HOSEA 8:9 - Cho Bible Common Language 2016

⁹ Ng’sela ah mäih ah ami m’lung ling ci. Israel chang gui cu ami mät ah lam ung hteit ci gui. Ngami naw Assiria ah hteit ne ami m’htei gui vai ah ng’shui ci gui. Ngami shungvong gui khai ah ahei pakhui gui cu ngui pe ne ghüh ci gui.

HOSEA 8:9 Referans Kwoze

JEREMIAH 2:24

Khonggau kho ah ng’güüt ne lut ci. Ani ak’cih yah ung a u naw m’dim hlawt khai ang? Ani ng’ya hlük ciah akhla cu amät naw amät kä yaica sak ciah kyak ci nei; ani cu ak cih yah ung ak phlüt ah ng’ghui khai ah kyak ci nei.

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

2 GHANGPUGHANG GUI 15:19

Tiklath Pileser, Assiria uktu naw Israel cu tu lawk ci, Menahem naw ani ah k’püi nak a gah vai la Menahem ah huham naw khaw avan a uk vai ah ngui phia thumkip lei phli kilogram cu pek ci.

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

HOSEA 2:10

Kei naw ani cu am hni gui ah ma ah ak plui ah ka om sak khai. Kei ah ka huham ungka a u naw phi kä hun ba gui hlawt khai.

ISAIAH 30:6

Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.

ISAIAH 30:2

Ngami cu kei kä na ng’shikca ah Egypt khaw ah h teit ne ng’hui ng’pa ci gui. Ngami cu Egypt naw ashungvong gui vai m’hni ci gui, cun ah kya ne Egypt Ghangpughang ung ami ngaih u nak ap ci gui.

HOSEA 12:2

Bawipa naw Judah chang gui cu hnungtuk ne k’bün phei gui ci, Ani naw Israel gui cun phi ami hnün thawh ah ciah m’kyuk gui khai. Ngami naw ami bi lawh ah phäh ah ani naw pe gui khai.