HOSEA 8:14 - Cho Bible Common Language 2016

¹⁴ “Israel chang gui naw mang im gui co ci gui, cun ung phi ami mät tüi pyang gui cicu m’hnih ci gui. Judah chang gui naw vongpaang mang im co ci gui. Cun ung phi kei naw mei ka chah lawk khai, cun naw ami mang im gui la mang gaw gui cu ui yawp khai.”

HOSEA 8:14 Referans Kwoze

THULÄÄN NAK 32:18

Ami Khanpughi, m’gäi ciah ami hunbawi, ami ghin nak pe gui ci cu, Ngami naw m’hnih ci gui.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

AMOS 2:5

Cun ah kyasei kei naw Judah ah khan ah mei ka yuk chah khai, Jerusalem ah mang paang cu ka m’khih khai.”

HOSEA 13:6

Cun ung phi nangmi khaw k’ni ung nami luh law kawn ah nangmi cu phü ne ng’büh law u ne, chang ah ng’shei law u ne kei cu nami na m’hnih ci.

ISAIAH 17:10

Israel, nang ning guang ne, lung k’pou nu ah mäih ah kya ne ning shungvong ciah khanpughi cu na m’hnih ci nei. Cun nak vaisü ung a khohei chang gui ah khanpughi khawihnah nak vai ah sing ghing theing na geit ci nei.

AMOS 1:10

Cun ah kyasei kei naw Tire mang gaw paang ah khan ah mei yuk chah ne, amang paang cu ka m’khih khai.”

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

AMOS 1:14

Cun ah kyasei kei naw Rabbah mang gaw paang ah khan ah mei ka yuk chah khai, amang paang cu ka m’khih khai. Ng’tuk nak ah khaw hnüüp ung m’lau pyaan nak om khai, ami ng’tawh cu pui khokhi ah mäih ah ng’hmum khai.

AMOS 1:12

Cun ah kyasei kei naw Teman mang gaw khan ah mei yuk chah ne Bozrah mang paang cu ka m’khih khai.”

AMOS 1:4

Cun ah kyasei kei naw ghangpughang Hazela ah cawh ah mang im ah khan ah mei ka yuk chah khai. Ghangpughang Benhadad ah mang paang cu ka m’khih khai.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

JEREMIAH 23:27

Ami pupa gui naw kei na m’hnih u ne Baala täng ah ami ng’hlah ah mäih ah, ngami naw ami mang ami m’thein gui phäh ah ka chang gui naw kei na m’hnih khai gui ah ngai ci gui nei.

JEREMIAH 3:21

Khomhtung khan ung k’aw tumat ng’yak nei; cun cu Israel chang gui ah ami kyah la ami ng’pa nak kyak ci, a i ah kyasei ci ung ngami cu katnak ung ghing om ne, Bawipa ami khanpughi ami m’hnih ah phäh ah kyak ci.

JEREMIAH 2:32

Hnumi non gnaw a awi ah cümlung m’hnih man ne ang? Ceimah ci naw ng’chungla nak sui m’hnih man ne ang? Cun ung phi ka chang gui naw kä khei hlawt vai ah hnüüp gui ung kei na m’hnih ci gui nei.

ISAIAH 43:21

Ngami cu kei naw ka mät ah phäh ah ka pyan ah chang gui ah kyak ci, Ngami naw kei ami na m’tam nak ng’äi m’cu khai gui!”

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

ISAIAH 42:13

Bawipa cu gaktu ah mäih ah ng’tuk bik khai ah lut lawk ci nei; Ani cu ng’tuk vai ah pawng ge ne ng’tawt sheng ci nei. Ani cu ng’tuk bi vai ah m’lau ne ng’hawh ci nei; Ani naw a ga gui hnung’tuk püi ne, a huham m’dang ci nei. Achang gui Am hteihtang vai ah Shaitak ci.

ISAIAH 29:23

Kei naw ka ning pek gui ah a hmaw gui cu, nangmi naw nami hmuh law ung, kei cu Israel gui ah theingeim ciah khanpughi ah ka kyak cu nami hmat khai nei. Nangmi naw na m’hlüng m’tai u ne, nami na kyih aa khai nei.

SAM 106:21

M’gäi ne abi nak awn Egypt kho ah ka hun gui ciah Khanpughi cu m’hnih ci gui.

2 SHONTÄP NAK 27:4

Judah khomhtung gui ung mang gaw gui co ne khobung gui ung vongpang gui la tänghän gui phi co ci.

2 SHONTÄP NAK 26:10

Ani naw khaw ng’pyä ung khäng ciah tänghän gui cu co ne, tui k’büm gui phi akda co ci, a i ah kyasei ci ung, akiangtäng khaw gui la khawdo ung ani ah sei vuhchah gui akda om ci. Ani cu lolai bi hlük ciah kya ne, chang gui naw khogui yung ah sapyit gui ami geit vai, anglei ani nak ung ami geit kaw vai ah pyen ah gui ci.

1 GHANGPUGHANG GUI 16:31

Ani cu ghangpughang Jeroboam ah mäih ah katnak abi awn kä ng’büh ne; ang ghit ah hteit ne, Sidon ghangpughang Ethbaala ah hta Jezebela cu chu na ne Baala khawihnah ci.

1 GHANGPUGHANG GUI 12:31

Jeroboam naw phi khomhtung-lai gui ung khawihnah nak ah hmun gui co ne, Levi pakhui ungka ah kä kyak ciah kyongkhui gui ungka taigü gui cu ghü gui ci.

2 GHANGPUGHANG GUI 18:13

Ghangpughang Hezekiah ah uknak a kum gha lei phli nak ung, Assiria uktubawi Sennacherib naw Judah ung khäng ciah mang gaw gui cu tu ne khäm ci.

SAM 95:6

Law vä, ama ah kawp ne mi khawihnah khai; Na tüisho gui ciah Bawipa ah ma ah mi m’khuukdong khai nei!

ISAIAH 9:9

Israel chang gui avan, Samaria mang gaw ung om ciah chang nü naw ani naw shin ah abi cu hmat ci gui nei. Tuhbäi ngami cu chang ah ng’shei ne m’lung m’dän ci gui nei.

ISAIAH 9:10

Ngami naw, “Uk im gui cu pyawn yawp ci nei, cun ung phi keimi naw lung im gui awn kami m’thong ba khai nei. Sing düt ng’laung gui cu chukpit yawp nei, cun ung phi keimi naw m’shing ak’ni ng’laung awn kami m’thawng khai nei.”

JEREMIAH 5:17

Ngami naw nami om ng’awi, nami buh ci ei khai gui; nami htapami gui hta hnumi gui cu ngawn khai gui. Ngami naw nami sei mak, htome mak gui cu ngawn ne ei khai gui, nami sapyit gui la thei gui cu m’di khai gui. Nangmi naw nami ngaih gep ah mang gaw khäng gui cu ami gakap gui naw m’di khai gui.

EZEKIEL 23:35

Tuhbäi shin cu uktu Bawipa naw a pyen nei: Nangmi naw kei na m’hnih ne nami na ng’hlah tak ah phäh ah, nami htuk htik la nami pawmzau ah phäh ah nami yaica khai.” Ng’pai nam goi Ani nik hnih ah khan ah khanpughi ah ng’thumcha nak

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.