HOSEA 5:8 - Cho Bible Common Language 2016

⁸ Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

HOSEA 5:8 Referans Kwoze

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

JEREMIAH 4:5

Kho avan ung phyungheng tum vä! Ng’htei khai ah phyungheng tum vä! Judah la Jerusalem chang gui cu m’thein gui vä, khäng htek ciah mang gaw gui ah ami dawng vai nei.

1 SAMUEL 15:34

Cun kawn ah Samuela cu Ramah ah hteit ba ci, Saul ghangpughang cu Gibeah a im ah hteit ba ci.

HOSEA 8:1

Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.

ISAIAH 10:29

Ngami cu k’hteng kau law une, Keba ung mü ip ci gui! Ramah gawnu ung om ciah chang gui cu kyih aih ci gui, Gangpughang Saul ah gawnu Kibeah ung om ciah chang gui cu a hei ah dawng ci gui.

SUKI GUI 5:14

Ngami cu Ephraim ungka khaw nawi ah lawk ci gui, Benjamin pakhui la ak chang gui ah hnu ah läk lawk ci gui. Gabawi gui cu Machira ungka lawk ci gui, Bawi gui cu Zebulun ungka lawk ci gui.

JOEL 2:15

Zion m’htung khan ah phyungheng tum vä; Ei hlawi vai ah ng’thu bäi vä, chang hli khü vä!

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

1 GHANGPUGHANG GUI 12:29

Ani naw vantang-ghui gup tumat cu Bethela ung tha ne, a hei tumat cu Dan ung tha ci.

2 SAMUEL 21:6

Cun ah kyasei ani ah hta ng’shon pami chih na ap gui ä, Bawipa ah ghü ah ghangpughang, Saul ah gawnu, Gibeon ung Bawipa ah ma ah kami m’awh gui khai nei” cik ci gui. Ghangpughang naw, “Ka ning ap gui khai nei” cik ci.

1 SAMUEL 8:4

Cun kawn ah Israel ang vai gui cu ng’chum u neta Samuel ah om nak Ramah ah hteit ci gui.

1 SAMUEL 7:17

Ani cu Ramah a im ah hteit ba ci, acun cu taga suki ah bi abi nak ah kyak ci. Ramah ah ani naw Bawipa ah hmawk ah mangkiang co ci.

JOSHUA 7:2

Joshua naw chang amshah cu Jerikho ungka naw A i ah tüi gui ci. Cun cu Bethela ah akyang täng, Bethaven ah pei ah mang gaw ah kyak ci, hteit ne cun ah khaw ami däät vai ah thukbäi ne a tüih gui ah kyak ci. Acun ah hteit ne ami bi kawn ah,

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?