HOSEA 5:14 - Cho Bible Common Language 2016

¹⁴ Israel la Judah chang gui cu phongkawng ah mäih ah kia ne kei naw ka tu gui khai. Kei ka mät naw akhui pi ah kyak khai gui ah k’teek gui ne ka hteh ta gui khai. Kei naw ngami ka kaih gui ung a u naw ngami kä hun gui hlawt khai.

HOSEA 5:14 Referans Kwoze

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

SAM 7:2

Kä cun ung ngami naw phongkawng ah mäih ah na chang ne, a u ah kä hun nak hning vai ah na hteh püi u ne, na phyit sek khai gui nei.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

AMOS 2:14

Dawng ah gai ci gui phi kä phyawng khai gui, chang thamah gui phi ami ktha maih khai, gakap gui naw phi ami mät ah hnun gui kä hun hlawt khai gui.

ISAIAH 5:29

Gakap gui cu sa lou ne kawt ne, a i naw kä a guh hlawt vai ah phaw ne ghung ne m’ngawk ciah phongkawng ah mäih ah kyak ci gui.

NG’ÄI KYAH 3:10

Ani naw khawm ah mäih ah kei cu na k’äih ci, Ani naw phong kawng ah mäih ah na chaang ci.

JOB 10:16

Avaisü ka tä law ung phi, Kawng vaisü ah na na yun ci; cäi aih gui vai bi ne na na kyihkyawk sak ci.

JOB 10:7

Kei cu changshe ah kä ka kyak ah mawng la nang ungka a u naw kä na phyawn hlawt ci cicu na hmat ci.

THULÄÄN NAK 28:31

Na sei gui cu na hmuh ge ah ngon khai gui, cun ung phi a meh api phi kä na ei tuk khai. Na ng’sela gui cu na hmuh ge ah k’täm khai gui, kä ning pe law ba khai gui. Na htome gui cu na ga gui am pek khai gui. Cun ung phi ning m’hteihtang tuk khai a u kä om khai.

JEREMIAH 25:38

Phongkawng naw akhui anawng ah mäih ah Bawipa naw a chang gui cu nawng gui ci nei. Kyi kyawk vai kyak ciah ng’tuk nak la Bawipa ah kyih vai ah amlungshe nak naw khopäng khaw cu khong gau ah kyak sak ci nei.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

HOSEA 2:12

Ani naw am hni ah chang gui naw, a ih püi ghui vai ah ami pek ah a pyen ah sapyit gui la thei gui cu kei naw ka m’di khai. Ani ah sapyit dum la sing thei dum cu bung ah ka ng’lat sak khai, cun gui cu khisa gui naw m’di yawp khai gui.

HOSEA 13:6

Cun ung phi nangmi khaw k’ni ung nami luh law kawn ah nangmi cu phü ne ng’büh law u ne, chang ah ng’shei law u ne kei cu nami na m’hnih ci.