HOSEA 6:5 - Cho Bible Common Language 2016

⁵ Cun ah kyasei kei naw m’khoicha nak la m’dishum nak ah ka ng’thu awn ka prophet gui cu nangmi ah ka tüi lawk ci. Nangmi ungka ng’yak hlü cu ng’mimüi nak la ni kyäp nak ah kyak ci.

HOSEA 6:5 Referans Kwoze

JEREMIAH 23:29

Kei ah ng’thu cu mei ah mäih ah kyak ci, lung khui khai ah shuk ciah ng’kii ah mäih ah kyak ci.

JEREMIAH 1:10

Tuhngawi kei naw nang am changpakhui gui la uk nak kho gui cu angzung ah mawi ne, phu ne, m’di ne ghawt ne, cokyang ne geitkaw ne kyak ah huham cu ka ning pek ci nei.

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

THU PHLAAN 9:21

Chang ami ngawn nak, ami ng’pluhkheih nak, ami m’guuk nak, ami plet nak ah phäh ah phi kä ng’yu ba ci gui.

THU PHLAAN 9:15

Cun ah kyasei khankho chang paphli cu k’phyan tu ba gui ci gui. Ngami cu a i kum, a i chaa, a i hnüüp, a i ah khin ung phi, hnicim chang avan ah bumthum bum ät cu ngawn ge vai ah om ci gui ah kyak ci.

THU PHLAAN 2:16

Tuhbäi nami katnak ung ng’yu ba vä! Kä nami ng’yu ba ung kam gawng ung lut lawk ciah vang ah vei ghaat ciah khim awn ka ning tu gui khai nei.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

LAMKTU 7:31

Cun hmuh ne Moses cu ang htei ah cäicat ne, m’htei neh a hmuh vai ah hei ng’et khäh tah,

ZEPHANIAH 3:5

Cun ung phi Bawipa cu mang gaw om sang ci, ang düng bang bik ci, akshe phung kä bik ci. A ngawi tä sei kä m’chüh en ah chang gui ah om nak ah taga nak cu law püi ci. Cung phi kä ng’düng ciah chang gui naw akshe bi vai k’pang u ne, kä ng’aa ci gui.

EZEKIEL 43:3

Shin ah muimang cu, Khanpughi naw Jerusalem m’di khai ah a law ung ka hmuh ah mäih, Chebar tuinu pei ah ka hmuh ah mäih ah kyak ci. Cun ung kei cu m’dek ung hmai na ne ka ng’bawk ci.

EZEKIEL 3:9

Kei naw nang mi cu lungkheng ah mäih ah khäng ne, vai lung ah mäih ah liu khai ah ka ning pyang gui khai; Shinah küknet ci gui cu kä na mi kyit gui vai.”

JEREMIAH 13:13

Cun kawn ah na m’thein gui vai cu, kei Bawipa naw shin ah khaw ung om ciah chang cu ami awktat güt sapyit tui awn ka k’be gui khai: Cun gui cu David Ghangpughang ah htangshon ghangpughang gui, taigü gui, prophet gui la Jerusalem chang gui ami van ah kyak ci.

JEREMIAH 1:18

“Ngai ä, Jeremiah! Shin ah khaw chang nü, bawi gui, taigü gui la chang gui-naw ning hnungtuk khai gui nei. Cunung phi cun gui na m’khät nak vai ah k’thagui cu tuhngawi kei naw ka ning pek ci; nang cu khäng sei k’paang ah mäh ah na kyak khai. Ngami naw nang kä ning hmim hlawt khai gui, kei naw nang ning ompüi ne, ka ning shungvong khai. Kei, Bawipa naw ka pyen ci.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 37:6

ani naw na düng nak cu hni lung lai ah mäih ah ning khang sak khai nei.

JOB 34:10

Nang ngai vä, hmuhmat ciah chang gui, M’gäi ciah Khanpughi naw cheishoh nak bik khai ma?

2 SHONTÄP NAK 21:12

Prophet Elijah naw Jehoram am ca tumat pek ci, cun cu phat ung shin ah kyak ci: Nami pupa David ah Khanpughi Bawipa naw, ning m’kyuk ci nei, a i ah kyasei ci ung nang naw napa ghangpughang Jehoshaphat ah bilawh, na pughi Ghangpughang Asa ah bilawh gui cu kä na läk ci.

2 GHANGPUGHANG GUI 1:16

a pyen nak cu, “Shin cu Bawipa ah pyen nei, “Nang naw Ekron khanpughi Baalzebub am ng’shängchang tüi ne na ng’shi k’ca sak cu — Israel ung ng’shi ca vai ah Khanpughi kä om ci, ciah na ngaih ah kyak ci, — nang kä na gai ba khai; na sik khai.”

1 GHANGPUGHANG GUI 19:17

Hazela naw kä a ngawn gui, luat ci gui cu Jehu naw ngawn gui khai, Jehu ah kut ung phyawng ci gui cu Elisha naw ngawn gui khai.

1 GHANGPUGHANG GUI 18:17

Ahab naw ani cu hmu law neta, “Shi ah nang na om ci maw — Israel khaw khüikha vai ah bi pikbäih ciah chang!” cik ci.”

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

1 GHANGPUGHANG GUI 14:6

Cun ung phi Ahijah naw ani m’kawt ung a gawk law cu ng’ya neta, pyen ci, “Kyong ah law ä, nang Jeroboam ah chu ah na kyak cu ka ning hmat ci nei. A i ah kyasei chang a hei ah mäih ah na ng’pyang tham ang? Nang ah hmawk ah akshe om ci nei.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

EPHESIAN 6:17

Hun nak ah kyak ciah m’si lukhu cu kutshum ne, Mumcha ah m’shumphyuk ah Khanpughi ah ng’Thu ah kyak ciah khimgan cu nami kawh vai nei.

1 SAMUEL 15:32

Samuela naw k’bäi ne, “Ghangpughang Agag cu shin ung ka pei ah law püi vä” cik ci. Agag cu a pei ah kyi ne ng’hlet ne lawk ci, amät naw ngai ne, “Sih vai cu a i hlawk ah tä khai aw? cik ci.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

EZEKIEL 32:18

Ani naw pyen ci, “Hnicim chang, “Egypt chang gui avan ah phäh ah thüisei ä. Ngami cu a hei huham ah ciah pakhui gui awn atäng ah sih nak khaw ah tüi gui ä.

JOB 15:30

Ani cu hmüp khui ungka kä phyawng khai nei. Angban gui mei naw ui sei apai gui khokhi naw ayon yawp ah a ghing awn täng khai nei.

EZEKIEL 11:4

Hnicim Chang, tuhbäi, ngami cu m’shuk cha gui ä.”