HOSEA 8:13 - Cho Bible Common Language 2016

¹³ Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

HOSEA 8:13 Referans Kwoze

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 9:6

Leigai agawk law ung chang gui cu püi piang lawk khai gui. Egypt chang gui naw k’bum ba gui khai gui — bum gui u ne memphis ung k’phuh gui khai gui. Ami ngui m’küm gui la ami im gui ah om nak man ah hmun cu m’ghaw gui la ng’hlingcam naw uk khai.

AMOS 8:7

Bawipa Israel gui ah Khanpughi naw, ng’taam ne a pyen cu, “Ngami naw akshe ami b i gui cu kei naw kä ka m’hnih phung khai nei.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.

HOSEA 11:5

“Ngami cu kei ah ami ng’hlah law ba vai ah mak ci gui. Cun ah kyasei ngami cu Egypt khaw ah ng’hlat ba khai gui. Assiria naw uk gui khai.

HOSEA 5:6

Ngami naw ami htome gui la ami vantang gui la u ne, Bawipa cu khawihnah nak ci gui. Cun ung phi cun naw ngami kä ni sak gui ci. Ani naw ahteh tak gui ah kia ne ngami naw kä hmu hlawt ci gui.

JEREMIAH 14:10

Bawipa naw shin ah chang gui ah amawng pyen ci, “Ngami cu kei ungka dawng vai m’hni ci gui, ami mät naw ami mät kä m’htei hlawt khai gui. Cun ah kyasei kei naw ngami kä ka yei na gui ci. Kei naw ngami ah cheishoh nak cu shüm ba ne, ami katnak ah phäh ah ka m’kyuk gui khai.”

ISAIAH 1:11

Ani naw, “Nangmi naw k’pang ne kei am nami douthak al khawihnah nak a vim cu kei naw ka ng’ya hlük ciah nami ngai ne ma? M’khih ne nami khawihuah nak ah htome la nami setme akni pi gui ah thau vata, bä pi ci kei ung om ci nei. Vantang gui, htome gui la me ah si gui cu kei naw kabawung na pyi cinei.

THULÄÄN NAK 28:68

Bawipa naw htinpaw awn Egypt khaw ah ning tüi ba gui khai. Ani naw acu ah kä nami hteit ba khai a ci pang ung phi ning tüi ba gui khai. A cu ah nami mät hta nau u ne, changshäm ah ami ning hleih gui vai ah nami ng’yoi khai. Cun ung phi a u naw kä ning hleih hlü gui khai.”

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

1 KORIN 11:29

Bawipa ah pumsa ah mawng kä hmat men netah, m’htut cu ei ne, khap ung awk ciah chang cu, amät ah khan ah m’khoichaa nak a gawk law nak vai ah ei awk ciah kyak ci.

1 KORIN 11:20

Nangmi ng’bum ne nami ng’hmuh law cu, Bawipa ah mü ei nami ei vai ah hmawk ah kä kyak ci.

HOSEA 12:11

Cun ung phi Kilead ung a gup khawihnah ci gui, Cun ah khawihnah ci gui cu sik khai gui. Kilead ung vantang gui awn khawihnah ne bik ci gui, A cun ung sonkyang gui cu khongpyäu ung lung pum ah kya lawk khai gui.”

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

HOSEA 4:9

Nangmi phi chang gui ah mäih ah m’kyuk nak ung nami yaica khai. Kei naw ning m’kyuk gui ne kat nak nami bi nami thung vai ah ka ning ci gui khai.

NG'THU K'THUUK~ 21:27

Chang shekha gui naw khawihnah nak ami dou thak cu, Bawipa naw thüi nak ci. Aktung pi ah akshe ah m’lung ngaih cu thüi nak ci.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

PHYAWN NAK 32:34

Tuhbäi hteit ä, kei naw ka ning m’cäi nak ah hmun ung chang gui cu khah püi gui ä. Ka khanchang gui naw lam ning m’shüm khai nei. Cun ung phi shin ah chang gui ami kat ah phäh ah ka m’kyuk nak gui vai ah a khin cu gawk lawk ci nei” cik ci.

PHYAWN NAK 20:3

Kei ah kawn ah a hei khanpughi kä nami khawihnah vai.

LUKA 12:2

Küp phung ng’hmawng khai, m’yih phung ng’phleh khai nei.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

EZEKIEL 29:16

Israel gui cu ngami naw ami m’htei gui vai ah ngami kä ngaih u ba gui khai gui. Egypt gui ah ami manwgma naw ngami ung düshawn cu a i hlawk ah hma ci, cicu Israel gui am hmat sak gui ci. Cun kawn ah Israel gui naw kei cu uktu Bawipa ah na hmat khai gui.”

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

HOSEA 6:6

Kei naw ng’täi ciah anmi m’hni nak cu ka ng’ya hlük ci. Seime awn nami khawihnah nak ah kä kyak ci. Kei ah ka chang gui naw m’khih ne douthak ah dam ah ami na hmuhmat vai cu kei naw ka m’hni ci.

AMOS 3:2

“M’dek khan pakhui avan ungka nang tumat bäng cu kei naw ka ning hmat, ka ning m’htei ah kyak ci. Cun cu nam katnak kyih aih vai ah kyak sak ci la ngami ah hmawk ah kei naw ka ning m’kyuk gui vai ah mawng ah kyak ci.”