HOSEA 8:3 - Cho Bible Common Language 2016

³ Akni cu ngami naw hnungtuk ci gui nei, Cun ah kyasei ngami cu ga gui naw k’täm gui ci gui.

HOSEA 8:3 Referans Kwoze

NG’ÄI KYAH 3:66

Shui yap gui ne khomdek ungka ghut hlit gui ä!”

1 TIMOTHI 5:12

Cun ah kyasei ngami cu, ak htük ung Bawipa ah ma ah ami shaitaak cu m’cheishoh ci gui ah kyak ci.

AMOS 1:11

Bawipa naw, “Edom chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami phäi nau Israel gui cu yäi gui ci gui. Israel gui cu Esau ah nau Jakob ah hta ng’shon ah kyak ci gui, ngami cu Edomit gui ah pupa gui ah kyak ci. Israel gui naw m’gein nak kä m’dang ci gui. Ami m’lungshe nak cu kä ng’chüt ci, kä sih sak ci gui.

NG’ÄI KYAH 4:19

Hmu ah mä yaangkhai pi ne khomik ungka naw m’tawn ci gui, ngami naw na gawt gui ci gui. Ngami naw khogui gui ung na mi neh na läk gui ci gui, ngami naw cäicat vai ah khong’kiang ah na la gui ci gui.

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

TAIGÜTHUM 26:36

“Kei naw omktu khaw ah nami om tuk ci gui cu ang htei ah ka ning kyihkyawk sak gui khai. Khaw khi sei sing hnah a hnün hngaw ung nami dawng khai, nami pei ah ga kä om sei phi nami ng’täng khai.

HOSEA 8:2

Cun ung phi ngami naw kei cu ami na Khanpughi ah na khü u na, Ngami cu kei ah ka chang gui ah pyen u ne, kei cu na hmat ci gui.

HOSEA 8:4

“Ka chang gui naw ghangpughang cu ghü ci gui, Cun ung phi cun ah khan ah ami mät ah ng’yak hlü ah bik ci gui. Ngami naw ami ng’vai gui cu m’düih ci gui, Cun ung phi kei ah yum nak kä om ci. Ngami naw ami ngui, ami ghui la ne agup gui pyang ci gui — cun cu ami mät ah di nak vai ah kyak ci.