HOSEA 6:6 - Cho Bible Common Language 2016

⁶ Kei naw ng’täi ciah anmi m’hni nak cu ka ng’ya hlük ci. Seime awn nami khawihnah nak ah kä kyak ci. Kei ah ka chang gui naw m’khih ne douthak ah dam ah ami na hmuhmat vai cu kei naw ka m’hni ci.

HOSEA 6:6 Referans Kwoze

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

MATTHE 12:7

Cacim ung ‘Kei naw ngawnsheh vawihpeh ah mä, m’gein nak cu kamhni pi ci,’ ciah om ciah a mawng cu nami hmat vai sü ung, katnak kä bik ciah chang gui düt thüi nah ne kä nami m’kat gui khai sü te.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

AMOS 5:21

Bawipa naw, “Zumnak ah nami pawi gui cu kei naw ka thüi nak ci, kei naw kä ka m’düih gui hlawt khai!

ISAIAH 1:11

Ani naw, “Nangmi naw k’pang ne kei am nami douthak al khawihnah nak a vim cu kei naw ka ng’ya hlük ciah nami ngai ne ma? M’khih ne nami khawihuah nak ah htome la nami setme akni pi gui ah thau vata, bä pi ci kei ung om ci nei. Vantang gui, htome gui la me ah si gui cu kei naw kabawung na pyi cinei.

THUSHÄUTU 5:1

Taigüim ah nami hteh ung ng’thei vai ah hteh cu ni pi ci. Nami geing nak vai. A cu ah hteit ne ngaih yak cu a hma la a hman kä hmat ciah chang gu-ang naw khawihnah a douthak ah ta bä tuba ci.

JEREMIAH 22:16

Ani naw dukhaih ci gui cu taga khai ah pe gui ci, cun ah kyasei apäng avan cu bä ci. Cun cu Bawipa hmuhmat nak ah phäh ah kyak ci.

MATTHE 5:7

“M’geinsei nak om ciah chang gui yeikyai vä; Nangmi cu Khanpughi naw ning m’geinsei gui khai

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

JEREMIAH 7:22

Kei naw nami pupa gui am m’khih ne douthak nak ah mawng la ahei a i khawihnah nak ah mawng a i thumkhän phi Egypt kho ah ka, ka law püi ba gui yah ung kä ka pe gui man ci.

1 JOHAN 3:6

Cun ah kyasei Bawi Khrit ung kawng ät ne ghing ciah chang cu, cheishoh nak kä bi ba ci, cheishoh nak bi ba cicu ani kä hmuhmat ciah chang ah kyak ci.

1 JOHAN 2:3

Khanpughi ah thukhän cu mi läk ah a kyak ung ani mi hmat ciah akcang ah mi hmat khai.

MIKHAH 6:6

Khankho Khanpughi khawihnah vai ah lam ung a i nimä ka law püi kaw? Akbä pi seipat hta cu mei ung m’khih ne ap vai ah ka law püi vai aw?

HOSEA 4:1

Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

HOSEA 2:20

Kei naw ka shaitak paang ne ka kaa ah ka ning pyang khai, Nang naw kei cu Bawipa ah na na k’bäi khai.

SAM 50:8

Na ghutha nak, angtäi sei mei awn m’khih ne, na law püi ah hmawk ah kä ka ning gen ci.

MAKUH 12:33

Khanpughi cu m’lung kyong avan, hmuhmat nak avan la k’tha gui avan nawn m’hni vai, mät ah paw chang cu mät awn m’täng ne m’hni vai’ ciah thukhän hnih läk cu Khanpughi-am ak ghing ngawn ne m’khih ne khawihnah nak la Khanpughi-am a hei gui peit nak nüng ah tah bä pi ci nei” cine pyein tu ba ci.

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.