HOSEA 6:4 - Cho Bible Common Language 2016

⁴ Cun ung phi Bawipa naw pyen ci, “Israel la Judah gui aw, nangmi ah khan ah a i ang kei naw ka bi kaw? Nangmi naw kei nami na m’hni nak cu khongawi hta ung khüi tui ang ghit ah amaih ah mäih ah, khongawi ung ang dawt ah maih ciah daam tui ah mäih ah kyak ci nei.

HOSEA 6:4 Referans Kwoze

HOSEA 13:3

Cun ah chang gui cu khongawi ah khüi toi ah mäih ah, khongawi hta ung maih ciah k’daam tui ah mäih ah maih khai gui nei. Ngami cu htang m’hai hmun ung khokhi naw ayon ah htang shi ah mäih, meikhu m’kawt ung meikhu ah mäih ah kyak khai gui nei.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

MATTHE 13:21

Cun ung phi ng’thu ni cu ngami ah m’lung kyong ung kä khäng htek ci, ashäng hta bäng gawk ne om ci. Ami dou ah ng’thu ni ah hmawk ah yaica nak la shedam nak ami aut law ung, acun vai-am ng’hlat ba ci gui.

JEREMIAH 34:15

Hnüüp api lung lawk ci ung nangmi nam nami m’lung m’thawng u ne kei ah yei nak vai cu nami bik ci. Nangmi nami van naw nami Israel paw gui m’hlawt gui vai ah nami yum ci, Taigüim kyong kei nami na khawihnak nak, keiah maung nangmi naw thukhän nami bik ci.

JEREMIAH 9:7

A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?

JEREMIAH 5:23

Cun ung phi nangmi chang gui! Nangmi cu nami m’lung liing ci, nami käknet ci; nangmi naw kei na ng’hlah ta ne, nami na hteh tak ci.

JEREMIAH 5:9

Ashin gui ah phäh ah kei naw kä m’kyuk gui ne ka om khai ma, ashin ah mäih ah pakhui ah khan ah phu kä tuk ah om vai ma?

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

JEREMIAH 3:19

Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

JEREMIAH 3:10

Shing gui avan ah kawn ah Israel ah kä bekhüt ciah anau Jodah cu ng’she ne kei ah law ba ci, ani cu amlung kä theing ci, kei Bawipa naw ka pyen nei.”

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

SUKI GUI 3:12

Israel chang gui cu Bawipa hnu ng’tuk püi ne sheka ba mä ci gui. Acun ah phäh ah Bawipa naw Moab ghangpughang Eglon cu Israel gui ah ta khüighat sak pi ci.