HOSEA 8:8 - Cho Bible Common Language 2016

⁸ Israel cun phi ahei pakhui awn täng ci. K’am payak ciah mäih ah akholä awn täng ci.

HOSEA 8:8 Referans Kwoze

JEREMIAH 22:28

Kei naw ka pyen ci, “Ghangpughang Jehoiachin cu hlüng payak sei ami ghawh a u naw phi kä a ng’yak hlü ah mäih ah kya ne ang? Cun ah kyasei ani la a hta nau gui cu ami mawng ama a i phi kä ami hmat ah om k’tu khaw ah ami hteh püi gui ah kä kya ne ang?

JEREMIAH 51:34

Babilonia ghangpughang naw Jerusalem cu tu pit ne ei ci. Ani naw mang im cu hlüng ah mäih ah ghawng sak ne; k’phyu ng’ghaw ah mäih ah m’zawih ci. Ani naw ang zak hlü gui cu la neta, k’pawih ci gui cu ghawt ci.

ROMAN 9:22

Khanpughi ah bi cu a shin ah mäih bä ah kyak ci. Khanpughi naw am lung k’she nak cu ng’dang sak ne, a hlüngtai nak cu ang thang vai ah ng’ya hlük ci. Cun ung phi am lung k’she nak ung di maih ci gui ah khan ah ang htei ah hnimgein nak om ci.

EZEKIEL 36:3

“Cun kawn ah ng’cängbang neta, kei, uktu Bawipa naw ka pyen cu ng’shäu ä. Apeileng yung ah om ciah pakhui gui naw tu ne khäm ne, Israel khomhtung gui cu ami gut tep sang ung, ngami ami van naw Israel cu shedam nak ci gui.

NG’ÄI KYAH 2:16

Nami ga gui ami van naw ami ning thüi nak gui awn, ning päipih gui ne, ning kyim sak gui ci gui, ngami naw ami m’nei htui ne, ami hna htun neta, “Keimi naw kami m’di khai nei” cik ci gui. Shin cu kei naw kami k’äih nak ah kho hnüüp nei!”

NG’ÄI KYAH 2:5

Ga ah mäih ah Bawipa naw Lsrael cu m’di ci nei, Ani naw acun ah vongpang la mang im cu dishum sei nawng shüt ci. Ani naw Judah chang gui ah khan ah kä ng’pyi hlawt ciah ayä nak law püi ci.

NG’ÄI KYAH 2:2

Bawipa naw Judah khaw ah pigaw päng cu amgein kaa ah m’di gui ci.

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

JEREMIAH 48:38

Moab gui avan ah im m’kiung khan la chang gui ah ng’bum nak päng ung ahei a i kä om ci, thüikyah nak bäng om ci, a i ah kyasei ci ung kei naw Moab cu a u naw kä a ng’yak hlü ah ka m’shet pyi ci nei.

ISAIAH 30:14

Nangmi cu m’dek k’am ah mäih ah nami payak khai, akpi m’hnui ah kya sei, meikcak taih nak vai, käcung tui hlüngung ka tui soh nak vai phi kä om khai ah k’pihmei ciah mäih ah nami kyak kiai.

2 GHANGPUGHANG GUI 18:11

Assiria uktubawi naw Israel gui cu Assiria ah pha ne hteh püi gui ne, amshah cu Halah mang gaw ung, amshah cu kozan khopäng Habor tuinu pei ung, amshah cu Media ah mang gaw gui ung tha gui ci.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

NG’ÄI KYAH 5:2

Kami khawh gui cu chang hei gui ah kut ung om ci nei, Khohei chang gui cu kami im ung om ci gui nei.

NG’ÄI KYAH 4:2

Zion ung pami nong gui cu keimi ah khan ung ghui ah mäih ah phuma ci gui nei. Cun ung phi tuihbäi ngami cu van naw amang ah m’dek am ah mäih ah amikiak nak gui nei.