HOSEA 7:10 - Cho Bible Common Language 2016

¹⁰ Israel chang gui ah chang ah ami ng’shei nak awn gami cu m’lau ne hnungtuk püi gui ci. Ngami ung shin gui nü kia law sei phi ngami cu ami Khanpughi Bawipa kei ah kä ng’hlat law ba ci gui.

HOSEA 7:10 Referans Kwoze

HOSEA 5:5

Israel chang gui ah ami m’ghämce nak naw kyap ne ami mät hnungtuk püi gui ci. Ami katnak naw ng’vawn sak gui ne ng’kiak sak gui ci. Judah chang gui cu ngami awsn atäng ah ng’täng ci gui.

ISAIAH 9:13

Israel chang gui cu kä ng’yu ba ci gui; m’gäi ciah Bawipa naw m’kyuk gui sei phi ngami cu ani ah kä law ba ci gui.

ROMAN 3:11

Akcang ah hmuhmat ciah chang tumat phi kä om ci, Khanpughi khawihnah ciah chang tumat phi kä om ci.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.

HOSEA 7:7

“Ami m’lungshe nak ng’ling law aih sei, ngami naw ami uktu gui cu, ngawn gui ci gui. Ami ghangpughang gui cu tumat kawn ah tumat ngawn ci gui. Cun ung phi a u naw phi m’hteihtang vai ah kei ah kä taigü lawk ci.”

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

JEREMIAH 3:3

Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.

NG'THU K'THUUK~ 27:22

Nang naw chang a gu ang a sih ü awng güt na m’ghuih ung phi, ani ah gu ang nak cu ani ungka maih khai ah kä na m’ghuih hlawt khai.

SAM 53:2

Cüivai ciah chang, Khanpughi khawihnah ciah chang, a om la kä cun ah, Khanpughi naw khankho ah ka naw hniciim chang cu yuk teng ci.

SAM 14:2

Bawipa naw Khankho ah om ne, Cüivai ciah chang la ani khawihnah ciah chang a om la kä a om cu hniciim chang gui ung yuk teng gui ci.

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.