HOSEA 7:7 - Cho Bible Common Language 2016

⁷ “Ami m’lungshe nak ng’ling law aih sei, ngami naw ami uktu gui cu, ngawn gui ci gui. Ami ghangpughang gui cu tumat kawn ah tumat ngawn ci gui. Cun ung phi a u naw phi m’hteihtang vai ah kei ah kä taigü lawk ci.”

HOSEA 7:7 Referans Kwoze

2 GHANGPUGHANG GUI 15:30

Judah ghangpughang Uzziah ah hta Jotham naw a uknak akum m’ku nak ung Elah ah hta Hoshea naw ghangpughang Pekah cu hnungtuk püi ne ngawn neta ghangpughang ah kya lawk ci.

2 GHANGPUGHANG GUI 15:25

Pekahiah ah gabawi, Remaliah ah hta Pekah naw, Kilead ungka chang hmakip awn hnungtuk nak bi ghawm ne, Samaria mang im kyong ah Pekahiah cu hnim neta, ghangpughang ah kya lawk ci.

2 GHANGPUGHANG GUI 15:14

Kadi ah hta Menahem cu Tirzah ah ka Samaria ah hteit neta Shallum cu hnim ci, cun kawn ah ani ah hnün ung ghangpughang ah kya lawk ci.

2 GHANGPUGHANG GUI 15:10

Jebesh ah hta Shallum naw Ghangpughang Zekhariah cu hnungtuk püi ne, Ibleam ung hnim neta, a hnün ung ghangpughang ah ngok ci.

HOSEA 8:4

“Ka chang gui naw ghangpughang cu ghü ci gui, Cun ung phi cun ah khan ah ami mät ah ng’yak hlü ah bik ci gui. Ngami naw ami ng’vai gui cu m’düih ci gui, Cun ung phi kei ah yum nak kä om ci. Ngami naw ami ngui, ami ghui la ne agup gui pyang ci gui — cun cu ami mät ah di nak vai ah kyak ci.

HOSEA 7:10

Israel chang gui ah chang ah ami ng’shei nak awn gami cu m’lau ne hnungtuk püi gui ci. Ngami ung shin gui nü kia law sei phi ngami cu ami Khanpughi Bawipa kei ah kä ng’hlat law ba ci gui.

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

ISAIAH 43:22

Bawipa naw pyen ci, “Israel gui, kei ah hmawk ah nami cümbawng ci nei, kei kä na nami na khawihnah ci nei.

ISAIAH 9:13

Israel chang gui cu kä ng’yu ba ci gui; m’gäi ciah Bawipa naw m’kyuk gui sei phi ngami cu ani ah kä law ba ci gui.

JOB 36:13

Khanpughi kaa ah om ci gui cu m’lungshe lä ci gui, m’kyuk nak ami khan law ung phi m’gein nak ami gah vai ah kä taigü ci gui.

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

HOSEA 5:15

“Kei naw ka chang gui cu ami kat nak awn ng’büh ne yaica u ne, law ne kei ami na shui law güt ung kei naw ka nawng gui khai. Ngami ami yaica law ung kei ami na shui vai ah k’tha na lawk khai gui nei.”

DANIEL 9:13

Moses ah thukhän ung om ciah m’kyuk nak gui avan cu nang naw na na pe gui ci. Cun ung phi tuhbäi güt ung, O Bawipa kami Khanpughi, kami hma nak ungka ng’hlat law ba ne, na düng nak läk ne ning yei nak vai ah kä kami tha nak ci nei.

EZEKIEL 22:30

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.

2 GHANGPUGHANG GUI 10:14

Jehu naw a chang gui k’bäi gui ne “Ak ghing ah pha gui vä!” cik ci. Ngami naw pha gui u sei, ani naw m’ghawng khui pei ah ngawn gui ci. Chang ami van cu phlikip lei goi lawk ci, tumat phi ami m’ghin ba kä om ci.

2 GHANGPUGHANG GUI 10:7

Jehu ah ca gah u neta, Samaria ung ng’vaihta gui naw ghangpughang Ahab ah htangshon chikip avan ngawn u ne, gang ung ami lu gui m’khäp u neta Jezreelaa ung Jehu am thak law ci gui.

2 GHANGPUGHANG GUI 9:33

Jehu naw ngami am, “Yuk cha law vä!” cik ci. Ngami naw yuk cha law u khäta, k’pang ung ni, ng’se gui ah khan ni ah asi ng’phyuh ci. Ani ah a pum ah khan ah Jehu naw ng’se gui la yatha awn kai na neta,

2 GHANGPUGHANG GUI 9:24

Jehu naw ali cu ak thagui avan awn ang bang ah koi ne kap sei, Joram ah akpaang ungka naw amsinkak ung ng’täih lawk ci, Joram cu a yatha kyong ung kyu ne sik ci.

1 GHANGPUGHANG GUI 16:18

Zimri naw mang gaw angkiak cu hmu neta mangim ah akyong lungung ah lut ne, mangim cu mei awn m’khih neta mei ung lutne sik ci.

1 GHANGPUGHANG GUI 16:22

Ak hnu ah Omri ng’ya ci gui cu näng ci gui; Tibni cu sik ci, Omri cu ghangpughang ah kya lawk ci.

1 GHANGPUGHANG GUI 15:28

Shin gui ah a kyak cu Judah ghangpughang Asa naw a uknak akum thum nak ung ah kyak ci. Cun ah kyasei Nadab kawn ah Barsha cu Israel ghangpughang ah kya lawk ci.

HOSEA 13:10

Nang naw ghangpughang la angvai hta gui cu nak thäh khai. Cun ung phi a i hawkcha ah ngami naw pakhui khaw cu hun hning khai gui aw?

MIKHAH 2:1

Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?

SAM 14:4

Bawipa naw, ng’shi gui ne, akshe bik ci gui ami van cu ang laam u ne ang? A i kä hmat uu ne ang?” Ngami cu ka chang gui gut tep ne om ci gui, Kei ah kä taigü phung ci gui.

ISAIAH 64:4

Nang ah mäih khanpughi cu a u naw kä ng’ya man ci, kä hmu man ci nei, ami ngaih u nak ani ung tha ci gui ah phäh ah shin ah mäih bik ci kä om man ci nei.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.