HOSEA 7:15 - Cho Bible Common Language 2016

¹⁵ Kei cu ngami law püi ba gui ne thagui be sak ciah kya pang ä sei phi kei na hnungtuk püi ci gui nei.

HOSEA 7:15 Referans Kwoze

NAHUM 1:9

Bawipa na ng’huut taap nak cu a i ang? Ani naw ning m’di gui khai nei. A u naw ani cu län ät kawn ah Kä k’taap hlawt khai nei.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

HEBRU 12:5

Khanpughi naw a hta ah ning k’hmoh gui ne, k’thamah nak pe ne a ning thu püi gui cu, nami m’hnih ei ci maa? Cun ah thu cu; “Ka hta aw, Bawipa naw a ning m’düng ung, Ngai ne na läk vai nei, A ning m’cäi ung kä na thüisei en vai nei,

2 KORIN 10:5

Keimi naw kä nik ciah ng’cuhcan nak gui; Khanpughi ah mawng hmuhmat nak gui shungshet ciah om she nak gui kami m’shet yawp ci nei. Chang ah ngaihtüh gui phung cu pha ne k’pang ne, Bawi Khrih cu kami läk sak ci nei.

ROMAN 1:21

Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

LAMKTU 4:25

na chang shäm, kami pughi David am Mumcha Theing awn nang thu cu; “A i ah kiaseih chang pakhui hei gui ami tung tu ang; A i ah kiaseih chang gui naw ak she m’yih neh ami pawng püi ang?

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

NG'THU K'THUUK~ 3:11

Ka hta, Bawipa naw a ning m’shung hlawi ung na läk vai, khän ne a ning m’cäi ah na hmat vai.

SAM 94:12

Bawipa, nang naw na m’shüm thein ah chang, na thumkhän na m’thei ah chang cu yeikyai nak om ci nei!

SAM 62:3

Nangmi naw a i güt chang tumat cu nami ng’tuk püi khai ang? Ani cu kiawi ciah k’pang ah mäih ah kyak ci nei.

SAM 2:1

A i ah kyasei changpakhui gui naw ng’tuk vai ami ng’bü ang? A i ah kyasei chang gui naw m’yihthuh ne ami bi ang?

JOB 5:17

Khanpughi naw am düng ah chang cu yeikyai nak om ci! Ani naw aning m’cäi law ung kä na thüi nak vai.

2 GHANGPUGHANG GUI 13:23

cun ung phi Bawipa naw ngami cu m’gein gui ne chihna gui ci. Kä dishum sak gui ci, cun ung phi m’htei gui ci, a cun cu Abraham, Isaak la Jakob ung a shaitak ah phäh ah kyak ci. Ani naw a chang gui cu kä m’hnih gui phung ci.

2 GHANGPUGHANG GUI 13:5

Siria gui ah kut ungka k’phyawn gui khai ah ami ng’vai cu Bawipa naw Israel gui am tüih gui ci. Cun ah kyasei Israel gui cu a cau ka ah mäih ah dimdeeih sei om ci gui.

SAM 140:2

Ngami cu angtäi sei akshe m’zih ne bik ci gui, angtäi sei ng’cuh can ng’vongshang ci gui.

HOSEA 13:9

“Israel chang gui aw, kei naw ka ning m’di gui khai. Cun ung a u naw ning bawm gui khai aw?