HOSEA 6:1 - Cho Bible Common Language 2016

¹ Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

HOSEA 6:1 Referans Kwoze

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

JOB 5:18

Khanpughi naw abi ah leim cu hlawp pek ci, a kut awn ning nat sak ne, a kut awn ning khan sak ci.

1 SAMUEL 2:6

Bawipa naw hnun gui m’sih ci hnun gui m’ghin ci; ani naw chang gui sih nak ah khaw ah tüi gui ci, law püi ba gui ci.

HOSEA 14:4

Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

JEREMIAH 30:17

Kei naw nangmi cu ka ning gai ba sak gui khai; nami hmaleim cu ka m’tui khai, Cun ung phi nami ga gui naw, “Zion cu nawng ci gui nei, ani m’htei khai a u kä om ci nei” cik khai gui. Kei, Bawipa naw ka pyen nei.”

ISAIAH 2:3

ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.

JEREMIAH 50:4

Bawipa naw pyen ci,” Cun ah khin a gawk law ung Israel la Judah gui ami van kyap u ne, kei, ami na khanpughi cu na shui khai gui.

JEREMIAH 3:22

Bawipa ng’hlah tak ciah chang gui avan ng’hlat law ba vä; ani naw ning gai sak gui ne ning bekhüt sak gui khai. Nangmi naw nami pyen ci, “ä, kei mi Bawipa ah kami law ba ci nei, a i ah kyasei ci ung ani cu kami Khanpughi ah kyak ci.

ISAIAH 30:26

Cha cu hni ah mäih ah ng’shü khai, hni cu ang shü man ah ak chih ah pyü ne ng’shü khai, hnüüp chih ung ang shü vaisü hnüüp ät ung ang shü ah mäih ah kyak khai. Bawipa naw achang gui am a pek gui ah hmaleim gui halwp ne, am tui pek gui kawn ah shin gui avan cu kya lawk khai nei.

JEREMIAH 33:5

Am shah gui naw Babilonian gui cu ng’tuk püi khai gui, ngami naw im gui cu kei naw ka m’lungshe nak la ka nget ngawng nak awn ka ngawn sheh gui ah a hook gui awn be sak khai gui. Kei naw shin ah mang gaw cu ka ng’hlah tak ci, a i ah kyasei ci ung awn ung om ciah chang gui naw akshe ami bi ah phäh ah kyak ci.

SAM 30:7

Nang cu kei ah khan ah na nik ci, Bawipa; Nang naw kei cu khomhtung tai ah mäih ah na na shung vong ci. Cun ung phi kä ka ning hmuh vai ah ng’thup ci sei, kei cu ka kyik ci nei.

JEREMIAH 30:12

Bawipa naw a chang gui pyen na gui ci, Nami leim gui cu kä khan hlawt ci, Nami nat nak gui cu m’tui ne kä gah nei.

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

ZEPHANIAH 2:1

Kä ng’aa ciah changpakhui gui, nami mät ng’cet tu shüm vä.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

JOB 16:9

Khanpughi naw m’lungshe neta kei cu na shum sak ci nei. Ani naw kei cu thüisei ne ang küi ah na teng ci nei.

SAM 6:2

Bawipa ka tha maih ci nei, na m’gein ä! Ka k’tha avan maih ci nei; thagui na pe ä!

SAM 71:20

Geinvai nak la yaica nak cu ka khan ah na tüi law ci, cun ung phi nang naw ka thagui na m’küm khai, ng’cim hmun ung ka, na na thup khai.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

ISAIAH 17:7

Cun ah hnüüp a gar klaw ung chang gui cu tüisho gui ci naw am htei gui vai ah ng’hlat law ba khai gui. Israel gui ah theingcim ciah khanpughi.

JEREMIAH 33:6

Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

NG’ÄI KYAH 3:11

Ani naw lam ung na gawt ne, ak pi khui ah na na k’teek ne, na phyit neta na nawng ci.

HOSEA 11:10

“Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.

HOSEA 12:6

Cun ah kyasei tuhbäi, Jakob ah htangshon gui, Nami Khanpughi ung ng’ap u ne, nami law ba vai nei. Bekhüt ne taga ne, nami Khanpughi ah hnün thawh cun “lung na ne ngäng vä.

TAIGÜTHUM 14:48

Taigü naw law ne a teng law ung, im cu hluk ba kawn ah kheilei kä ang dang ba ah a kyak ung, ani naw im cu theingthap ci, cine ang ng’shäu vai. A i ah kyasei ci ung kheilei cu maih khai ah heng pyi ah kyak ci.

2 SHONTÄP NAK 30:6

Ghangpughang la a bawi gui ah ng’shächang gui cu Israel la Judah khaw avan ung hteit ne shikcha ah ng’khü ci gui: “Israel chang gui, Assirian gui naw ami tuk nak ah khaw ungka, nangmi nami k’pawih ba ci nei. Tuhbäi, Abraham, Isaak la Jakob ni ah Khanpughi, Bawipa ah law ba vä, ani phi nangmi ah law ba khai nei.

JOB 22:23

Na m’lung neim sak ä, Khanpughi ah law ba ne na im ung nami bilawh ah akshe avan cu ng’pyi sak ä.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.