HOSEA 8:12 - Cho Bible Common Language 2016

¹² Kei naw chang gui ah phäh ah kä kheitai vai ahm’theithang nak cu ka guk ci. Cun ung phi ngami naw akhaw hei, akahnga cine hnungtuk ci gui.

HOSEA 8:12 Referans Kwoze

ROMAN 7:12

Cun ah kya sei thukhän cu theing cim ci, thukhän cu ng’cim ne, ng’düng ne, nik ci.

ROMAN 3:1

Cun ah a kyak ung Jew chang gui cu khui hei chang gui ah mä bä tu ba u ne ang! Ngami naw vun-ah nak ami bi cu, a phuma mä om ne ang!

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

EZEKIEL 20:11

Kei naw ka thumkhän gui pe gui ne, ka thukhän gui ka m’thei gui ci, acun gui läk ciah chang phung cu ghin nak ung hteh püi ci.

ISAIAH 30:9

Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.

NG'THU K'THUUK~ 22:20

Kei naw nangmi ah phäh ah ng’thu thuuk thumkip ka guk ci nei. A cun ung hmuhmat nak la nik ciah m’cumcä nak om ci.

SAM 119:18

Ka mik na m’dei sak ä, cun ung na thukhän ung cäicat vai düng nak gui cu kei naw ka hmuk khai nei.

SAM 50:17

Ka ning m’cäi phi kä na ng’yak ci, ka thu phi na hnu nak ci.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,