HOSEA 6:11 - Cho Bible Common Language 2016

¹¹ “Judah chang gui nangmi ah phäh la nami bilawh gui ah phäh ah a cun ah mäih ah ning m’kyuk nak gui vai akhin kei naw ka m’hnüt pyi ci nei.

HOSEA 6:11 Referans Kwoze

JOEL 3:13

Ngami cu cheishoh aih ci gui nei; geit khäm yah ung htang ah ah mäih ah aat gui ä; Sapyit neen ah mäih ah neen gui ä sapyit atui kä a luh law pha yawp ah chuih neen ah mäih ah güüt gui ä.

JEREMIAH 51:33

Kä shou pha sei ga gui naw k’shawm gui ne, khlang ung htang leh ah mäih ah leh gui khai gui. Kei, m’gäi ciah Bawipa, Israel Khanpughi naw ka pyen nei.”

JOB 42:10

Joba naw a teihpüi gui thumah phäh ah a k’taigü kawn ah Bawipa naw ani cu ng’bühmang ba sak ci, ayanka ah mä a goi ah däm khai ah pe ba ci.

THU PHLAAN 14:15

Ahei khankho chang tumat cu pum im ungka lut law netah, ng’mei bawk ung ngok ci-am, “Khomdek khan ah geit hmin pyi ci, khäm vai ah khin gawk lawk ci kyasei, na sangsawn awn aat ne khäm ä” cine m’lau ne pyein ci.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.

MIKHAH 4:12

Cun ung phi changpakhui gui naw Bawipa ah m’lung kyong cu kä hmat ci gui. Htang cu le m’ship vai ah bum ah mäih ah m’kyuk gui vah atäng ah ami bum gui cu ngami naw kä hmat ci gui.

SAM 126:1

Bawipa naw Jerusalem mang gaw ah ana law püi ba gui yah cu ng’mang vai sü ah kyak ci!

SAM 85:1

Bawipa, na ng’lei khaw cu nak chimgein ci nei; Israel chang gui cu na bämang ba sak gui ci nei.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.