HOSEA 7:14 - Cho Bible Common Language 2016

¹⁴ Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

HOSEA 7:14 Referans Kwoze

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

JEREMIAH 3:10

Shing gui avan ah kawn ah Israel ah kä bekhüt ciah anau Jodah cu ng’she ne kei ah law ba ci, ani cu amlung kä theing ci, kei Bawipa naw ka pyen nei.”

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

ZEKHARIAH 7:5

Ani naw, “Mi khaw ung chang gui la taigü gui cu m’thein gui ä, shin ah khawkum chihkip ah kyong ung, a cha hma nak la a cha chih nak ung ei hlawi ne, thüikyap ne ami taigü cu kei ami na m’taam ah kä kyak ci nei.

AMOS 2:8

Khawihnah nak päng ah chang gui cu suisak ah khan ah ip ci gui, cun cu dukhaih ci gui ah kaa aphu ah ami lak ah kyak ci. Ami Khanpughi ah Taigüim ung ngami cu yu awk ci gui, cun cu ami ngui pu tuk ciah chang gui ah kaa ami lak ah kyak ci.

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

ISAIAH 65:14

Ngami naw yei ne ng’äi m’cu khai gui, cun ung phi nangmi nami m’lung thüi sei nami kyap khai.

SUKI GUI 9:27

Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

AMOS 8:3

Cun ah hnüüp ung mang im ah ng’äi gui cu, kyah l’lau nak ah kyak khai. A hmun päng ung chang si gui ng’yaih khai. Cun gui cu chang gui naw a düm ah ghawt gui khai gui.”

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

HOSEA 3:1

Bawipa naw kei cu na pyen nak ci, “Hteit ba mä ne am hni tuba awn pletbeng nak bik ciah hnumi am, na m’hni nak cu m’dang ä. Ahei khanpughi gui täng ah ng’hlat ne, agup gui am sapyit chawng douthak u sei phi, kei naw Israel chang gui ka m’hni gui lä ah mäih ah nang naw cun hnumi cu na m’hni vai nei.”

ISAIAH 52:5

Tuhbäi Babilon ung phi acun bä ah kya law ba ci; nangmi ning pha gui ci gui, nang mi ah phäh ah a u naw a i kä pek ci. Ning uk gui cicu khä hghah u ne, chang ah ng’shei u ne, ang däih ah kei a i ah kä ami na sui nak cu m’dang ci gi.

PHYAWN NAK 32:6

A ngawi ung khaw ngawi hta chang gui naw, m’khih ne khawihnah nak seime gui la douthak ne ei vai gui cu law püi ci gui. Chang gui cu ngo ne ei aw u neta, ng’tunglam ne lawklak ci gui.

NG’ÄI KYAH 2:18

O Jerusalem, na paang nu gui cu Bawipa ah ma ah kyah sak gui ä, Amü a hnüüp long ciah tuinu ah mäih ah nami phli tui lon sak vä. Thüikyah nak la thüisei nak awn nami tha maih sak vä.

HOSEA 8:2

Cun ung phi ngami naw kei cu ami na Khanpughi ah na khü u na, Ngami cu kei ah ka chang gui ah pyen u ne, kei cu na hmat ci gui.

HOSEA 13:6

Cun ung phi nangmi khaw k’ni ung nami luh law kawn ah nangmi cu phü ne ng’büh law u ne, chang ah ng’shei law u ne kei cu nami na m’hnih ci.

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

HOSEA 13:9

“Israel chang gui aw, kei naw ka ning m’di gui khai. Cun ung a u naw ning bawm gui khai aw?