HOSEA 6:8 - Cho Bible Common Language 2016

⁸ Kilead cu changshe gui la chang ngawn ci gui awn be ciah mang gaw ah kyak ci.

HOSEA 6:8 Referans Kwoze

HOSEA 12:11

Cun ung phi Kilead ung a gup khawihnah ci gui, Cun ah khawihnah ci gui cu sik khai gui. Kilead ung vantang gui awn khawihnah ne bik ci gui, A cun ung sonkyang gui cu khongpyäu ung lung pum ah kya lawk khai gui.”

LAMKTU 25:3

Ngahmi cu Paul ami law püi ung lam ah mah ne ngawn vai ah pawng pyi ci gui ah kya ne, Ngami am hlün nak gui ah Paul cu Jerusalem ah a hteh püi ba sak gui vai ah k’thäh ci gui.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,

HOSEA 4:2

Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.

JEREMIAH 11:19

Kei cu ngawn vai ami hteh püi ah htome hta ah mäih ah ngaih gep nak om ci, ngami naw kei na hnungtuk püi ne akshe gui bi vai ami pawng püi cu kei naw kä ka hmat ci. Ngami naw pyen ci gui, “Sing ghing cu a gai sangung mi chuk khai nei; ani cu mi ngawn khai nei, cun ung ani cu a u naw phi kä shüm ba khai.”

SAM 59:2

Changshe gui ah kut ung na k’phiawn ne; chang ngawn ci gui ah kut ungka na gung ä!

SAM 10:8

Ani cu pigaw ah amät ng’thup ne, changni cu ng’mün ne ngawn ci. A m’geinka kyak ci gui cu k’tächä gui ci;

1 GHANGPUGHANG GUI 2:5

“A i baw om ba mä ci. Na shüm ba khai, Israel gabawi goi Ner ah hta Abner la Jether ah hta Amasa cu Joab naw ngawn goi ne kei ah khan ah bi bik ci. Ng’tuk yah ung ami ngawn tu ah phäh ah dimdeeih yah ung phu tu ne a ngawn gui cu nang naw na shüm ba ci. Ani naw chang ni gui ngawn gui ci, tuhbäi kei naw ani bi cu ka chaw nak ci, acun ah mawng cu kei naw ka yaica nak ci.

2 SAMUEL 20:8

Gibeon ung lung song nu pei ah gawk law neta, Amasa awn ng’hmuk ci gui. Joab cu ng’tuk nak sui sui ci. Akhei pat ung khim käp mah khim bun ci. Malam ung a hteh yah ung a khim kya lawk ci.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

JOSHUA 21:38

Kad pakhui ah kaa ungka mang gaw phli gah ci gui, Kilead ungka Ramoth lacun ung khuli khaw gui (ng’yiinak mang gaw tumat), Mahanaim,

SAM 141:4

Cheishoh hlü nak la changshe gui ah shetkat nak ung kä ka ng’gui tu vai ah na k’pang ä. Ngami ah ei awk kä na ng’tei pai en tu sak ä.

HOSEA 12:12

Mi pupa Jakob cu Mesopotamia ah dawng nea chumah vai ah phäh ah chang tumat ah bii bi tu ne, ani ah htome cu shäm ci.