HOSEA 5:3 - Cho Bible Common Language 2016

³ Israel a i ah mäih ami law cu kei naw ka hmat ci — ani cu kei ungka kä ng’thup hlawt khai. Ani cu kä bekhüt ci, Ani ah chang gui cu kei na khawihnah khai ah kä khin kha ci gui.”

HOSEA 5:3 Referans Kwoze

AMOS 3:2

“M’dek khan pakhui avan ungka nang tumat bäng cu kei naw ka ning hmat, ka ning m’htei ah kyak ci. Cun cu nam katnak kyih aih vai ah kyak sak ci la ngami ah hmawk ah kei naw ka ning m’kyuk gui vai ah mawng ah kyak ci.”

THU PHLAAN 3:15

Nang ah bilawh cu kei naw ka hmat ci, kei naw nang cu kä na ng’liing kä na khiing ciah ka ning hmat ci. Nang cu na ng’liing baw vai, na khiing baw vai, ah kei naw ka ng’ya hlük ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

AMOS 5:12

Shah aih ciah nami katnak gui la leng ba ba ne nami katnak gui cu kei naw ka hmat ci. Chang k’ni nami dukdeiu nak ci, ng’mü khawh nami lak ci, mang ah m’kawt ung dukhaih ci ghui ah gah vai ah taga nak gui cu nami shung ci.

HOSEA 13:1

Cau läi, Ephraim pakhui gui naw ng’thu ami pyen ung ahei Israel pakhui gui naw kyih ci gui. Ngami naw Ephraim cu han dan ci gui. Cun ung phi cun ah chang gui naw Baal khawihnah u ne kat nak ami bi ah phäh ah ngami cu sik khai gui.

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

HOSEA 8:11

“Israel chang gui naw kat nak nawt heng nak vai ahsonkyang co law pi pi u sei, kat nak ami bi nak ah hmun da law pi pi ci.

HOSEA 6:4

Cun ung phi Bawipa naw pyen ci, “Israel la Judah gui aw, nangmi ah khan ah a i ang kei naw ka bi kaw? Nangmi naw kei nami na m’hni nak cu khongawi hta ung khüi tui ang ghit ah amaih ah mäih ah, khongawi ung ang dawt ah maih ciah daam tui ah mäih ah kyak ci nei.

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

HOSEA 5:11

Israel cu shedam nak gah ci. Aini naw amät ah ka tu k’cang ah a khaw cu chah ci. A i ah kyasei ci ung ani naw ani am kä pe hning khai ah om nak ah hteit ne m’hteihtang nak cu k’thäh ci.

HOSEA 5:9

M’kyuk nak ah hnüüp cu gawk lawk ci nei. Israel gui cu di khai gui nei. Israel chang gui shin cu akcang ah kia lawk khai nei.

ISAIAH 7:17

Bawipa naw nang ah khan ah, na chang gui ah khan ah, mang im kyongchang van ah khan ah, Israel khaw, Jndah ung ka ang pai kawn ung gawk law man ciah sheka pi ciah yaica nak ah hnüüp cu law püi khai nei — ani naw Assiria ghangpughang cu law püi khai nei.

ISAIAH 7:5

Siria la Israel la a ghangpughang gui cu atäng ah m’zih vai tumat bik ci gui.

THULÄÄN NAK 33:17

Joseph cu vantang ah mäih ah ak thagui om ci, sei nget ah mäih ah aki gui om ci, Ani ah ki gui cu Manasseh ah phia gha ah kyak ci. Cun kawn ah Ephraim ah phia phia ah kyak ci. Acun awn ani naw pakhui gui su gui ci. Khomdek ah a cawi ah khüt khai ah ani naw buh gui ci.

ISAIAH 7:16

Cun ah khin kä a gawk law pha ung phi, nangmi naw nami kyih ah ghangpughang goi ah ami khaw cu shekak khai nei.

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

HOSEA 6:10

Israel khaw ung kyihkyawk vai kyak ci cu, kei naw ka hmuk ci. Ka chang gui naw agup khawihnah u neami mät naw ami mät lelawi sak ci gui.

HOSEA 13:5

Chawng ne ng’gau ciah khaw ung kei naw ka ning m’hteihtang gui ci.