HOSEA 7:13 - Cho Bible Common Language 2016

¹³ “Ngami cu ng’yiin ci gui. Kei cu na hteh ta u ne na hnungtuk püi ci gui. Ngami cu m’di gui vai. Kei naw ka hun gui hlük ci, cun ung phi ngami naw kei ami na khawihnah cu chei ci.

HOSEA 7:13 Referans Kwoze

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

HOSEA 11:12

Bawipa naw pyen ci, “Israel chang gui naw na veing u ne, hleeihlak ne na theileh nak ci gui. Judah chang gui naw bekhüt theingcim ciah Khanpughi cu tu ä na hnungtuk püi ci gui.

THU PHLAAN 8:13

Cun kawn ah kei naw han teng netah, khankho k’häu ung yong ne ng’väi ciah vanbuuk hmu cu ka hmuk ci. Cun ah hmu naw, “A hei khankho chang pathum naw ami tum law vai ah phyungheng thum ah k’aw awn khomdek khan ah om ciah ak ghing gui cu, kyihkyawk nak, kyihkyawk nak, kyihkyawk nak om khai nei” cine pyein sei ka ng’yak ci.

1 JOHAN 1:10

Kei shetkat nak kä ka bik ci, mi ciah a kyak ung, Khanpughi cu hleeihlak thei ciah mi pyan ah kyak ci, mikmi ung ani ah thu cu kä om ciah kyak ci.

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

MIKHAH 6:4

Egypt khaw ungka ka ning law püi ba gui ci, khleihtein ungka ka ning gung gui ci, ning chuisaw gui khai ah Moses, Aaron la Miriam ka ning tüih law gui ci.”

JONAH 1:10

Jonah naw ktäi ne Bawipa hnu na ne a dawng law ah mawng cu m’thein tu gui ci. Htinpaw bik’bi gui cu cäicat u neta, ani am, “A i kyasei na dawng ang? cine ng’shik ci gui.

JONAH 1:3

Cun ung phi Jonah cu pawng ne Bawipa hnu na ne a lam hei ung hteit ci. Ani cu Joppa ah hteit ci, cun kawn ah Spain ah hteit khai ah htinpaw cu hmuk ci. Ani naw htinpaw ah ang khah pe ne ngami awn atäng ah hteit tuk ci. A cu ah ani cu Bawipa awn ang shawng vai ah phäh ah kyak ci.

HOSEA 11:2

Cun ung phi kei naw ani khü law pi ngä sei, Ani naw kei nang hlah ta law pi k’täi ci. Ka chang gui naw baal am khawihnah nak pe u ne, agup gui am ang ui m’khih ne pek ci gui.

HOSEA 9:17

Kei naw abii ka bi ah Khanpughi naw a chang gui cu hnungtuk gui khai. A i ah kyasei ci ung ngami naw kä ami ngaih ah phäh ah kyak ci. Ngami cu changpakhui gui ah ng’lung ah ng’vaak shüi ci gui ah kyak khai gui.

HOSEA 7:3

Bawipa naw pyen ci, “Chang gui naw akshe ah om u ne ghangpughang la bawi gui cu m’hleei gui ci gui.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

EZEKIEL 34:6

Cun ah kyasei kei ah htome cu khogui khomhtung yung ah ng’väivam ci gui. Ngami cu khomdek ah hmai küm ne püi ci gui, a u naw kä shui ba gui ci, a u naw hmuh ba gui vai ah kä tha nak ci.

EZEKIEL 18:25

“Cun ung phi nangmi naw, Bawipa naw abi cu kä hman ci, name cik ci. Israel Chang gui na ngai vä. Kei naw ka bi lawh nak gui ah lam cu kä hman ciah name ngai ne ma? Kä hman cicu nangmi ah bi nak ah lam ah kyak ci.

EZEKIEL 18:2

a pyen cu, “Israel khaw ung Chang gui naw leng ba ba ne ami pyen ah shin ah ng’thu thuuk cu a i ang? ‘Nupa gui naw htui k’thui ei u sei, Hta nau gui ami ha kyim ci.’

EZEKIEL 16:23

Uktu Bawipa naw pyen ci, “Nang cu na ng’ziin ci! Na ng’ziin ci! Nang naw akshe avan na bik ci, cun kawn ah.

NG’ÄI KYAH 5:16

Keimi kami khähghah nak ungka, a i phi kä k’pawih ci nei. Keimi cu hmaka u ne tuhbäi kami ng’yiin ci.

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.

JEREMIAH 14:10

Bawipa naw shin ah chang gui ah amawng pyen ci, “Ngami cu kei ungka dawng vai m’hni ci gui, ami mät naw ami mät kä m’htei hlawt khai gui. Cun ah kyasei kei naw ngami kä ka yei na gui ci. Kei naw ngami ah cheishoh nak cu shüm ba ne, ami katnak ah phäh ah ka m’kyuk gui khai.”

ISAIAH 63:8

Bawipa naw pyen ci, “Ngami cu kei ah chang gui; ngami naw kä na m’hleeihlak khai gui.” Cunah kyasei ani naw,

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

SAM 106:10

Ani naw ami gen nak gui ungka hun gui ne, ami ga gui ah kut ungka gung gui ci.

JOB 22:17

Shin cu Khanpughi hnungtuk püi ci la ani ah khan ah Khanpughi naw a i kä bi hning khai ciah yum ciah chang gui ah kya ci.

NEHEMIAH 1:10

“Bawipa, shin gui cu nang ah chang gui nei, namät ah chang gui nei. Nang naw dämduh ciah na huham la k’thagui awn na gun gui nei.

THULÄÄN NAK 15:15

Nangmi cu Egypt khaw ah changshäm ah kya u ci sei, Bawipa nami Khanpughi naw a ning m’hlawt gui cu nami shüm ba vai nei. Cun ah kyasei kei tuhbäi a shin ah thumkhän ka ning pek gui ah kyak ci.

JEREMIAH 7:15

Nami mäih yah gui Israel gui ka k’täm ah mäih ah nangmi cu kama ungka naw ka ning k’täm gui khai. Kei, Bawipa naw ka pyen ci.”

JEREMIAH 51:9

Acu ah om tuk ciah akhohei changgui naw, “Kemi naw Babilonia cu bawm tu vai ah kami k’tha ci, cun ung phi ng’phlän pui ci nei. Tuhbäi nawng shüt ne mi im ah mi hteit ba khai nei. Khanpughi naw Babilonia cu ami gäi nak avan awn m’kyuk ne, m’di yawp ci nei.”

MIKHAH 6:12

Bühmang ciah nami chang gui, chang pyaam lei ei ci gui, chang avan cu nami hleeihlak ci.

ISAIAH 30:1

Bawipa naw ng’thu pyen ci, “Judah khaw uk ci gui cu ng’ziin ci gui, a i ah kyasei ci ung ngami naw kei cu na hnu ng’tuk püi ci gui. Kei ah kä pyan ah m’hnüt bäi nak cu läk ci gui, kei ah ka ng’yak hlü awn hnung’tuk ciah yum ät nak bik u ne, katnak tumat ah khan ah tumat m’taih ci gui.

ISAIAH 30:2

Ngami cu kei kä na ng’shikca ah Egypt khaw ah h teit ne ng’hui ng’pa ci gui. Ngami cu Egypt naw ashungvong gui vai m’hni ci gui, cun ah kya ne Egypt Ghangpughang ung ami ngaih u nak ap ci gui.

HOSEA 5:7

Ngami cu Bawipa ung kä bekhüt ci gui. Ami hta nau gui naw ani cu kä khäm ba ci gui. Cun ah kyasei tuhbäi ngami la ami khaw gui cu di law ge khai.