HOSEA 8:5 - Cho Bible Common Language 2016

⁵ Samaria mang gaw ung chang gui naw ami khawihnah ah ghui vantang gup cu kei naw ka thüi nak ci. Ngami ah khan ah kei cu ka m’lungshe aih ci, Ngami naw agup ami khawihnah nak cu a i khäta nawng khai gui ang?

HOSEA 8:5 Referans Kwoze

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

JEREMIAH 13:27

Ani naw a thüi nak gui nangmi naw nami bi cu ning hmu gui ci nangmi cu a im pei ah ami chu ng’ya hlüt ciah pami ah mäih, ng’sein ca naw seng aläk ah mäih ah khogui ma la lolai ung khogam khanpughi gui nami läk cu ani naw ning hmu gui ci. Jerusalem chang gui, nami ng’ziin ci nei, a i yah ung nami theingthap lawk khai ang?

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

LAMKTU 7:41

Cun kawn ah ami mät naw, seipat hta ah gup pyang u neh, acun am vawih peh taigü neh yeikyai ci gui.

HOSEA 8:6

Israel gui m’si shep ci gui naw agup gui pyang ci gui. Cun ung phi cun cu khanpughi ah kä kyak ci. Samaria ung ami khawihnah ah ghui vantang cu akhui ak pi ah kyak khai nei.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

SAM 19:13

Hmat lang ne katnak ung ka, na gung ä; Cun gui naw kä na uk-en u sä. Cun kawn ah kei ka kümbe khai nei, sheka ne cheishoh nak ung na m’hlawt ä.

JEREMIAH 48:13

Israel chang gui naw ami ngaih u ah khanpughi Bethela cu kä ami yum ngak ba ah mäih ah, Moab chang gui cu ami khanpughi chemosh ah khan ah ami yum ngak nak kä om ba khai nei.

HOSEA 13:2

Ngami naw khawihnah vai ah ngui agup gui cu pyang u ne, kat nak cu k’pang lä ci gui — ngui agup gui cu hnicim chang naw am lung awn ngaih-tüh ne akut awn apyan ah kyak ci. Cun kawn ah ngami naw pyen u ne, “Shin gui am khawihnah nak douthak vä. Shin ah agup gui a i hawkcha ah chang naw m’hnam gui khai aw? Vantang ah müi gup gui!

AMOS 8:14

Samaria ah agup gui awn ng’phyun ciah chang gui, ‘Dan khanpughi ung, Beersheba khanpughi ung’ cik ciah chang gui cu — kiuk khai gui, kä tho ba khai gui.”

2 SHONTÄP NAK 13:8

Tuhbäi nangmi naw, Bawipa naw David htangshon am a pek ah bawimang huham cu nami küknet ng’tuk püi ci. Nang ung gakap a khak om ci, nami khanpughi Jeroboam naw a pyan ah seipat hta ah gup phi om ci.

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

MIKHAH 1:7

Amiktung nak ah agup avan khuui khai ah sheiuh yawp vai, m’gu plet ne ami pum im ah ami pektak phung mei awn m’khih vai. Agup gui avan cu a u naw kä a hmuh hlü vai ah kyak khai. Samaria naw shin gui cu am guk plet awn a gah ah kyak ci, tuhbäi a ga gui naw hteh püi ne a khawhei ah m’guk plet pum im ung m’hluh ci gui.”