, cun ung phi ng’tuk nak ung ami van ngawn gui khai gui. Ami hta nau gui ung ami ng’büh nak vai ami ei vai kä om khai.

2 GHANGPUGHANG GUI 17:23

cun cu ak hnu ah Bawipa naw ama ungka naw ak täm gui güt acun ah bik khai ah a changshäm gui la a prophet gui ung ani naw thukbäi a pek gui pyi ah kyak ci. Cun ah kyasei Israel chang gui cu omktu ah kyak khai gui ah Assiria ah ami hteh püi gui ah kyak ci, acu ah tu ä güt om tuk ci gui.

2 GHANGPUGHANG GUI 17:18

Bawipa cu Israel gui ah khan ah m’lungshe neta ama ungka naw maih sak gui ci, Judah uknak kho bäng k’pawih nak ci.

1 SAMUEL 16:14

Bawipa ah mümcha naw Saul cu htehtak ci, Bawipa naw mümcha she cu ani shekdam nak khai ah tüi ci.

SUKI GUI 4:16

Barak naw yatha gui la gakap gui cu khuihei gui ah om nak Harosheth ung khüt ne gawt gui ci, Sisera ah gakap avan ngawn gui ci gui, chang tumat phi kä k’pawih ci.

THULÄÄN NAK 28:32

Na hta pami gui, na hta hnumi gui cu nang naw na teng gui ge ah changshäm ah kyak khai gui ah a khaw hei chang gui am pe gui khai gui. A hnüüp tä sei nang naw namik phüi ne na hta gui ah law nak ba vai täng ah a kholä na teng khai.

KHEI NAK 26:65

Bawipa naw chang gui ami van bungpuk ah sik khai gui a ciah kyasei, Jephunneh ah hta Kaleb la Nun ah hta Joshua bäng k’pawih ba ci goi, ami van si yawp ci gui.

JEREMIAH 6:8

Jerusalem chang gui aw, shih ah genbai nak gui cu nangmi ah phäh ah m’kyihm’hting nak ah kya sä, kä cun ung Kei naw ka ning nawng gui ling khai; Nami mang gaw cu a u naw kä ghin om nak hlawt ah khong’gau ah ka lat khai.

MALAKHI 2:12

Acun ah bik ci gui cu Israel pakhui ungka Khanpughi naw heng gui sä! Mi pakhui naw hlüngtai ciah Bawipa am pek vai ah ami law püi nak ung phi kä ng’caw tuba sak gui khai nei.

KHEI NAK 14:34

Nangmi naw nami katnak ah a mawngma gui cu, khokum phlikip ung nami yaica nak khai. Khokum ät cu nangmi naw khaw nami däät nak ung ng’pyi ciah hnüüp phlikip ungka hnüüp ät ci awn ng’müi ci. Cun ung nangmi naw kei naw ka ning hnungtuk püi gui ah mawng cu nami hmat khai.

THULÄÄN NAK 28:18

Bawipa naw hta nau api, geit kaw ak ghawi, sei la htome api ci ning pe gui ne ning plah taam gui khai.

NG’ÄI KYAH 2:22

Nang naw ka ga gui cu aktung ah kyihkyawk vai ah avan ung nak koi khai gui ah na khü gui ci. Cun ah nang ah na m’lungshe hnüüp ung a u phi kä phiawng hlawt khai nei. Ngami naw ka hta nau gui cu ngawn gui ci gui, Cun gui cu kei naw m’tai ne ka m’hni gui ah kyak ci.