HOSEA 8:10 - Cho Bible Common Language 2016

¹⁰ Cun ung phi tuhbäi kei naw hteit ne k’bum gui ne ka m’kyuk gui khai. Kä shou pha sei ngami cu Assiria uktu bawi ah shedam nak gah lawk khai gui. Ngami cu ng’hleei lawk khai gui.

HOSEA 8:10 Referans Kwoze

EZEKIEL 16:37

Shin gui avan ah phäh ah, a cau na m’hni gui man ami van atäng ah kei naw ka law püi gui khai-cun gui cu nang ah na m’hni gui la na gen gui amshah ah kyak khai, Ngami naw koi ne ning veing khai gui ah kei naw ka law püi gui khai, Cun kawn ah kei naw na sui sak ning suh sak ne, na plui ah ami ning vaih phäh ah ami ning vai ah ka bik khai.

HOSEA 10:10

Shin ah kat nak bik ciah chang gui cu kei naw tu gui ne, ka m’kyuk gui khai. Chang pakhui gui cu ng’dawn law u ne, ngami cu hnungtuk püi tu gui khai gui. Ngami ami kat nak ada ah phäh ah m’kyuk nak gah khai gui.

EZEKIEL 26:7

Uktu Bawipa naw pyen cu, “Kei naw avan ung ak dämduh pikbäih ah ghangpughang ka law püi khai — cun cu Babilonia ghangpughang Nebukhadnezzar — ani naw Tire cu tuk khai. Ani cu a siiptäng ah ka gakap akdäm awn lawk khai, ng’se gui, yatha gui la ng’se cuum ci gui.

ISAIAH 10:8

Ani naw khähghah ne, “Kei ah ka gabawi päng cu ghangpughang ah kyak ci nei!

HAKKAI 2:6

“Khomdek la khakho, tuinu la khawkawng, kä ka thüng sak pha hta ng’lung ung,

DANIEL 2:37

Ka ghangpughang, nang cu ghangpughang gui avan ung na dämduh pikbäih ci nei. Khanpughi naw nang cu Uktubawi ah nin pyang ci, huham, m’gäi nak la m’tamkhah nak ning pek ci.

EZEKIEL 22:20

kä shon pha ah nguilung ung ngui, kyei, m’si, khee la m’si bawk gui cu shon nak ah meibum ung atäng ah tha ah mäih ah ka law püi gui khai. Mei nak nguilung ang phiüi sak ah mäih ah ka m’lungshe nak la ka nget nak naw ng’phiüi sak gui khai

JEREMIAH 42:2

kei cu na pyen nak ci gui, “Na bä ni, kami k’thäh cu na bi pe gui ä! Bawipa kami khanpughi ah keimi ah phäh ah na tai gü pe gui ä. Kami k’pawih ba ci avan ah phäh ah na k’taihü pe gui ä, Cau läi kami da man te ci; tuhbäi api hta kami k’pawih lawk ci, na hmuh ah mäih ah kyak ci.

ISAIAH 36:13

Cun ah bawi cu ng’düi law ne, Hebru ng’thu awn m’lau neta, “Ngai vä, Assirian ghangpughang naw a ning py en nak gui cu.

1 SHONTÄP NAK 5:26

Cun ah kyasei Khanpughi naw Assiria Uktubawi Pul (Tiklath Pileser) am ami khaw cu tuk sak ci. Ani naw Reuben, Kad, la ak kyang Manasseh pakhui gui cu k’täm gui neta, Habor, la Hara la Kozan Tuinu pei ah angtäi sei om sak gui ci.

2 GHANGPUGHANG GUI 17:3

Assiria uktubawi Shalamanese naw ani cu ng’tuk püi ci, Shalamanese cu shung neta akum tä sei ani am k’phlam pek ci.

2 GHANGPUGHANG GUI 14:26

Israel gui kyihkyawk vai ah ami yaica cu Bawipa naw hmuh gui ci; a u phi ngami m’htei gui khai kä om ci.

EZEKIEL 16:33

Pletbeng ciam ngui pek ci gui, cun ung phi nang naw na m’hni gui am letsawng mükhawh pe gui ne akhaw päng ungka law ne nang awn ami ih vai ah na bik ci.

EZEKIEL 23:5

Oho lah cu ka Chu ah kya pang, ne phi pawn zau Chang ah kya lä ci. Assiria ah ka am hni gui ah phäh ah akbe ah gäng tha ci.

2 GHANGPUGHANG GUI 17:4

Cun ung phi kum ät ung Hoshea naw Egypt ghangpughang So ah ng’shä tüi ne, ani naw abawm tu vai ah pyen neta Assiria am phlam kä pek ba ah om ci. Shalamanese naw cun cu hmat law neta Hoshea cu pha ne thawng ung chum ci.

ISAIAH 30:2

Ngami cu kei kä na ng’shikca ah Egypt khaw ah h teit ne ng’hui ng’pa ci gui. Ngami cu Egypt naw ashungvong gui vai m’hni ci gui, cun ah kya ne Egypt Ghangpughang ung ami ngaih u nak ap ci gui.

HOSEA 12:2

Bawipa naw Judah chang gui cu hnungtuk ne k’bün phei gui ci, Ani naw Israel gui cun phi ami hnün thawh ah ciah m’kyuk gui khai. Ngami naw ami bi lawh ah phäh ah ani naw pe gui khai.